MATTHAI 3:16 - Pathien Lekhabu Inthieng (BSI)

¹⁶ Chun, Isu baptisma a chang phingleh, tuia inthawk chun a suok nghâl ta a; chun, ngai ta, a ta dingin vân a hung inhawng a, Pathien Thlarau chu vaṭhu anga hung ṭuma a chunga hung fu a hmu a.

MATTHAI 3:16 ပူးပေါင်းရင်းမြစ်များ

ISAI 11:2

chun, Lalpa thlarau-varna le hriet theina thlarau, remruotna le hrâtna thlarau, hrietna le Lalpa ṭina thlarau chu-a chungah fûng a tih.

ISAI 42:1

Ka siehlaw, ka chel zing, ka ithlang, ka lungrilin a ilawm êm êm hi en ta u; a chungah ka thlarau ka sie tah: Jentailhai kuoma pêk dingin rorêlna thu la suok a tih.

ISAI 59:21

“Kei chu hi hi a nih an kuoma ka thuthlung chu: ka thlarau i chunga um le, ka thu i baua ka siehai chun, tuta inthawka chatuon chen khawmin i bau chu suoksan naw ni hai a, i thlahai thla nâwk sâwng bau khawm suoksan bawk naw ni hai,” Lalpain a tih.

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

EZEKIEL 1:1

Kum sâwmthumna kum, a thla linaa, ni nga ni chun, Kebar vadung panga salhai laia ka um lai chun, vânhai a hung inhawng a, chun, Pathiena thil hmulâwkhai chu ka hmu ta a.

MARKA 1:10

Chuongchun, tuia inthawka a hung suok phingle chun, vân inhawnga Thlarau vâṭhu angin ama chunga hung ṭum a hmu ta a.

JOHAN 1:51

Chun, Isu bawkin a kuomah, “Titakzetin, titakzetin ka hril cheu hi, vân inhawngah, Pathien vântirkohai Mihriem Naupa chunga hin a lâwn le a ṭum la hmûng in tih,” a ta.

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

THILTHAWHAI 1:22

Johan Baptisma chena inthawka ei kuoma inthawka vâna ṭhuoia a um ni chen kha hieng a mi pâwl hlakhai laia mi pakhat, a thonâwkna mi hrietpuitu dingin a um ding a nih,” a ta.

THILTHAWHAI 7:56

“Ngai ta u, vân inhawnghai ka hmu a, Pathien changtienga Mihriem Naupa ngîr khawm ka hmu,” a ta.

1 JOHAN 5:6

Hi hi a nih tui le thisena hung chu, Isu Krista hi; tui chauah ni lovin, tuia le thisenah a ni lem. Inhriettirtu chu Thlarau hi a nih. Thlarau chu thutak a ni leiin.