MATTHAI 5:18 - Pathien Lekhabu Inthieng (BSI)

¹⁸ Titakzetin ka hril cheu hi, hnuoi le vân hi a bo hmakhat chun Dân thua sunhâng chite amanih, thaihâng chite amanih, pakhat khawm, bo naw tawp a tih, a rênga a tlung kim hmakhat chun.

MATTHAI 5:18 ပူးပေါင်းရင်းမြစ်များ

INPÂKNA HLABU 102:26

Chuonghai chu la bohmang a ta, nang ruok chu um zing i tih. Anih, chuong po pohai chu silfên angin la hlui a ta, Puon angin thleng i ta, hung danglam tâng a tih.

INPÂKNA HLABU 111:8

Chuong chu kumkhawtluonga dingin sukdetin a um a, Thutak le indiktaka thaw a ni tâwl a.

INPÂKNA HLABU 119:152

Tienlaiin, i thuinhriettirhaia inthawkin, Chuong chu kumkhawtluonga dingin i sukdet ti ka lo hriet tah.

ISAI 40:8

Hlobet chu a vuoi a, a pâr chu a ṭuoi hlak: ei Pathien thu ruok hi chu chatuonin um zing a tih.”

ISAI 44:26

mâni siehlaw thu sukdet a, mâni palaihai remruot sukmuolsuotu, Jerusalem chungchâng thua, ‘Chutaka chun mi um nâwk an tih,’ titu le, Juda ram khawpuihai chungchâng thua, ‘Siemin um nâwk tâwl an ta, a sietna laihai chu siem ṭha nâwk ka tih,’ titu,

ISAI 51:6

Vân tienga hai khin in mit hang inlên unla, hnuoi tienga leihnuoi chu en ro: vân khi meikhu angin lân zâm hmang a ta, leihnuoi hi silfên angin la hlui a tih, a sûnga umhai chu chuong ang bawk chun la thîng an tih; ka sandamna ruok hi chu kumkhuoin um a ta, ka felna khawm hi sukboin um naw ni.

MATTHAI 10:15

Titakzetin ka hril cheu hi, ngaituo nia chun chu khuohai nêk chun Sodom le Gomorra ram tuor ding chu a dân um lem a tih.

MATTHAI 10:23

“Chuongchun, hi khuoa hin an suknawmna pha cheu, khaw dangah tlân san ro; titakzetin ka hril cheu hi, Mihriem Naupa a hung hmain Israel khuohai chu fang suok naw ti niu.

MATTHAI 10:42

Chun, tukhawm hieng mi chîntak laia pakhat kuoma hin, tirko a ni leia tuisik no khat chau khawm pe taphawt chun, titakzetin ka hril cheu hi, a lâwmman chu chân naw tawp a tih,” a ta.

MATTHAI 11:11

Titakzetin ka hril cheu hi, nuhmei sûnga insieng laiah Baptistu Johan nêka ropui lem an la suok ngai nawh, nisienlakhawm, vân rama mi chîn deu khawm ama nêkin an ropui lem si a.

MATTHAI 13:17

Titakzetin ka hril cheu hi, zâwlnei tamtakhai le mi fel tamtakhai khawmin, in thil hmuhai hi hmu an inhâwk a, nisienlakhawm, an hmu si naw a; in thil hriethai khawm hi hriet an inhâwk a; nisienlakhawm, an hriet si naw a!

MATTHAI 16:28

Titakzetin ka hril cheu hi, hitaka ngîr a ṭhen hi, Mihriem Naupa a rama a hung an hmu hmakhat chun, thina intem tawp lo ding an um,” a ti a.

MATTHAI 17:20

Ama chun an kuomah, “In ringna tlâwm leiin. Titakzetin ka hril cheu hi, anṭam mu mal khat ang ringna in nei chun, hi tlâng kuoma hin, ‘Hitaka inthawkin saw taka sawn vân sawn rawh,’ tîng in ta, insawn el a tih; in ta dingin thaw thei naw hrim hrim iengkhawm um naw ni.

MATTHAI 18:18

“Titakzetin ka hril cheu hi, hnuoi chunga iengkhawm in phuor taphawt chu vânah phuor nîng a tih; hnuoi chunga iengkhawm in sût taphawt chu vânah sût nîng a tih.

MATTHAI 18:3

“Titakzetin ka ti cheu hi, in inlamlêta naupangte ang in hung ni naw chun, vân ramah lût naw tawp in tih.

MATTHAI 19:23

Chun, Isûn a inchûktirhai kuoma chun, “Titakzetin ka hril cheu hi, mi hausa ta dingin vân rama lût chu intak tak a nih.

