MATTHAI 5:25 - Pathien Lekhabu Inthieng (BSI)

²⁵ I khingpui chu lampuia in intlawn laiin rem vat rawh; chuong naw chun, i khingpui chun rorêltu inmantir a ti che a, rorêltu chun mi man hotu kuomah pêng a ti che a, intângna inah khum hlau rawi an ti che.

MATTHAI 5:25 ပူးပေါင်းရင်းမြစ်များ

JOB LEKHABU (THE BOOK OF JOB) 22:21

Tuhin ama le chun inhmêlhriettir la, inremin um rawh, Chuongchun, i ta dingin thil ṭha a hung tlung ding annâwm.

INPÂKNA HLABU 32:6

Chuleiin, Pathien ngaisak mi taphawt chu zawnghmu awla i um laiin i kuomah ṭawngṭâi seng raw hai se; Tui lienhai chu a hung liem pha chun anni chu a chîm phâk vak nawna dingin.

THUVARHAI 25:8

Inkhing dingin inhmawtakin suok naw rawh, A tâwpa thaw dân ding hre si lovin, I tuolbâwm chun sukzak hlau rawi a ti che.

MATTHAI 26:58

Nisienlakhawm, Peterin hlataka inthawkin ama chu a zui a, Thiempu laltak in inhuonna sûng tuol chenin; chun, a va lût a, a tâwpna hmu dingin siehlawhai lai chun a ṭhung ve a.

LUKA 18:3

Chun, chu khuoa chun hmeithai pakhat a um a; ama chun, ‘Ka khingpui chungah ka phuba mi lapêk rawh,’ tiin a kuomah a fê rawp a.

2 KORINTH 6:2

“Hun lâwmumah ka ngaithlâk che a, Sandamna niah ka ṭhangpui che,” a ti si a. Ngai ta u, tu hi hun lâwmum chu a na; ngai ta u, tu hi sandamna ni chu a nih.

HEBRAIHAI 12:17

Chu hnunga chun malsâwmna ro chu hluo chu nuom hlein, mitthli tla pumin ṭhahnemngaitakin zawng sien khawm, simna remchâng a hmu tâk naw leiin peiin a um tah ti in hriet si a.

HEBRAIHAI 3:13

“Vawisûn,” an ti sûng hin ni tinin infui tuo lem ro; chuong naw chun, nangni laia mi tûkhawm hi suol hlêmnaa sukngarin um rawi in tih.

HEBRAIHAI 3:7

Chuongchun, Thlarau Inthieng hril ang bawkin, “Vawisûn hin a râwl in hriet chun,