MATTHAI 27:63 - Pathien Lekhabu Inthieng (BSI)

⁶³ “Pu, chu hlêmtu chun, a dam lai khan ‘Ni thum chenah thonâwk ka tih,’ a ti kan hriet zing a.

MATTHAI 27:63 ပူးပေါင်းရင်းမြစ်များ

MATTHAI 16:21

Chu chena inthawk chun, Isûn Jerusalema a fe dingzie dâm, upahai, thiempu lalhai, Dân inchûktirtuhaia inthawka thil tamtak a tuor dingzie dâm, sukhluma a um dingzie dâm le ni thum nia keithoa a um dingzie dâm chu a inchûktirhai chu ân hriettir phut ta a.

MATTHAI 17:23

chun, sukhlum an ta, chun, ni thum nia chun keithoin um a tih,” a ta. Chuongchun, an lungngai ta bêk bêk a.

MATTHAI 20:19

nuiza siemna dinga hmang ding le, vuok ding le krawsa hemde dingin Jentailhai kuomah pêng an tih; chun, ni thum niin keithoin um a tih,” a ta.

MATTHAI 26:61

“Hi mipa hin, ‘Pathien biekin hi ṭhiek a, ni thum sûnga bâwl nâwk thei ka nih,’ a tih,” an ta.

MATTHAI 27:64

Chuongchun, thlân chu ni thum ni chen vêng ṭha dingin thu pe rawh, chuong naw chun a inchûktirhai chu hungin, ama chu inru hlau an ta, vântlâng kuomah, ‘Mithi laia inthawkin a thonâwk ta a nih,’ ti rawi an tih; chuongchun, hlêmna nuhnung lem chu a hmasa nêk khan ṭha naw nâwk zuol a tih,” an ta.

MATTHAI 28:6

Hitaka hin a um ta nawh; a hril ang ngeiin a thonâwk ta a nih. A zâlna hi hung en hman ta u.

MARKA 10:34

Chun, nuizat siemnân hmang an ta, chil sâk khum an ta, vuong an ta, sukhlum an tih; chun, ni thum chenah thonâwk a tih,” tiin a chunga thil hung tlung dinghai chu an kuomah a hril ta a.

MARKA 8:31

Chun, Mihriem Naupa chun thil tamtak a tuor dingzie dâm, upahai, thiempu lalhai le, Dân inchûktirtuhai dit nawa a um ding dâm, sukhluma a la um ding dâm, ni thum hnunga a thonâwk dingzie dâm anni ân chûktir ṭan ta a.

MARKA 9:31

A închûktirhai chu a hril a, an kuomah, “Mihriem Naupa hi mihriemhai kuta inmantirin a um ding a nih, sukhlum bawk an ta; chun, sukhlum hnung ni thum chenah tho nâwk a tih,” a ta.

LUKA 18:31

Chun, sâwm le pahnihai chu a kuomah a tumin a ṭhuoi a, an kuomah, “ngai ta u, Jerusalemah ei hang fe ding a ni hi; zâwlneihai thu ziek po po kha Mihriem Naupa chunga hin tlung a tih.

LUKA 18:33

chun, vuong an ta, sukhlum an tih; chun, ni thum niin tho nâwk a tih,” a ta.

LUKA 23:2

Chun, “Hi mipa hin kan chihai a sukkhawhlo a, Kaisar kuomah sie chawi a khap bawk a, Krista, lal ân ti khawm kan hriet,” tiin an hêk a.

LUKA 9:22

“Mihriem Naupa hin thil tamtak a tuor ding a na, upahai, thiempu lalhai, Dân Inchûktirtuhai dit nawin a um ding a na, thatin a um ding a na, ni thum niah keithoin a um bawk ding a nih,” a ta.

JOHAN 2:19

Isûn an kuomah, “Hi in hi sukse unla, ni thum sûngin inngîr nâwk ka tih,” a ta, a dawn a.

JOHAN 7:12

A chungah mipuihai laia mi an chier sup sup a, a ṭhenin, “Mi ṭha a ni ie,” an ti a; ṭhenkhatin, “Teu lo e, mipui a hlêm lem hlak a nih,” an ta.

JOHAN 7:47

Chun, Pharisaihai chun an kuomah, “Nangni khawm hlêmin in um ve tah a ni maw chu?

2 KORINTH 6:8

sukropuina le sukmuolphonain, hming hril siet le hming hril ṭhatin, hlêmtu angin, mi indiktak ni siin,