MATTHAI 4:25 - Pathien Lekhabu Inthieng (BSI)

²⁵ Galili rama inthawk dâm, Deka-poli khuoa inthawk dâm, Jerusalema inthawk dâm, Judai rama inthawk dâmin le Jordan râla inthawk dâm chun mipui nasatakin ama an zui bawk a.

MATTHAI 4:25 ပူးပေါင်းရင်းမြစ်များ

MATTHAI 12:15

Nisienlakhawm, Isûn chu chu a hrietin, chutaka inthawk chun a fe hmang ta a.

MATTHAI 19:2

chun, mipui nasatakin an zui a; chutaka chun anni chu a sukdam ta a.

MATTHAI 4:15

“Dîl tienga Jordan râlah, Zebulun le Naphtali ram, Jentailhai Galili;

MATTHAI 5:1

Chuongchun, mipuihai chu a hmuin tlângah a lâwn a; chun, a ṭhung a, a inchûktirhai a kuomah an hung a;

MATTHAI 8:1

Tlânga inthawka a hung ṭumin mipui nasatakin ama an zui ta a.

MARKA 5:20

Chuongchun, a fe a, Dekapoli khuohaia chun Isûn a ta dinga thil a thawpêkhai ropuizie chu a khêk vêlpui ta a; chun, mi po po chun mak an ti hle a.

MARKA 6:2

Chun, Châwlni a hung na, inkhâwmna inah ân chûktir ta a. Chuongchun, mi tamtak a thu hre hai chun, “Hi mipa hin hieng thu hi khawlaia inthawka a hriet am a na? Hi mipa kuoma pêka um hi ieng varna am a na? A kut ngeiin thil mak tak tak a thaw hi iengtizie am a na?

MARKA 7:31

Chun, Tura rama inthawkin a suok nâwk a, Sidon khuo sirin Dekapoli ram fe thleng peiin Galili dîl chu a tlung ta a.

LUKA 6:17

Chun, anni ruolin a fe thla a, hmun inzâwlah a ngîr a, a închûktirhai mipui nasatak leh, Judai ram po poa inthawk le Jerusalema inthawk le Tura le Sidon khuo tienga tuisuoriet panga inthawk mi tamtak leh;

LUKA 6:19

Chun, a kuoma inthawka thilthawtheina suoka mi tin a sukdam pei leiin, mipui po po chun ama them an tum a.