MATTHAI 27:30 - Pathien Lekhabu Inthieng (BSI)

³⁰ Chun, chil an sâk khum a, luong chu an lâkpêk a, a lua chun an vuok a.

MATTHAI 27:30 ပူးပေါင်းရင်းမြစ်များ

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 50:6

Ka ruongzâng hi vawtuhai kuomah ka daw a, ka bienghai hi hmul phawituhai kuomah ka daw bawk a; muolphonaa le chilsâkkhumnaah ka hmai ka hup nawh.

ISAI 52:14

Mi tamtakin mak an ti hle che angin, (a hmêl chu mihriem hmêl nêk hmana suksietin a um a, a pienken chu mihriem nauhai pienken nêk hmana suksietin a um a),

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

ISAI 53:7

Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

MIKA 5:1

Aw sipai ruol naunu, tuhin sipai ruolah inpunkhâwm la, ama chun a mîn huol tah a na, Israelhai rorêltu chu a bekah hmawlin vuong an tih.

MATTHAI 26:67

Chun, a hmaiah chil an sâk a, kutin an hnek a; a ṭhenin an ben a,

MARKA 10:34

Chun, nuizat siemnân hmang an ta, chil sâk khum an ta, vuong an ta, sukhlum an tih; chun, ni thum chenah thonâwk a tih,” tiin a chunga thil hung tlung dinghai chu an kuomah a hril ta a.

MARKA 14:65

Chuongchun, ṭhenkhat lem chun chil an sâk khum ṭan ta nghâl a, a hmai an tuom a, an vuok a, a kuomah,“Hril rawh!” an ti a. Chun, manmihai khawm chun chel pumin an ben sawk sawk a.

MARKA 15:19

Chun, a lua chun luongin an vuok a, chil an sâk khum a, dingṭhaṭhuonin chibai an bûk a.