MATTHAI 4:11 - Pathien Lekhabu Inthieng (BSI)

¹¹ Chu hnunga chun diebol chun a zâmsan ta a. Chun, ngai ta, vântirkohai hungin a rawng an bâwlpêk ta a.

MATTHAI 4:11 ပူးပေါင်းရင်းမြစ်များ

1 LALHAI 19:6

Chun, a hei en vêl a, ngai ta, a luthluona chun beiphêk lungsaa em hmin diem le tuiûm hi a lo um a. Chuongchun, a fâk a, a dâwn a, a zâl nâwk ta a.

MATTHAI 26:53

Tukhawm hin vântirko sâng ruk hmun sâwm le hmun hni nêka tam lem mi hung tirpêk dingin ka Pa kuomah ngên thei naw dingin in mi ring am a nih?

MATTHAI 4:6

Chun, a kuomah, “Pathien Naupa i ni chun tla thla rawh; ‘I chungchânga chu a vântirkohai chu thu pêng a ta, An kutin dawm an ti che a, Chuong naw chun I kein lung sui hlau rawi i tih,’ ti ziek a ni si a,” a ta.

MARKA 1:13

Chuongchun, Setan ithlêmin ni sâwmli zet thlalêra chun a um a, ramsahai lai a um a, vântirkohai chun a rawng an bâwlpêk a.

LUKA 22:43

[Chun, vâna inthawkin vântirko pakhat a sukhar dingin a hung inlâr a.

LUKA 22:53

Pathien biekina in kuoma ni tin ka um laihai khan mi man tumin in mi ban si naw a; nisienlakhawm, tuhi nangni hun a nih, inthim thuneina leh,” a ta.

LUKA 4:13

Chun, Diebolin a thlêmna ding tinrênga a thlêm zo chun, a remchâng phaa dingin a fe san ta a.

JOHAN 14:30

In kuomah thu hril nâwk mang ta naw ning, khawvêl lal a hung ding a ni si a, ama chun keimaah iengkhawm a nei nawh,

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

HEBRAIHAI 1:6

Chun, Nau lutir chu khawvêla hin a ṭhuoi lût nâwkin, “Pathien vântirkohai po po khawmin, Ama chibai bûk raw hai se,” a ti a.