MATTHAI 5:12 - Pathien Lekhabu Inthieng (BSI)

¹² “Lâwm unla, nasatakin hlim ro; vânah in lâwmman a um râwn si a; chuong ang bawkin in hmaa zâwlnei umhai khawm an suknawmna hlak kha.

MATTHAI 5:12 ပူးပေါင်းရင်းမြစ်များ

INṬANNA 15:1

Chuong thil hnunga chun, “Abram, ṭi naw rawh; kei hi i phaw le i lâwmman nasatak el chu ka nih,” tiin Lalpa thu chu Abram kuomah mang angin a hung tlung a.

1 LALHAI 18:13

Jezebelin Lalpa zâwlneihai a râwt rak laia ka thil thaw, Lalpa zâwlneihai laia mi za, sâwmnga pâwla pûka ka thuphmang a, bei le tuia ka châwmzie kha ka pu hi an hril naw che nîng a ti maw?

1 LALHAI 18:4

Jezebelin Lalpa zâwlneihai a râwt rak lai khan Obadia chun zâwlnei za a ṭhuoi a, pûkah sâwmnga peiin a thuphmang a, bei le tuiin a châwm hlak a nih.)

1 LALHAI 19:2

Chuongchun, Jezebel chun Elija kuomah, “khâng mihai laia mi pakhat hringna anga zîngah hieng tik phât hin i hringna ka siempêk ve naw che chun pathienhai chun an law law mi law el hai sienla, chu nêka nasa lem khawm a,” tiin mi a tir a.

1 LALHAI 21:20

Chun, Ahab chun Elija kuomah, “I mi hung hmu ta maw, ka hmêlmapa?” a ta. Chun, ama chun a dawn a, “Ka hmu ta che a ni hi, Lalpa mithmua thil ṭha naw thaw dingin inzawr ta che chu.

1 LALHAI 22:8

Chun, Israel lal chun Jehosaphat kuoma chun, “Lalpa mi râwnpêk ding Imla naupa Mikaia kha chu a la um kha maw, nisienlakhawm, ama hi chu ka theida zâwngtak a nih; ka chungchâng thu hi a se tieng ngawt naw chu a ṭha tieng a hril hrim hrim ngai nawh,” a ta. Chun, Jehosaphat chun, “Lal hin chuong ang chun chu ti naw raw se khai,” a ta.

2 LALHAI 1:9

Chun, lal chun sipai sâwmnga pâwl hotu pakhat, a rawihai sâwmnga le chun a tir ta a, chun, a kuoma chun a hang fe a, ngai ta, tlâng sîpa chun ama chu a lo ṭhung a. Chun, a kuomah, “Aw nang Pathien mi, lal chun, ‘Hung thla raw se,’ a ti che,” a ta.

2 CHANCHIN SUINA 16:10

Chun, Asa chu zâwlnei chunga chun a lunginsen a, lung ina chun ama chu a khum ta a; hi thil lei hin ama chunga chun a lunginsen si a. Chun, Asa chun chuong lai chun mi ṭhenkhathai chu a lo nêksawr hle bawk a.

2 CHANCHIN SUINA 36:16

nisienlakhawm, Pathien tirkohai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga Lalpa lungsenna chu chawkthoa a um hiel chen chun.

NEHEMIA 9:26

Nisienlakhawm, an hung kâwmaw a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thaw a.

INPÂKNA HLABU 19:11

Chu nawa khawm chuong thuhai chun i siehlaw hi vaulâwkin ka um hlak a. Chuong zâwm chu lâwmman nasatak neina a ni hlak.

INPÂKNA HLABU 58:11

Chuongchun, mihaiin, “Mi fel ta ding chun lâwmman a lo um tak tak a; Hnuoia hin rorêltu Pathien a lo um tak tak a ni hi,” tîng an tih.

THUVARHAI 11:18

Mi khawhlo chun hlaw hmusitumtakhai chu a hlaw a, Felna tutu ruok chun lâwmman indiktak chu a hmu.

ISAI 3:10

Mi fel thua chun, “An la ṭha ding a nih,” ti ro; an thilthaw rahai chu an fâk ding a ni si a.

JEREMIA 2:30

A thlâwn elin in thlahai chu ka lo vuok ta a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 26:8

Chun, Lalpain hril dinga thu a pêk po po mipuihai po po kuoma Jeremia chun a hril zo chun, thiempuhai le, zâwlneihai le mipui po po chun ama chu an man a, “I thi ngei ngei ding a nih.

JEREMIA 37:14

Jeremia chun, “Thukhêl a nih; Kaldaihai kuomah kân pêk nawh,” a ta; nisienlakhawm, ama chun a ngai naw a; chuongchun, Irija chun Jeremia chu a man a, rorêltuhai kuoma chun a hung ṭhuoi ta a.

MATTHAI 16:27

Mihriem Naupa hi a vântirkohai leh, a Pa ropuinaa inthuomin a hung ding a ni si a; chu pha chun mi tin an thilthaw ang peiin thung seng a tih.

