MATTHAI 28:19 - Pathien Lekhabu Inthieng (BSI)

¹⁹ “Chuongchun, fe unla, hnam tina mi inchûktirin siem unla, Pa le, Naupa le, Thlarau Inthieng hming chun baptist unla;

MATTHAI 28:19 ပူးပေါင်းရင်းမြစ်များ

INṬANNA 1:26

Chun, Pathienin, “Ei angpuiin, eini angtakin, mihriem siem ei ta, anni chu tuipuia nga chunga dâm, chunglêng vate chunga dâm, ran chunga dâm, hnuoi chung po poa le thilhring hnuoia bawkinvâka lâwn po po chunga dâm, thu inneitir ei tiu,” a ta.

ISAI 48:16

Nangnirawi hin mi hung hnai unla, lo ngai ro; a tira inthawk khan arûkin thu ka hril ngai naw a; a um tîr laia inthawk khan chutaka chun ka um a; tuhin Lalpa Pathien chun keima le a thlarau chu a mi tir ta a.

ISAI 49:6

ama chun, “Jakobhai hnam tungdingna ding le Israelhai laia humhima umhai chu inumtir nâwkna dinga, ka siehlawa i um hi, thil chiterek a la na; Jentailhai sukvartua khawm ruot bawk ka ti che; kâwlkawdawng chena ka sandamna chu a tlung theina dingin,” a ta.

ISAI 52:10

Lalpa chun hnam tinrênghai mithmua chun a bân inthieng chu a hlîm tah; chuongchun, kâwlkawdawnga mi po poin ei Pathien sandamna chu hmûng an tih.

MATTHAI 13:52

Chun, ama chun an kuomah, “Chuong a ni chun Dân inchûktirtu vân ram lampui inchûktira um taphawt chu, in neitu, a ro bâwma inthawka thil tharhai le, thil hluihai phawr dawk hlaktu ang chu a nih,” a ta.

MATTHAI 25:32

a hmaa chun hnam tin inkhâwm an tih; berâm chingtuin kêl laia a berâmhai a ṭhe angin anni rawi chu ṭhêng a ta;

THILTHAWHAI 1:2

Thlarau Inthieng ṭhangpuia a tirko thlanghai kuoma thu a tiem zoa, vân tienga ṭhuoia a um ni chena thu kha.

THILTHAWHAI 1:8

Nisienlakhawm, Thlarau Inthieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

THILTHAWHAI 14:21

Chu khuohai kuoma chun, Chanchin Ṭha an hril a, inchûktir tamtak an siem hnungin Lustraa hai, Ikonioma hai, Antiokeia hai, an kîr nâwk a.

THILTHAWHAI 2:41

Chun, a thu zâwm taphawt chun baptisma an chang ta a; chu nia chun mi sâng thum lai belsain an um a.

THILTHAWHAI 28:28

“Chuongchun, Pathien sandamna thu hi Jentailhai kuomah inphur a nih ti hi hre ro, anni chun chu ngai khawm ngai an tih,” a ta.

THILTHAWHAI 9:18

Chun, kârlovin a mita inthawk chun phuhlip ang ieng amanih a tla nghâl ta a, a mit a var nâwk ta a; chun, a tho a, baptisma a chang ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:18

Anleh, an nain an hriet naw am a nih? Hre e le! “An ri chu ram tinah ân thang a, An thu chu kâwlkawdawng chenin ân thang suok tah.”

1 KORINTH 15:29

Chuong ang a ni naw chun, mithi puola baptisma changhai chu iengtin am thâwng an ta? Mithihai chu keithoa an um dêr si naw ding chun, iengdinga anni puola baptisma an chang hlak?

2 KORINTH 13:14

Lalpa Isu Krista lunginsietna dâm, Pathien hmangaina dâm, Thlarau Inthieng pâwlna dâm chu in rênga kuomah um raw se.

GALATI 3:27

Nangni laia Kristaa baptisma chang phawthai kha Krista chun in inthuom ta si a.

EPHESI 2:18

Ama zârin Thlarau hmunkhata, Pa kuoma lût theina ei nei ve ve a nih.

KOLOSSA 1:23

Amiruokchu, in ringna chun innghatsan neiin dettakin in um ding a nih. Chanchin Ṭha in ihriet beiseinaa inthawk sawn hmangin um naw ro. Chu Chanchin Ṭha chu vân hnuoia thilsiem po po laia tlânginsampui a ni kha; kei Paula hi, chu rawngbâwltua siem chu ka nih.

1 PETER 3:21

Chu angpui Baptisma chun, Isu Krista thonâwkna leiin tuhin a sandam cheu a nih. (Chu chu tisa inthieng naw sukfai el ni lovin, sie le ṭha hrietna inthienga Pathien lamna hi a ni lem).

1 JOHAN 5:7

Inhriettirtu chu pathum an um,