MATTHAI 3:7 - Pathien Lekhabu Inthieng (BSI)

⁷ Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsenna hung tlung ding hi tlânsan dingin tuin am a kâwk cheu a?

MATTHAI 3:7 ပူးပေါင်းရင်းမြစ်များ

INṬANNA 3:15

nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.

THUVARHAI 28:4

Dân mâksantuhai chun mi rilo chu an inpâk a, Dân vawngtuhai chu anni leh an inkhing.

ISAI 59:5

Rûlhmuk tuihai an awp kêu a, aium rîl puon an khâwng hlak; an tui fatuhai chu an thi hlak a, sukkawia a uma inthawk chun rûl a hung suok hlak.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, Lalpa phuba lâkna hun a ni si a; ama chun thungna chu pêng a tih;

JEREMIA 6:10

An hriet theina dingin tu kuom am thuhrilin hrilfieng ka ta? Ngai ta, an nahai chu verlo an na, an hriet thei hrim hrim nawh! ngai ta, Lalpa thu chu an kuoma chun inhalna ang chau a na, amaa chun lâwmna hrim an nei nawh.

MATTHAI 12:24

Nisienlakhawm, Pharisaihaiin chu chu an hriet phingleh, “Hi mipa hin khawhri lal Beelzebub lei naw chun khawhrihai hnawt dawk naw ni,” an ta.

MATTHAI 12:34

Rûl thlahai, nangnîn suol zing pumin, iengtin am thu ṭha hril thei in ta? Lungrila sip liem chu bauin a hril hlak in sawnnaw.

MATTHAI 15:12

Chu lai chun, a inchûktirhai an hung a, a kuomah, “Pharisaihaiin kha thu kha an hriet a, an lungninaw kha i hriet am?” an ta.

MATTHAI 16:1

Chun, Pharisaihai le Saddukaihai an hung a, ama fiena dingin vâna inthawka inchikna anni inentir dingin an hni a.

MATTHAI 16:6

Isûn an kuomah, “Pharisaihai le Saddukaihai chawla inthawk chun invêng unla, fîmkhur ro,” a ta.

MATTHAI 22:15

Chu lai chun, Pharisaihai chun a thu hrila an man theina zie ding an vân râwn a,

MATTHAI 22:23

Chu ni ma chun, Saddukaihai, thonâwkna a um nawh tituhai chu a kuomah an hung a,

MATTHAI 22:34

Pharisaihai ruok chun, Isûn Saddukaihai a sêldawng ti an hrietin an inkhâwm ta a.

MATTHAI 23:33

Rûlhai, rûl thlahai, Hremhmun rorêlna chu iengtin am pumpel thei in ta?

MATTHAI 5:20

In felnain Dân inchûktirtuhai le Pharisaihai felna a khûm naw chun vân ramah lût naw tawp in tih ti ka hril cheu a ni hi.

MARKA 12:13

Chun, a thu hrila inthawka man dingin Pharisaihai le Herod pâwla tuhai amanih a kuomah an tir a.

MARKA 12:18

Chun, Saddukaihai, thonâwkna a um nawh tituhai chu a kuomah an hung a,

MARKA 8:15

Chun, ama chun, “Pharisaihai chawl le Herod chawla chun invêng ṭha unla, ṭi dêkin um ro,” a ti tlat a.

LUKA 16:14

Chun, Pharisai tangka ngainatuhai chun chuong thu chu an hriet a, an nuisan a.

LUKA 18:11

Pharisai chu a ngîr a, ama khât chauin hieng ang hin a ṭawngṭai a, ‘Pathien, mi dang hlêpruhai, fel nawhai, uirehai ang ka ni naw lei le, hi siedâwltu ang khawm hi ka ni naw leiin i chungah ka lâwm ie.

LUKA 7:30

Pharisaihai le dânhretuhai ruok chu a kuoma baptisma lo chang tah an ni ve naw a, anni ta dinga Pathienin rem a iruotpêk chu an pawm nawh.

JOHAN 1:24

Mi tirhai chu Pharisaihai kuoma mi an nih.

JOHAN 8:44

Nangni chu in pa Diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a ngîr ngai nawh, a sûngah thutak hrim a um naw leiin. Khêl thu a hrilin a mizie dungzuiin a hril hlak, khêlhlip a ni si; thukhêl pa khawm a nih.

JOHAN 9:40

Chun, a kâwla Pharisai umhai chun chuong thu chu an hriet a, a kuomah, “Keini khawm hi mitdel kan ni ve am a nih?” an ta.

THILTHAWHAI 15:5

Nisienlakhawm, Pharisai pâwl, ring ve tuhai amanih an tho a, “Jentailhai ser tan ding a nih. Mosie dân zâwm khawm anni chu tiem kher ding a nih,” an ta.

THILTHAWHAI 20:31

Chuleiin, ngaiven ro; kum thum rau, mitthli tla pumin asûn azâna, mi tin hal ka ma naw kha hre zing ro.

THILTHAWHAI 26:5

A tîra inthawka ka chanchin an hriet a, khânga ei sakhuo pâwl khermei tak dân pângngaia Pharisaia ka um kha; an nuom phawt chun an mi hrilpui thei a nih.

THILTHAWHAI 5:17

Chun, thiempu Laltak le a ruolhai po po an hung inthawk a, (chuong a ruolhai chu Saddukai pâwl an nih,) an îtthîk bêk bêk a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:18

Thutak fel nawtaka dangtuhai Pathien ngaisak nawna le fel nawna po po chunga chun vâna inthawkin Pathien lungsen a hung inlang a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:9

Chuongchun, a thisena thiem inchangtira ei um ta hin chu, ama lei bawkin Pathien lungsennaa inthawkin sandamin um ngei ei tih.

1 THESSALONIKA 1:10

a Naupa mithi laia inthawka a ikeitho, lunginsenna hung tlung dinga inthawka a mi sansuoktu Isu kha vâna inthawka hung lo nghâk dinga in nghatsanzie khawm kha an inhriettir bawk hlak a nih.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir ta a, ringna leia felna um ro chu hluotu a lo ni ta a.

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai infuina nasatak ei nei theina dingin.

1 JOHAN 3:10

Hitaka hin Pathien nauhai le Diebol nauhai ân hriet a nih; tûkhawm felna thaw naw chu Pathiena inthawka suok a ni naw a, a unau hmangai naw khawm chu Pathiena inthawka suok a ni bawk nawh.