MATTHAI 5:31 - Pathien Lekhabu Inthieng (BSI)

³¹ “Chun, ‘Tukhawm nuhmei ma chun inmâkna lekha a kuomah pe raw se,’ an ti bawk a.

MATTHAI 5:31 ပူးပေါင်းရင်းမြစ်များ

JEREMIA 3:1

“Mîn a nuhmei a mâk a, amanu chun a suoksan a, pasal dang nuhmei a hung ni ta chun, ama chu, chu nu kuoma chun a kîr nâwk ding am a nih? Chuong a ni chun chu ram chu nasataka sukpawrche a ni naw ding maw? Nang khawm chu, ngaizâwng tamtakhai le chun nawchizawr angin i lo khawsa ta a, ka kuomah i la hung kîr rawp ding a ni? Lalpa chun a tih.

MALAKI 2:16

“Inmâk hi ka theida a nih,” Lalpa, Israelhai Pathien chun a tih, “mâni silfên inpâwngnêknaa inkhum leh,” sipaihai Lalpa chun a tih. Chuleiin, in thlaraua chun fimkhur unla, khawhlotaka in thaw nawna dingin.

MATTHAI 19:3

Chun, Pharisaihai a kuomah an hung a, ama fie dingin, “Ieng lei khawmin mîn a nuhmei a mâk a thieng am?” an ta.

MATTHAI 19:7

Anni chun a kuomah “An leh iengdinga Mosiein inmâkna lekha pêka mâk ding thu a pêk si am a na?” an ta.