MATTHAI 6:16

“Bu in nghei pha khawmin, mi vervêkhai angin ngui hmêl put naw ro; anni chun mi mithmua bungheia an inlang theina dingin an hmêl an sukpawr hlak si a. Titakzetin ka hril cheu hi, an lâwmman chu an hmu zo tah.

LUKA 13:34

“Aw Jerusalem, Jerusalem! zâwlneihai thattu, i kuoma an hung tirhai lunga lo dêng hlumtu; ârpuiin a têhai a thla hnuoia a awp khâwm angin, i nauhai vawi iengzât am awp khâwm ka tum kha! Nisienlakhawm, in nuom si nawh.

LUKA 6:23

Chu ni chun lâwm unla, hlimin inchâwm ro; ngai ta u, vânah in lâwmman a um râwn si a; chuong ang bawkin an thlatuhaiin zâwlneihai chungah an thaw hlak kha.

LUKA 6:35

Amiruokchu, in hmêlmahai hmangai unla, an ṭhatna ding thaw unla, inpûktir ro, beidawng dêr lovin; chuongchun, in lâwmman tam a ta, Achunghnungtak nauhai ni bawk in tih; ama chun mi lâwmnachâng hre lohai le mi suolhai a lunginsiet hlak.

THILTHAWHAI 16:25

Nisienlakhawm, zân rila chun, Paula le Sila chu Pathien kuomah an ṭawngṭai a, hla an sak a, intânghai chun an ngai a;

THILTHAWHAI 5:41

Chuongchun, rorêltuhai laia inthawk chun an suok a, chu hming leia muolphona tuor tlâka ruot an ni leiin an lâwm hle a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:3

Chu chau chu ni lovin, ei rimsiknaa khawm lâwmin ei um a nih, rimsikna chun selna a siem a,

1 KORINTH 3:8

Chun, a phuntu le tuia châwmtu pumkhat an nih, nisienlakhawm, mâni sinthaw ang peiin lâwmman hmu ve vêng an tih.

2 KORINTH 4:17

Kan rinum nêptak, hi mit inkhap kâr chaua um ding hin ropuina nasatak, kumkhuoa dingin a mi siem pêk nasa deu deu a nih;

PHILIPPI 1:29

Krista leia ama in ring chau ni lovin, ama leia in tuor khawm phal a ni si a,

PHILIPPI 2:17

Anih, in ringna inthâwina le rawngbâwlna chunga chun bunthlâka um ding ni lang khawm ka lâwm a nih, in rêngin ka lâwmpui bawk cheu a nih.

KOLOSSA 1:24

Tuta ka tuorpêkna cheua hin ka lâwm a, Krista rinum tuor bâk chu a taksa leiin ka taksaa hin ka sunzawm pei a nih, a taksa chu kohran hi a nih.

KOLOSSA 3:24

a thungna rohluo ding chu Lalpa kuoma inthawkin in hmu ding a nih ti hre zingin Lalpa Krista rawng in bâwl a ni hi.

1 THESSALONIKA 2:15

Chuong Judahai chun Lalpa Isu le zâwlneihai khawm an that a, keini khawm an mi hnawt suok a, Pathien an suklâwm naw a, mi po po an kal hlak;

HEBRAIHAI 10:34

Kawlbunhai chu in lainat a, thil ṭha lem, um sawng bawk ding chu, mâniin in nei ti hrein, in thilneihai lâkpêka in umnaa khawm lâwmtakin in lo tuor ta a.

HEBRAIHAI 11:26

Krista an hmusitna chu Aigupta ram rohai nêk chun sum ropui lemah a ruot a, lâwmman pêk ding chu a thlîr hlak leiin.

HEBRAIHAI 11:33

Chuonghai chun ringnain ramhai an lâk a, thil fel an thaw a, thutiemhai an chang a, sakeibaknei khâkhai an sukchîp a, mei thilthawtheina an sukmit a, kâwlhnâm ngei chenin an pumpel a.

HEBRAIHAI 11:6

Nisienlakhawm, ringna naw chun ama lâwm zâwng mi ni ruol a ni nawh; Pathien kuoma hung chun ama chu a um ti le, a zawngtuhai kuomah lâwmman pe hmang a nih, ti ring ding a nih.

JAKOB 1:2

Ka unauhai, thlêmna tinrêng in tuok hnungin lâwmna ruokah ngai ro,

JAKOB 5:10

Unauhai, Lalpa hminga thu hriltu le zâwlneihai chu, tuor dân le sel dân kawnga chun, enkhi dingin hmang ro.

1 PETER 4:13

Krista tuornahaia tuorpuituhai in ni zie ang peiin lâwm lem ro; chuongchun, a ropuina a hung inlang pha chun nangni khawm hlimtakin lâwm thei in tih.

RUTH 2:12

Lalpa chun i thilthaw tahai chu thung sienla che, Lalpa, Israelhai Pathien, inhumhimna dinga a thla hnuoi i hung phên chun, i ṭhat man pe ṭeu raw se che,” tiin.