MATTHAI 3:12 - Pathien Lekhabu Inthieng (BSI)

¹² A kutin a leipup a chawi a, a hrizâwl zâp fai hieu a ta, a pangah a bû hlûng a ta, a si ruok chu mei rêm thei lovin râw hmang a tih,” a ta.

MATTHAI 3:12 ပူးပေါင်းရင်းမြစ်များ

JOB LEKHABU (THE BOOK OF JOB) 21:18

Thli hmaa pâwl kûng ang el an na, Busi thliin a lên hmang hlak ang chu an nih.

INPÂKNA HLABU 1:4

Mi rilohai ruok chu chuong ang chu an ni naw a, Busi thliin a lênhmang hlak ang hi an ni lem a.

INPÂKNA HLABU 35:5

Lalpa vântirkoin khal peiin, Busî thli ilên angin um raw se.

ISAI 1:31

Chun, mi hrâttak chu ziza pawn ang ni tâng a ta, a sinthaw chu meisi ang ni tâng a tih; chuongchun, kâng rêl an ta, tukhawma sukrêm naw ni hai,” tiin.

ISAI 17:13

Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

ISAI 27:4

Keimaa hin lunginsenna a um nawh ie; buor le hlohlingneihai chun mi doin mi hung thaw hrim hai sien aw! anni chu thaw dingin fêng ka ta, hmun khatah ka raw hlut hlut ding bah.

ISAI 28:28

Beiphit bu chu râwtnawiin a um hlak, kumkhuoin a vuok zing âwm si naw a, tawlailîr ke le a sakawr chun sukdar sienla khawm, ân râwtnawitir ngai nawh.

ISAI 30:24

Bâwngchal le sabengtungtê hnuoi inlettuhai chun bu al, suodûr le leipupa sukfai sa, fa bawk an tih.

ISAI 41:16

Zâp in ta, thliin mût lêng a tih, thlivir chun sukdar a tih; chun, nangni chu Lalpaa chun lâwm in ta, Israelhai Mi Inthieng chu la suong in tih.

ISAI 5:24

Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawnna angin um a ta, an pâr chu pilvut angin intung lui lui a tih; sipaihai Lalpa dân chu an dit naw a, Israelhai Mi Inthieng thu chu an ngainêp leiin.

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si naw a, mi po po ta dingin thil tirdakumtak nîng a tih”.

JEREMIA 15:7

Chu ram dai kawtkhârahai chun anni chu hmaizâpin ka zâp a; an nauhai chu ka lâk hmangpêk tâwl a; ka mihai chu ka suksiet ta a; an lampuihaia inthawk chun an lamlêt chuong nawh.

JEREMIA 17:27

Amiruokchu, châwlni chu insera, châwlnia Jerusalem dâi kawtkhârhaia phur phura lût lo dinga ka thu in ngai naw chun, chutaka dâi kawtkhâra chun mei sêm ka ta, Jerusalem in ropuihai chu kânghmang a ta, sukmit ni ngai hrim hrim naw ni.

JEREMIA 4:11

Chu huna chun chu hnam le Jerusalem kuoma chun, “Thlalêra bâwlhmunhaia inthawkin ka mihai naunuhai tienga chun thli lum tak, mûtdeina ding ni si lo, sukfai ding khawm ni lo;

JEREMIA 51:2

Chun, Babulona chun ama zâptu ding tir ka ta, ama ram chu zâpfai an tih; buoina niahai chun a vêlin ama kaltuhai ruok an ni ding a ni si a.

JEREMIA 7:20

Chuleiin, Lalpa Pathien chun hieng hin a tih: Ngai ta, ka lunginsenna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thinghai chunga le, hnuoia rahai chunga chun; chun, kâng a ta, ṭhel ni ngai naw ni.

HOSEA 13:3

Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

AMOS 9:9

“Ngai ta u, thu ka pêk ding a ni si a, chun, sihria bu an rel angin, Israel sûngkuohai chu hnam po po lai chun rel ka tih; nisienlakhawm, a mal chîn tak khawm hnuoi chungah tla naw ni.

MALAKI 4:1

Sipaihai Lalpa chun a tih, “Ngai ta u, ni chu a hung tlung a, rawtuina thuk angin a chawk si a; chapotaka thawtuhai po po le, khawhlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr lovin.

MATTHAI 13:30

Bu sîk chenin um hmun khat raw se; chun, bu sîk pha chun, bu âttuhai kuomah, bu tehlêm chu la khâwm hmasa phawt unla, raw dingin intêl ro, bu ruok chu ka inah sêk lût ro, la tîng ka tih,’ a ti a,” a ta.

MATTHAI 13:41

Mihriem Naupa hin a vântirkohai chu tir dawk a ta, a rama inthawka insuksuoltirtuhai le thil suksuoltuhai po po chu thlang dawk an ta,

MATTHAI 13:42

rawtuina meia chun pei an ta, chutaka chun ṭap le harâwt chu la um a tih.

MATTHAI 13:43

Chu pha chun, mi felhai chu an Pa rama chun nisa angin var tâng an tih. Na nei chun hre raw se.

LUKA 3:16

Johan chun a dawn a, an rênga kuomah, “Kei chun chu tuiin ka baptis hlak cheu a; nisienlakhawm, keia nêka ropui lem a hung ding a nih, a kekawk hrui sût tlâk khawm ka ni nawh; ama chun Thlarau Inthieng le meiin baptis a ti cheu a,

LUKA 3:17

a kutin leipup a chawi a, a hrizâwl zâp fai hieuna ding le, a bupanga a bu hluna dingin; a si ruok chu mei rêm thei lovin raw hmang a tih,” a ta.

JOHAN 15:2

Ka zawmpui kâu ra naw taphawt chu a peihâwn hlak; a ra taphawt chu a sukthieng hlak, a ra tam nâwk zuolna dingin.