MATTHAI 27:31 - Pathien Lekhabu Inthieng (BSI)

³¹ Chun, nuiza siemnaa an hmang zoin, puon chu an hlîppêk a, ama puonhai chu an insiltir nâwk a; krawsa hemde dingin an ṭhuoi ta a.

MATTHAI 27:31 ပူးပေါင်းရင်းမြစ်များ

1 LALHAI 21:10

mi pahni Belial nauhai a hmaa chun inṭhungtir unla, ‘Pathien le lal i hrilsiet a nih,’ tia a hêktu dingin lo siem ro. Chun, ama chu ṭhuoi suok unla, lo dêng hlum ro,” a ta.

1 LALHAI 21:13

Chun, mi pahni Belial nauhai chu a hmaa chun an va ṭhung a; chun, Belial mihai chun mipuihai hmaa chun, “Naboth hin Pathien le lal a hrilsiet a nih,” tiin ama Naboth chu an hêk a. Chuongchun, khuoa inthawk chun an ṭhuoi suok a, lungin an dêng a, a thi ta a.

ISAI 53:7

Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

NAMBAR 15:35

Lalpain Mosie kuomah, “Ama chu sukhlum ngei ngei ding a nih, riebûk puoah pungkhâwmhai po po chun lungin an dêng ding a nih,” a ta.

MATTHAI 20:19

nuiza siemna dinga hmang ding le, vuok ding le krawsa hemde dingin Jentailhai kuomah pêng an tih; chun, ni thum niin keithoin um a tih,” a ta.

MATTHAI 21:39

Chuongchun, ama chu an man a, grêp huona inthawk chun an pei dawk a, an sukhlum ta a.

MATTHAI 26:2

“Ni hni chenah Fekân ruoi a hung um ding a nih ti in hriet a, Mihriem Naupa hi hemde dingin an inmantir ding a nih,” a ta.

MARKA 15:20

Chun, nuiza siemnaa an hmang zo chun, puon sen duk chu an hlîp a, ama puon an insiltir nâwk a. Krawsah hemde dingin an ṭhuoi suok ta a.

JOHAN 19:16

Chuongchun, Pilatin krawsa hemde dingin ama chu an kuomah a pêk ta a.

JOHAN 19:27

Chun, inchûktir kuoma khawm chun, “En ta, i nu kha!” a ta. Chun, chu chena inthawk chu, chu inchûktir chun amanu chu a inah a ṭhuoi ta a.

THILTHAWHAI 7:58

Khuoa inthawk chu an hnawtsuok a, lungin an dêng a. A hretuhai chun tlangvâl pakhat a hming Saula ke bula chun an puonhai an sie tâwl a.

HEBRAIHAI 13:12

Chuongchun, Isu khawmin ama thisen ngeia mihai a sukthieng theina dingin, kul kawtkhâr puotieng chun a lo tuor ta a.