MATTHAI 28:9 - Pathien Lekhabu Inthieng (BSI)

⁹ Chun, ngai ta, Isûn anni chu ân tuokpui a, “Chibai” a ti tâwl a. Chuongchun, anni chun a ke chu an va chel a, chibai an bûk a.

MATTHAI 28:9 ပူးပေါင်းရင်းမြစ်များ

ISAI 64:5

Nang chun hlimtaka uma, feltaka thawtu, i lampuihaia nangma hre zing hlaktuhai chu, i tuok hlak a; ngai ta, nang i lunginsen a, keinin thil kan suksuol a; chuongahai chun sâwttak kan lo um ta a, chuongchun, sandamin la um thei kan ti?

MATTHAI 14:33

Lawnga umhai chun, “Pathien Naupa i lo ni tak zet hi,” tiin chibai an bûk a.

MATTHAI 23:7

dâwr hmuna chibai bûkhai, mihaiin, ‘Rabbi’ an itihai an ngaina hlak si a.

MATTHAI 28:10

Chun, Isûn an kuomah “Ṭi naw ro, fe unla, Galili rama fe dingin ka unauhai va hril ro; chutaka chun mi hmûng an tih,” a ta.

MATTHAI 28:17

Chun, ama an hmu chun chibai an bûk a, ṭhenkhat ruok chun an ringhla a.

MATTHAI 28:8

Chun, ṭi le lâwm bêk bêk pumin thlâna inthawk chun an fe vat vat a, a închûktirhai hril dingin an tlân ta a.

LUKA 1:28

Chun, vântirko chu a kuomah a lût a, “Chibai, Vochuom, Lalpa i kuomah a um” a ta.

LUKA 24:52

Chun, [chibai an bûk a,] lâwm bêk bêkin Jerusalemah an kîr nâwk ta a;

LUKA 7:38

A hnungah a ke bula chun ṭap pumin a ngîr a, a mitthliin a ke a lo far hu a, a samin a hrûk a, a ke chu a fâwp a, hriek rim inhnik chun a nâl a.

JOHAN 12:3

Chun, Mariin bûk zâtve Spiknard hriek rim inhnik totak a hung chawi a, Isu kehai a nâl a, a samin a kehai chu a hrûk a; chuongchun, chu hriek rim chun in chu a sip rum rum el a.

JOHAN 20:19

Chun, chu ni, ni saria ni hmasatakah, khuo a hung inhnu chun, Judahai ṭi leia inchûktirhai umna kawtkhârhai chu khâr a ni hnungin, Isu anni lai a hung ngîr a, an kuomah, “In chungah thlamuongna um raw se,” a ta.

JOHAN 20:28

Thoman a kuomah ,“Ka Lalpa le ka Pathien i nih,” a ta, a dawn a.

2 KORINTH 13:11

A tâwp taka chun, unauhai, lâwmtakin um ro. Sukṭhat famkimin um unla, lungmuongtakin um unla, lungril hmunkhat put unla, lunginruoltakin um ro; chuongchun, hmangaina le inremna Pathien chu in kuomah a um ding a nih.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.