MATTHAI 27:3 - Pathien Lekhabu Inthieng (BSI)

³ Chun, Juda ân mantîrtu khan Isu thiemnaw an inchangtir ti a hriet phingleh ân sîr a; tangka sâwmthum kha thiempu lalhai kuoma chun a hung chawi nâwk a,

MATTHAI 27:3 ပူးပေါင်းရင်းမြစ်များ

JOB LEKHABU (THE BOOK OF JOB) 20:5

Mi rilohai hnêna chu a tâwi hlak a, Pathien ngaisak lohai hlimna khawm chu mitkhapkâr chau a ni hlak ti hi?

FESUOKNA 21:32

Bâwngchalin siehlawpa amanih, siehlawnu a sik chun, a neitu chun an hotupa kuoma chun shekel tangka sâwmthum pêng a ta, chun, bâwngchal chu dêng hlum nîng a tih.

ZEKARIA 11:13

Chun, Lalpa chun ka kuomah, “Sum bâwmah the lût el rawh, man ṭhatak, annia ka man hi,” a ti a, chuong tangka sâwmthum chu ka lâk a, Lalpa ina sum bâwma chun ka the lût ta a.

JOHAN 13:2

Chun, zânbu fâk laiin, (chu hma khawm chun diebolin Simon naupa Iskariot Juda chu Isu inmantir dingin ân lungriltir a,)

JOHAN 13:27

Chun, bei hlek chu a pêk hnungin a sûngah Setan chu a lût nghâl ta a. Chuongchun, Isûn a kuomah, “I thaw ding chu thaw vak rawh,” a ta.

JOHAN 18:3

Chuongchun, Juda chun sipai pâwl leh, thiempu lalhai le Pharisaihai kuoma um manmihai leh a ṭhuoi a, khâwnvarhai, meiserhai, hriemhai chawiin chutaka chun an hung a.

THILTHAWHAI 1:18

(Chun, ama chun a suol manin hmun pakhat ân châwk a, a letlingin a tla a, a laiah a puok kawi a, a rîl po po a ṭê vawng a.

2 KORINTH 7:10

Pathien dit zâwng anga lungngaina chun, sandamna dingin, insîrna um ta lo simna chu a siem si hlak a; khawvêl lungngaina ruok chun thina a siem lem hlak.