MATTHAI 27:19 - Pathien Lekhabu Inthieng (BSI)

¹⁹ Chun, rorêlna ṭhungphaa ân ṭhung lai chun, a nuhmeiin, “Kha mi feltak chunga khan iengkhawm thaw naw rawh; vawisûn hin ama leiin mangah thil tamtak ka tuor a nih,” tiin ân cha a.

MATTHAI 27:19 ပူးပေါင်းရင်းမြစ်များ

INṬANNA 31:11

Chun, ka manga chun Pathien vântirkoin, ‘Jakob,’ a mi hung ti a. Kei chun, ‘Hitaka hi ka um,’ ka ti a.

INṬANNA 31:24

Chun, Aram mi Laban kuoma chun zânah a mangah Pathien a hung a, a kuomah, “Jakob kuomah a sie a ṭha, a iengkhawm hril lo dingin fîmkhur rawh,” a ti a.

INṬANNA 31:29

Suksethei che ka nih i sawnnaw: nisienlakhawm, i pa Pathien chun zâni zân khan, ‘Jakob kuomah a sie a ṭha iengkhawm hril lo dingin fimkhur rawh,’ tiin a mi biek a nih.

THUVARHAI 29:1

Kâwka um rawpa, rîng sukngar hlak chu, Kârlovin se dar a ta, sukdam nâwkna um naw nih.

ISAI 53:11

A hringna sininrim ra chu hmûng a ta, lungawi tâng a tih; ka siehlaw feltak chun a hrietnain mi tamtak chu thiem inchangtir a ta, an khawhlonahai chu phurpêk a tih.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

NAMBAR 12:6

Ama chun, “Ka thu hi ngai ro, nangni lai hin zâwlnei in um chun ama chu kei Lalpa hi inlârnain inhriettir ka ta, mang tieng bieng ka tih.

MATTHAI 1:20

Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.

MATTHAI 2:19

Nisienlakhawm, Herod chu a thi hnungin, ngai ta, Lalpa vântirko Aiguptaa chun Josef kuomah mangah ân lâr a,

MATTHAI 2:22

Nisienlakhawm, Arkelaus a pa Herod aiawin ân lal ti a hrietin chutaka fe chu a ṭi ta a; chun, a manga hrila a um leiin Galili tieng a fe ta dai a.

MATTHAI 27:18

Thîkna leiin ama chu an inmantir ti a hriet si a.

MATTHAI 27:24

Chuongchun, Pilatin iengkhawm thaw thei loa buoi tieu tieu ding a nih ti a hrietin, tui a lâk a, mipui hmaa chun a kut a sâwp a, “Hi mi fel thisena hin kân thieng; nangnîn in thaw thawin thaw ro,” a ta.

MATTHAI 27:4

“Mi thiem thisen kân mantir kha thil ka suksuol a nih,” a ta. Anni ruok chun, “Chu chu kan ta dingin ieng am pawi a ta? Nangin i thaw thawin thaw rawh,” an ti san a.

LUKA 23:41

Eini chu ei tuor âwm tak hrim tuor ei nih, ei thilthaw man indiktak hmu ei ni lem; ama ruok hin chu iengkhawm a suksuol si nawh,” a ta.

LUKA 23:47

Chun, sipai za hotu chun thil umzie chu a hmu chun, “Hi mipa hi matheilovin mi feltak a ni phawt el,” a ta. Pathien ân pâk ta a.

JOHAN 19:13

Chun, Pilatin chuong thu chu a hriet phingleh Isu a ṭhuoi suok a, a hming Lungrem, Hebrai ṭawng chun Gabbatha an ta, chu hmuna chun rorêlna ṭhungphaah a ṭhung a.

THILTHAWHAI 12:21

A ni tiem ni chun, Herod chun lal puon a sil a, lalṭhungphaah a ṭhung a, an kuomah thu a hril a.

THILTHAWHAI 18:12

Chun, Gallio, Akaia rama lal aiawa a um laiin Judahaiin inthuruolin Paula an thaw a, rorêlna ṭhungpha hmaah an ṭhuoi a,

THILTHAWHAI 18:16

Chun, rorêlna ṭhungphaa inthawk chun anni chu a hnawt hmang ta a.

THILTHAWHAI 18:17

Chun, Grik mihai po poin inkhâwmna in hotu Sosthen an man a, rorêlna ṭhungpha hmaa chun an vuok a. Gallio chun chuong an thilthaw chu ienga khawm a ngai nawh.

THILTHAWHAI 25:10

Paula ruok chun, “Kaisar rorêlna ṭhungpha hmaah, ro rêlpêka ka umna ding hrima chun ngîr ka tih; Judahai chungah thil iengkhawm ka suksuol nawh, nang khawmin chu chu i hriet zing si a.

THILTHAWHAI 25:17

Chun, hitaka an hung tlungin, sâwt riel lovin, a zînga chun rorêlna ṭhungphaah ka ṭhung a, ama chu hung ṭhuoi dingin thu ka pêk a.

THILTHAWHAI 25:6

Chun, anni lai chun ni riet amanih, ni sâwm amani chau chu a châm nâwk a, Kaisariah a fe thla a; chun, a zînga chun rorêlna ṭhungphaah a ṭhung a, Paula chu hung ṭhuoi dingin thu a pêk a.

1 PETER 2:22

Ama chun thil hrim a suksuol naw a, a bauah zâwrna hrim a um bawk nawh.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.