MATTHAI 19:28

Isûn an kuomah, “Titakzetin ka hril cheu hi, siemtharnaa chun, Mihriem Naupa a ropuina ṭhungphaah a ṭhung phaleh nangni a mi zuituhai rawi hi, Israel hnam sâwm le hnam hnihai chu ngaituoin, lalṭhungpha sâwm le pahniah la ṭhung vêng in tih.

MATTHAI 21:21

Chun, Isûn an kuomah, “Titakzetin ka hril cheu hi, ringna in nei a, in ringhla naw chun, theichang chunga thaw ang chau hi thaw naw ti niu a, hi tlâng kuoma khawm hin, ‘Lo insawn la tuisuorietah lo inpei rawh,’ in ti chun, in ti ang chun lo um a tih.

MATTHAI 21:31

Chuonghai pahni atu lem chun am an pa dit zâwng an thaw a?” a ta. Anni chun, “A hmasa lem chun,” an ta. Isûn an kuomah, “Titakzetin ka hril cheu hi, siedâwltuhai le nawchizawrhai chun, Pathien ramah an lût khal ding cheu a ni hi.

MATTHAI 23:36

Titakzetin ka hril cheu hi, chuong po po chu tulai ruoltharhai chunga hin la tlung a tih.

MATTHAI 24:2

Chun, a inchûktirhai chu Pathien biekinhai inentir dingin a kuomah an hung a. Ama ruok chun, an kuomah, “Hieng po po hi in hmu maw? Titakzetin ka hril cheu hi, sukchim loa lung inthuo hrim hrim hitaka hin um naw ni,” a ta, a dawn a.

MATTHAI 24:47

Titakzetin ka hril cheu hi, a inei po po chungah hotûn siem a tih.

MATTHAI 25:12

Ama ruok chun, ‘Titakzetin ka hril cheu hi, ka hriet naw cheu a nih,’ a ta, a dawn a.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 25:45

Chun, ama chun an kuomah, ‘Titakzetin ka hril cheu hi, hieng mi chîntak laia mi pakhat chunga in thaw naw chu ka chunga thaw naw in nih,’ tiin la dawn a tih.

MATTHAI 5:26

Titakzetin ka hril che hi, pawisa khat chena i pêk kim nek hma chun, chutaka inthawk chun suok naw tawp i tih.

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak si a. Titakzetin ka hril cheu hi, an lâwmman chu an hmu zo tah.

MATTHAI 6:2

Chuongchun, mi kuoma thil i pêkin, mi vervêkhaiin mi inpâk an hlaw theina dinga, inkhâwmna inhaia le, kawtthlêrhaia an thaw hlak angin, i hmaah tawtawrâwt inmûttir naw.

MATTHAI 8:10

Isûn chuong thu chu a hrietin mak a ti hle a, ama zuituhai kuoma chun, “Titakzetin ka hril cheu, Israelhai lai khawm hieng ang lâwma ringna nasa hi ka hmu nawh.

MARKA 10:15

Titakzetin ka hril cheu, tûkhawm Pathien ram chu naupangtêin a lâwm anga lâwm naw phawt chu a sûngah lût naw tawp an tih,” a ta.

MARKA 10:29

Isu chun, “Titakzetin ka hril cheu, tûkhawm keia lei le Chanchin Ṭha leia in amanih, unaupahai amanih, farnuhai amanih, nu amanih, pa amanih, nauhai amanih, ram dâm khawm amanih fe san taphawt chu,

MARKA 11:23

Titakzetin ka hril cheu hi, tûkhawm hi tlâng kuoma hin, ‘Insawn la, tuisuorietah dehâwnin um rawh,’ tia a lungrila ringhla lova a iti chu tlung ngei a tih ti ring taphawtin an hril ang phawt chu hmûng an tih.

MARKA 12:43

Isu chun a închûktirhai chu a ko a, an kuomah, “Titakzetin ka hril cheu hi, thawlâwm bâwma thlâktu po po hai nêkin hi hmeithai pasetak hin a thlâk tam lem.

MARKA 13:30

Titakzetin ka hril cheu hi, chuong po po chu a tlung hmakhat chu, tulaia ruoltharhai hi bo naw nihai.

MARKA 14:18

Chun, an awt a, an fâk laiin Isûn, “Titakzetin ka hril cheu hi, nangni laia mi pakhat ka kuoma fa ve ngei hin mîn mantir a tih,” a ta.

