MATTHAI 4:8 - Pathien Lekhabu Inthieng (BSI)

⁸ Chun, diebol chun tlâng insângtakah a ṭhuoi nâwk a, khawvêl ram po po le a ropuina chu ân entir a.

MATTHAI 4:8 ပူးပေါင်းရင်းမြစ်များ

ESTHER 1:4

chu huna chun ama chun a lalram ropuitak hausaknahai le ân lalzie inzaûmna chu ni tamtak el, ni za khat le sâwmriet sûng zet ân entir a.

ESTHER 5:11

Chuongchun, Haman chun an kuoma chun, a hausaknahai ropuizie dâm, a nauhai tamzie dâm, lalin ama chu ân kaisângtirna thilhai po po dâm, lal siehlawhai le lalhai chunga ama a siechungzie dâm chu a hril ta a.

DANIEL 4:30

Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.

NAMBAR 23:3

Balaam chun Balak kuomah, “I pumrawhmang thilinhlân bula hin lo ngîr zing la, kei chu hang fe tum ka ta, Lalpa chu mi be dingin a hung el khawm a ni thei a; chun, a mi hril taphawt chu hril ka ti che,” a ta. Chuongchun, tlâng kawl vel vula hin a hang fe ta a.

MATTHAI 16:26

Mîn khawvêl hi a pumin nei sien, ama hringna chân si sienla, a ta dingin ieng am ṭhahnem a ta? Annawleh, mîn a hringna sikin ieng am pêng a ta?

MATTHAI 4:5

Chu zoa chun diebol chun khaw thienghlima chun a ṭhuoi lût a, Pathien biekin sîp zuma chun a sie a;

JOHAN 5:20

Pain Naupa a hmangai a, a thilthaw taphawt a kuomah ân entir hlak; hieng nêka thil ropui lem hi a kuomah lân entir a tih, mak in ti dingin.

1 PETER 1:24

“Mi po po hlohna ang an nih, An ropuina po po khawm Hlo pâr ang a nih. Hlo chu a vuoi a, A pâr chu a tla a,

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.