MATTHAI 26:67 - Pathien Lekhabu Inthieng (BSI)

⁶⁷ Chun, a hmaiah chil an sâk a, kutin an hnek a; a ṭhenin an ben a,

MATTHAI 26:67 ပူးပေါင်းရင်းမြစ်များ

1 LALHAI 22:24

Chuongchun, Kenaan naupa Zedekia chun a hung hnai a, Mikaia bienga chun a hung ben a, “Lalpa thlarau chun i kuoma thu hril dingin khawtieng am a mi mâksan leh?” a ta.

ISAI 50:6

Ka ruongzâng hi vawtuhai kuomah ka daw a, ka bienghai hi hmul phawituhai kuomah ka daw bawk a; muolphonaa le chilsâkkhumnaah ka hmai ka hup nawh.

ISAI 52:14

Mi tamtakin mak an ti hle che angin, (a hmêl chu mihriem hmêl nêk hmana suksietin a um a, a pienken chu mihriem nauhai pienken nêk hmana suksietin a um a),

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

JEREMIA 20:2

Pashur chun zâwlnei Jeremia chu a hrem a, Lalpa ina Benjamin dai kawtkhâr chunghnung lema um, intângna ina chun a khum a.

ṬAP HLA 3:30

Ama bentu chu a bieng dawpêk sienla, kâwknaa sipa suksipin um raw se.

ṬAP HLA 3:45

Hnamhai laia chun hnâwlthlâk le, hnâwlhnawk angah i mi siem ta a.

MIKA 5:1

Aw sipai ruol naunu, tuhin sipai ruolah inpunkhâwm la, ama chun a mîn huol tah a na, Israelhai rorêltu chu a bekah hmawlin vuong an tih.

NAMBAR 12:14

Chun, Lalpain Mosie kuomah, “A pain a hmaia chil a sâk ngawt khawma ni sari chu ân zak naw ding am a nih? Riebûk puoah ni sari khum hmang ni sienla, chu zoa chun ṭhuoi lût nâwk ni raw se,” a ti a.

MATTHAI 26:68

“Nang Krista, tuin am a ben che a? mi hril rawh,” an ta.

MATTHAI 27:30

Chun, chil an sâk khum a, luong chu an lâkpêk a, a lua chun an vuok a.

MATTHAI 5:39

Kei ruok chun ka hril cheu hi, mi suol khing naw ro. I bieng changtienga ben taphawt che chu a khing tieng khawm dawpêk lem rawh.

MARKA 10:34

Chun, nuizat siemnân hmang an ta, chil sâk khum an ta, vuong an ta, sukhlum an tih; chun, ni thum chenah thonâwk a tih,” tiin a chunga thil hung tlung dinghai chu an kuomah a hril ta a.

MARKA 14:65

Chuongchun, ṭhenkhat lem chun chil an sâk khum ṭan ta nghâl a, a hmai an tuom a, an vuok a, a kuomah,“Hril rawh!” an ti a. Chun, manmihai khawm chun chel pumin an ben sawk sawk a.

MARKA 15:19

Chun, a lua chun luongin an vuok a, chil an sâk khum a, dingṭhaṭhuonin chibai an bûk a.

JOHAN 18:22

Chu chu a hril phingleh, a kâwla ngîr manmi pakhatin Isu a ben a, “Thiempu Laltak hieng ang hin i dawn maw?” a ta.

JOHAN 19:3

chun, a kuomah an hung a, “Chibai, Judahai Lal,” an ta, an ben a.

1 KORINTH 4:13

miin an mi hrilsiet leh zaidamtakin kan hril hlak, tu chen khawm hin khawvêl hnâwlhnawk, thil po po hmunhnawk angin an mi siem a nih.

DÂN PAHNINA 25:9

a kekawk hlîppêk a ta, a hmaiah chil sâk a ta, ‘A unaupa sûngkuo indin nuom nawtu chunga chun hieng anga thaw hi ni pei raw se,’ tîng a ta, a dawn ding a nih.

HEBRAIHAI 12:2

Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.