MARKA 14:25

Titakzetin ka hril cheu hi, Pathien rama a thar ka dâwn ni a tlung hmâkhat chu, grêp hrui raa hi dâwn nâwk ta naw ning,” a ta.

MARKA 14:30

Nisienlakhawm, Isûn a kuomah, “Titakzetin ka hril che, vawisûn hin, vawizân la la hin âr vawi hni a khuong hmâin nangin vawi thum mîn phat i tih,” a ta.

MARKA 14:9

Chuongchun, titakzetin ka hril cheu hi, khawvêl po poah, khâwlai khawm Chanchin Ṭha an hrilna taphawta chun hi nuhmei thil thaw hi ama hriet zingna dingin hril sa pei an tih,” a ta.

MARKA 3:28

Titakzetin ka hril cheu hi, mihriem nauhai hi an suolna po poa le, Pathien an hrilsietna kawng tinrênga khawm chun ngaidam nîng an tih;

MARKA 6:11

Chun, khâwlai khuo khawmin an lâwm naw cheu a, in thu an ngâi nawna poah, chutaka inthawka in suok pha chun, anni inhriettirna dingin in kepha hnuoia pilvut kai chu thinthla ro,” a ta.

MARKA 8:12

Chun, ama chu a lungrilah nasatakin ân rûm a, “Iengdinga tulaia ruoltharhai hin inchikna an zawng am a na? Titakzetin ka hril cheu, tulai ruoltharhai kuoma hin inchikna hrim hrim pêk ni naw ni,” a ta.

MARKA 9:1

Chun, ama bawkin an kuomah, “Titakzetin ka hril cheu hi, hitaka ngîr aṭhenhai hi Pathien ram chu thilthawtheina le a hung tlung an hmu hmâkhat chu thina intem tawp naw ding an um,” a ta.

MARKA 9:41

Tûkhawm Krista mi in ni leia tuisik no khat dâwn ding pe taphawthai cheu chu, titakzetin ka hril cheu, an lâwmman ding chu inhmang ta naw tawp a tih.

LUKA 11:51

Abel thisen suoka inthawk, Zakaria maichâm le biekin inkâra thi, thisen suok chena mi kha.’ Anih, ka hril cheu hi, tulai ruoltharhai chunga hin phuba lâng an tih.

LUKA 12:37

An pu a hung phaa suok lo nghâk zinga a hmu dinghai chu an hamṭha. Titakzetin ka hril cheu hi, ama chun a dier hung kei a ta, anni chu thlaithlêng awtin inṭhungtir a ta, an rawng hung bâwlpêk a tih.

LUKA 13:35

En ta u, in in chu aruoka mâksanpêk cheuin a um tah. Ka hril cheu hi, ‘Lalpa hminga hung chu inpâkin um raw se,’ in ti hmakhat chun, mi hmu nâwk ta naw ti niu,” a ta.

LUKA 16:17

nisienlakhawm, Dân thu sunhâng chîterek khawm a bo nêk chun vân le khawvêl bohmang awl lem a tih.

LUKA 18:17

Titakzetin ka hril cheu hi, tûkhawm Pathien ram chu naupangtêin a lâwm anga lâwm naw phawt chu a sûngah lût naw tawp an tih,” a ta.

LUKA 18:29

Chun, ama chun an kuomah, “Titakzetin ka hril cheu hi, tûkhawm Pathien ram leia in amanih, nuhmei amanih, unauhai amanih, nu le pa amanih, nauhai amanih mâksan taphawt chu,

LUKA 23:43

Chun, ama chun a kuomah, “Titakzetin ka hril che hi, vawisûn hin ka kuomah Paradisah um vêng i tih,” a ta.

LUKA 4:24

Chun, ama bawkin, “Titakzetin ka hril cheu hi, zâwlnei tukhawm mâni khuo tieng mîn an lâwm ngai nawh.

JOHAN 1:51

Chun, Isu bawkin a kuomah, “Titakzetin, titakzetin ka hril cheu hi, vân inhawngah, Pathien vântirkohai Mihriem Naupa chunga hin a lâwn le a ṭum la hmûng in tih,” a ta.

JOHAN 10:1

“Titakzetin, titakzetin ka hril cheu hi, tûkhawm berâm huona kawtkhâra lût lova, a dang tienga lâwn lût chu ama chu iengkhat inruhmang le suomhmang a nih.

JOHAN 10:7

Chuongchun, Isûn an kuomah a hril nâwk a, “Titakzetin, titakzetin ka hril cheu hi, kei hi berâm kawtkhâr chu ka nih,

JOHAN 12:24

Titakzetin, titakzetin ka hril cheu hi, bu mal hnuoiah a tla a, a thi naw chun, a mal chauin a um zing hlak; a thi ruok chun tamtakin a ra hlak.

