MATTHAI 27:42 - Pathien Lekhabu Inthieng (BSI)

⁴² “Mi dang hman a sukdam hlak a; ama le ama ân sukdam thei si naw a. Israel lal a nih annâwm, tuhin krawsa inthawkin hung ṭum ta sien la, chuongchun, ama awi nâwm ei ni!

MATTHAI 27:42 ပူးပေါင်းရင်းမြစ်များ

MATTHAI 2:2

“Judahai lal hung pieng chu khâwlai am a um a? A arasi khawsak tieng kan hmu a, ama chibai bûk dingin kan hung a nih,” an ta.

MATTHAI 27:37

“HI MIPA HI ISU JUDAHAI LAL A NIH,” tia ziek a lu chungah an bel a.

MATTHAI 27:40

“Nang Pathien biekin ṭhiek a, ni thuma bâwl nâwktu, insukdam rawh, Pathien Naupa i ni chun, krawsa kha hung ṭum ta la,” tiin.

MATTHAI 27:41

Chuong ang bawkin thiempu lalhai chun, Dân inchûktirtuhai le upahai leh tielin,

MARKA 15:31

Chuong ang bawkin thiempu lalhai chun, Dân inchûktirtuhai leh, anni lai chun ti elin, “Mi dang hman a sukdam hlak a, ama ân sukdam thei si naw a.

MARKA 15:32

Ei hma a, ei awi theina dingin Krista, Israelhai lal chu, tuhin kraws lêra inthawkin hung ṭum ta sienla,” an ta. Chun, ama ruola an hemde vehai khawm chun ama chu an hal a.

LUKA 19:38

“Lalpa hminga hung chu inpâkin um raw se; vânah inremna inlêng sienla, achunghnungtaka khin ropuina um raw se,” tiin.

LUKA 23:35

Chun, mipuihai chun ngîrin an thlîr a. Chun, hotuhai khawmin, “Mi dang hman a sukdam hlak annâwm; Pathien ithlang Krista a ni zet chun ama le ama insukdam ta sienla,” tiin an ti-el a.

LUKA 23:37

“Judahai lal i ni tak zet chun insukdam rawh,” an ta.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 12:13

tûm kauhai an chawi a, a tuok dingin an va suok a, “Hosanna, Lalpa hminga Israel Lal hung chu inpâkin um raw se,” tiin an khêk a.

JOHAN 12:47

Tûkhawm ka thu hril hrein awi naw sienla khawm, keiin thiemnaw kân chang tir nawh; khawvêl thiemnaw inchangtir dinga hung ka ni naw a; khawvêl sanhim dinga hung ka ni lem.

JOHAN 9:24

Chuongchun, mitdel chu an ko nâwk a, a kuomah, “Pathien inpâk rawh, ama kha chu mi suol a nih ti kan hriet,” an ta.

THILTHAWHAI 4:14

Chun, mi an sukdam chu an kâwla ngîr an hmu a, iengkhawm an sawisêl thei si nawh.