MATTHAI 3:6 - Pathien Lekhabu Inthieng (BSI)

⁶ an suolhai thupha chawiin Jordan vadungah ama kuomah Baptisma an chang tâwl a.

MATTHAI 3:6 ပူးပေါင်းရင်းမြစ်များ

EZRA 10:1

Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el si a.

INPÂKNA HLABU 32:5

Ka suolna chu i kuomah ka puong a, Ka rîtlona chu ka ip ta naw a, “Ka bawsietna chu Lalpa kuomah thupha châwi tâng ka tih,” ka ti a; Chuongchun, ka suol rîtlona chu i lo ngaidam ta kha.

THUVARHAI 28:13

Mi a bawsietna inkhumtu chu hlawtling naw ni a, Thupha chawia, nghatsan hlaktu ruok chun zângaina hmûng a tih.

EZEKIEL 36:25

Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

DANIEL 9:4

Lalpa ka Pathien kuoma chun ka ṭawngṭai a, thuphachawina dâm ka siem a, “Aw Lalpa, i thupêkhai kawltu le, nangma hmangaituhai kuoma zângaina le thuthlung kawltu Pathien ṭiumtak le ropui;

LEVI DÂN 16:21

Aron chun kêl hring lai lu chunga chun,a kut a khing pahniin innghat a ta, a chunga chun Israel mipuihai rîtlonahai po po, an bawsietnahai po po, a suolna po po chenin insam a ta, chuonghai chu kêl lu chunga chun innghat a ta, mi pakhat a iruotsa khan thlalêr tieng ṭhuoi hmang dai a tih.

LEVI DÂN 26:40

“An suol, ka chunga an suolna lei le, an rîtlona le an pi le puhai rîtlona leh, a mi kal zâwnga an um leia

NAMBAR 5:7

a suksuolnaa chun thupha a chawi ding a nih; chun, a suksuol man chu kimtaka thung ding a na, a hmun ngaa ṭhea hmun khat a suksuolnapa chu a pêk belsa ding a nih.

MATTHAI 3:11

Kei chun chu simna dingin tuiin ka baptis hlak cheu a; nisienlakhawm, ka hnunga hung ding chu keia nêkin a ropui lem a, a kekawk chawi tlâk khawm ka ni nawh. Ama chun Thlarau Inthieng le meiin baptis a ti cheu.

MARKA 1:5

Chun, Judai rama mi po po le Jerusalema mi po pohai chu a kuomah an fe a, an suolhai thupha chawiin Jordan vadungah a kuomah baptisma an chang tâwl a.

LUKA 1:16

Israel thlahai tamtak Lalpa an Pathien kuom tieng innghattir nâwk a tih.

LUKA 3:16

Johan chun a dawn a, an rênga kuomah, “Kei chun chu tuiin ka baptis hlak cheu a; nisienlakhawm, keia nêka ropui lem a hung ding a nih, a kekawk hrui sût tlâk khawm ka ni nawh; ama chun Thlarau Inthieng le meiin baptis a ti cheu a,

THILTHAWHAI 1:5

“Johan khan tuiin a baptis hlak a, nisienlakhawm, ni sâwtnawtêah Thlarau Inthiengin baptisma chang in tih,” a ta.

THILTHAWHAI 11:16

Chun, Lalpa thu, ‘Johanin tuiin mi a baptis hlak kha, nangni ruok chu Thlarau Inthiengin baptisma la chang in tih,’ a tizie kha ka hung hriet suok nâwk ta a.

THILTHAWHAI 19:18

Chunawa khawm, ringtu hung ni tah tamtak chu inpuongin an thil chînghai an hril suok a.

THILTHAWHAI 22:16

Chun, iengdinga i la um zing am? Tho la, ama hming lam pumin baptisma chang la, i suolhai sâwpfai ta la,’ a mi ta.

1 KORINTH 10:2

sûma le tuipuia khan an rêngin Mosieah baptisin an um vawng a,

KOLOSSA 2:12

Baptismaa chun a kuoma phûm in lo ni ve ta si a, chu bawka chun mithi laia ama keithotu Pathien sinthaw awi leia a kuoma keitho in ni ve kha.

HEBRAIHAI 6:2

baptismahai le, kut innghat le, mithi thonâwkna le, chatuona rorêlna kawng thu inchûktirna lungphûm chu.

HEBRAIHAI 9:10

chuong chu fâk ding dâm, dâwn ding dâm, sâwp ding dang dang dâm leh, taksa tieng dânhai chau siem ṭhat hun hmaa dinga ruot chu a nih.

JAKOB 5:16

Chuongchun, sukdama in um theina dingin in suolhai thupha inchawi tuo unla, in ṭawngṭaipêk tuo hlak ro.

JOSUA 7:19

chu naupa Akan chu man a lo ni ta a. Josua chun Akan kuoma chun, “Ka naupa, Lalpa Israelhai Pathien chu ropuina pe rawh, a kuoma chun inphuong raw khai; i thilthaw chu mi hang hril ta, ka kuoma chu ip naw raw khai,” a ta.

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni lovin, sie le ṭha hrietna inthienga Pathien lamna hi a ni lem).

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnawna po po sâwpfai dingin ama chu ring a umin a fel a nih.