JOHAN 13:16

Titakzetin, titakzetin ka hril cheu hi, suok a pu nêkin a ropui nawh; tirko khawm a tirtu nêkin a ropui bawk nawh.

JOHAN 13:38

Isûn, “Keima leiin i hringna i pêk ding maw? Titakzetin, ka hril che hi, nangin vawi thum i mîn phat hmakhat chu âr khuong naw ni.

JOHAN 14:12

Titakzetin, ka hril cheu hi, tûkhawmin a mi ring chun thil ka thawhai hi ama khawmin thaw vêng a tih; hienghai nêka thil ropui lemhai khawm la thawng a tih, Pa kuoma ka fe ding leiin.

JOHAN 16:20

Titakzetin, ka hril cheu hi, nangni in mitthli tlâng a ta, ṭap rak bawk in ta, khawvêl ruok chu lâwm an tih, nangni lungngai in ta, nisienlakhawm, in lungngai chu lâwmin inchang a tih.

JOHAN 16:23

Chu ni chun nangnîn kei iengkhawm mîn dawn naw ti niu. Titakzetin, titakzetin ka hril cheu hi, Pa kuomah in hni taphawt chu ka hmingin pêng a ti cheu.

JOHAN 21:18

Titakzetin, titakzetin ka hril che, i naupang lai khan i kâwngah în khit a, i nuomna tieng tieng i fe hlak; nisienlakhawm, i upat pha i kuthai phar i ta, mi dangin khitpêk an ti che a, i nuom nawna tieng kei an ti che,” a ta.

JOHAN 3:11

Titakzetin, titakzetin ka hril che hi, keinîn kan hriet chu kan hril hlak, kan hmu chu kan inhriettir hlak; nisienlakhawm, kan thu inhriettir in awi ngai si nawh.

JOHAN 3:3

Isûn a dawn a, a kuomah, “Titakzetin, titakzetin ka hril che hi mi tûkhawm an pieng thar naw chun, Pathien ram hmu thei naw ni hai,” a ta.

JOHAN 3:5

Isûn a dawn a, “Titakzetin, titakzetin ka hril che hi, mi tûkhawm tuia le Thlaraua an pieng naw chun Pathien ramah lût thei naw ni hai,

JOHAN 5:19

Chun, Isûn an kuomah, “Titakzetin, titakzetin ka hril cheu hi, Naupa hin a khâtin iengkhawm a thaw thei nawh, Pa thilthaw a hmu chau naw chu; thil a thaw ang taphawt chu Naupa khawmin a thaw ve hlak.

JOHAN 6:26

Isûn an kuomah, “Titakzetin, titakzetin ka hril cheu hi, thilmakhai in hmu leia mi zawng in ni naw a, bei in fâk khawp leia mi zawng in ni lem hi.

JOHAN 6:32

Chun, Isûn an kuomah, “titakzetin ka hril cheu hi, vâna inthawka bei in hmu kha Mosie pêk cheu a ni nawh, ka Pa ruok chun vâna inthawkin bei tak tak a pêk cheu a ni hi.

JOHAN 6:47

Titakzetin, titakzetin ka hril cheu hi, tûkhawm a ring chun chatuona hringna a nei tah a nih.

JOHAN 6:53

Chun, Isûn an kuomah, “Titakzetin, titakzetin ka hril cheu hi, Mihriem Naupa taksa in fâka, a thisen in dâwn bawk naw chun, nangni khâtin hringna nei nghâl lo cheu.

JOHAN 8:34

Isûn an kuomah, “Titakzetin, titakzetin ka hril cheu hi, tûkhawm thil suksuol taphawt chu suol suok a nih.

JOHAN 8:51

Titakzetin, titakzetin ka hril cheu hi, miin ka thu a zâwm chun, kumkhuoin thi ni hmêl hmu naw ni,” a ta.

JOHAN 8:58

Isûn an kuomah, “Titakzetin, titakzetin ka hril cheu hi, Abraham um hma khawmin ka um,” a ta.

1 PETER 1:25

Lalpa thu ruok chu, Chatuonin a um zing a nih,” ti a ni si a. Chu chu a nih, Chanchin Ṭha thu an hril cheu kha.

THUPUONGSUO 20:11

Chun, lalṭhungpha lientak vârtak le a chunga ṭhung chu ka hmu a, a hmaa inthawk chun hnuoi le vân an tlân hmang a, an ta dingin hmun hrim a um ta naw a.