MATTHAI 5:19 - Pathien Lekhabu Inthieng (BSI)

¹⁹ Chuongchun, tukhawm hieng thupêk laia pakhat, a chîntak khawm bawsea, chuonga thaw ve dinga mihai inchûktir taphawt chu, vân rama chun mi chîn tak tîng an tih; amiruokchu, tukhawm zâwma inchûktir taphawt chu, vân rama chun mi lien tîng an tih.

MATTHAI 5:19 ပူးပေါင်းရင်းမြစ်များ

INPÂKNA HLABU 119:128

Chuleiin, kawng tinrêng thuah, i thununna thuhai po po chu indikin ka hriet a, Um dân indik naw tinrêng hi ka theida a nih.

INPÂKNA HLABU 119:6

Chu pha chun muolpho naw ning, I thupêkhai po po ka pawisak pha chun.

DANIEL 12:3

Chun, mi varhai chu vâna var ang khin var tâng an ta; chun, mihai felna tienga lo ṭhuoi lûttuhai chu chatuonin arasihai angin var tâng an tih.

MATTHAI 11:11

Titakzetin ka hril cheu hi, nuhmei sûnga insieng laiah Baptistu Johan nêka ropui lem an la suok ngai nawh, nisienlakhawm, vân rama mi chîn deu khawm ama nêkin an ropui lem si a.

MATTHAI 19:28

Isûn an kuomah, “Titakzetin ka hril cheu hi, siemtharnaa chun, Mihriem Naupa a ropuina ṭhungphaah a ṭhung phaleh nangni a mi zuituhai rawi hi, Israel hnam sâwm le hnam hnihai chu ngaituoin, lalṭhungpha sâwm le pahniah la ṭhung vêng in tih.

MATTHAI 20:26

Nisienlakhawm, nangni laia chu chuong ang chu ni naw ni, tukhawm nangni laia mi lien ni nuom phawt chu in rawngbâwltuin a um ding a nih,

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

LUKA 1:15

Lalpa ngaiin mi lien nîng a ta, uoin le zu hrim hrim dâwn naw ni a; a nu phing sûnga inthawkin Thlarau Inthiengin hung sip a tih,

LUKA 11:42

“Nangni Pharisaihai, in chung a rik ie! Pudina dâm, pardi dâm, thlai tinrêng dâm sâwma pakhat in pêk hlak a, felna le Pathien hmangaina chu in ngaitha hlak si a. Nisienlakhawm, chuong chu a nih in sawnnaw in thaw ding chu, a danghai chu thaw ṭhul chuong lovin.

LUKA 9:48

an kuomah, “Tûkhawm, ka hming leia hi naupangte lâwm taphawt chu kei a mi lâwm ning a ta, tukhawm kei mi lâwm chu a mi tirtu lâwm nîng a tih, nangni laia chîntak hi a nih a ropui chu,” a ta.

THILTHAWHAI 1:1

Theophil, kha hmaa lekhaa khan, Isu thilthaw le ân chûktir phut lai thu po po kha ka ziek a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:8

Mîn an mi hêk a, mi ṭhenkhatin ka hril naw tawp an mîn hriltir angin ieng dinga, “Thil ṭha a hung theina dingin thil suol thâwng ei tiu,” tiin ei hril lem naw? Chuong ang mihai chun thiemnaw an chang chu a fel a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:1

Ieng am hril tâng ei ta? Lunginsietna chu a pung nâwk zuolna dingin suolin ei um zing ding am a nih?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:15

Iengtin am nîng a ta? Dân rorêla um ei ni naw a, lunginsietna rorêla um ei ni lem lei hin ei suol ding am a nih? Teu lo e a!

DÂN PAHNINA 12:32

“Thaw dinga thu ka pêk taphawt cheu chu in thaw ding a na, in belsa ding a ni naw a, in suktlâwm ding a ni bawk nawh.

DÂN PAHNINA 27:26

“‘Hi dân thu pawm nghet lotu chu ṭawngsephurin um raw se,’ tîng an ta, mipui po po chun, ‘Amen’ an lo ti ding a nih.

1 TIMOTHE 6:11

Nisienlakhawm, nang Pathien mi, chuong thilhai chu tlânsan la, felna dâm, Pathien ngaisakna dâm, ringna dâm, hmangaina dâm, dawtheina dâm, thuhnuoirawlna dâm hnawt pei rawh.

TITA 3:8

“Pathien ring tahai chun thil ṭha thaw pei dingin ngaituo rawhai se,” ti thu hi ring a um a nih, chuong thu chanchin chu huoitaka i hril tlat ka nuom a nih. Chuong thu chu mihriemhai ta dingin a ṭhain a ṭhahnem a nih.

1 PETER 5:4

Chun, Berâm Vêngtu Laltak chu a hung inlang pha, ropuina lallukhum chuoi thei naw chu hmûng in tih.

1 JOHAN 3:4

Tûkhawm thil suksuol taphawt chun dân khawm a bawsiet a nih; suol hi dân bawsietna a ni si a.

THUPUONGSUO 2:20

Nisienlakhawm, demna che ka nei; nuhmei, Jezebel, Zâwlneinu inti kha, i ngai thei leiin; ama chun ka suokhai chu indit le milim biekna thil fâk inchûktirin, a ṭhuoi hmang bawk hlak a nih.

1 SAMUEL 2:30

Chuleiin, Lalpa Israelhai Pathien chun, ‘Kei chun chu i sûnghai le i pa sûnghai chu kumkhuoin ka hmaah um in tih’ ka ti ngei a; nisienlakhawm, tuhin Lalpa chun, ‘Um naw tawp in tih, a mi chawimawi taphawt chu chawimawi ka ta, a mi hmusit taphawt chu ka ngainêp an ni ding a ni si a.