MATTHAI 26:63 - Pathien Lekhabu Inthieng (BSI)

⁶³ Chun, Thiempu Laltak chun a kuomah, “Pathien hring hmingin ka vau che, Krista, Pathien Naupa chu i ni am a nih? mi hril rawh,” a ta.

MATTHAI 26:63 ပူးပေါင်းရင်းမြစ်များ

1 LALHAI 22:16

Chun, lal chun a kuomah, “Thutak ngawt naw chu Lalpa hminga ka kuoma hril lo dingin vawi iengzât rau am ṭawng kân khâmtir ding che a ni leh?” a ta.

2 CHANCHIN SUINA 18:15

Chun, lal chun a kuoma, “Lalpa hmingin thudik chau naw chu iengkhawm ka kâwlah i hril ngai nawh ti hi vawi iengzât rau am ka sukdetpui ding che a na?” a ta.

INPÂKNA HLABU 42:2

Ka hringna hi, Pathien châkin, Pathien hring châkin a dangchâr a nih: Iengtik am Pathien hma tlung ka ta, inlang ka ti aw?

THUVARHAI 29:24

Rûkru inṭâwmpuina neitu chun ama lungril ngei khawm a theida hlak a, Ṭawngsie inphurna ri chu a hriet hlak a chu iengkhawm a sâksuok ngai nawh.

ISAI 53:7

Ama chu nêksawr le sukrinumin a um a, nisienlakhawm, ân ngaitlâwm a, a bau khawm a ka nawh; berâmte that dinga an ṭhuoi ang le berâm a hmul vâwtu hmaa to zinga a um ang elin, anih, a bau a ka nawh.

DANIEL 3:16

Sadrak, Mesak le, Abednego chun an dawn a, lal kuoma chun, “Aw Nebukadnezzar, hi thil chungchâng thua hin kan dawn che a ṭûl nawh.

LEVI DÂN 5:1

“Tukhawm a thil hmua manih, a thil hrieta manih hretu a ni a, inkhâmtirtu râwl a hriet khawma hril nuom lotu chun, a hril nuom nawna suola a rîtlona maw chu phur a tih.

MATTHAI 16:16

Simon Peterin, “Krista Pathien hring Naupa chu I nih,” a ta, a dawn a.

MATTHAI 26:62

Chuongchun, Thiempu Laltak chu a ngîr suok a, a kuomah, “Iengkhawmin i dawn naw maw? Hienghaiin an hêkna che hi iengtizie am a na?” a ta. Isu ruok chu a to zing a.

MATTHAI 27:12

Chun, thiempu lalhai le upahaiin an hêk laiin iengkhawmin a dawn naw a.

MATTHAI 27:14

Chun, bau khat khawmin a dawn naw a; chuongchun, Bawrsâp chun mak a ti hle a.

MATTHAI 27:40

“Nang Pathien biekin ṭhiek a, ni thuma bâwl nâwktu, insukdam rawh, Pathien Naupa i ni chun, krawsa kha hung ṭum ta la,” tiin.

MATTHAI 27:43

Pathien a awi annâwm, ama hi a nuom chun tuhin sandam raw se, ‘Pathien Naupa ka nih,’ a ti si a,” an ta.

MATTHAI 27:54

Chun, sipai za hotu le a kuoma Isu vênga um vehai chun, simkhawleihnuoi inhnîng le thil umziehai chu an hmu chun an ṭi ta bêk bêk a, “Hi mipa hi Pathien Naupa a ni ngei el,” an ta.

MATTHAI 4:3

Chun, thlêmtu chu a hung a, a kuomah, “Pathien Naupa i ni chun, hieng lunghai hi beia inchang dingin thu pe rawh,” a ta.

MARKA 14:61

Ama ruok chu a to zing a, iengkhawmin a dawn naw a. Thiempu Laltak chun a kuomah, “Krista, Inpâk tlâk Naupa chu i ni maw?” tiin ân dawn a.

JOHAN 1:34

Chu chu ka hmu ta a, ama hi Pathien Naupa a nih ti kân hriettir tah,” a ta.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 10:24

Chun, Judahai a kâwlah an hung a, a kuomah,“Ieng chen am lungâwpinkaiin i mi sie ding a na? Krista i ni chun feltakin mi hril rawh,” an ta.

JOHAN 10:30

Kei le Pa chu pumkhat kan nih,” tiin a dawn a.

JOHAN 10:36

Pain a iruot, khawvêla a itir chunga hin, ‘Pathien Naupa ka nih,’ ka ti leiin, ‘Pathien i hrilsiet,’ in ti a ni maw?

JOHAN 18:37

Chun, Pilatin a kuomah, “Chu lal i ni am a nih?” a ta. Isûn, “Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak,” a ta.

JOHAN 19:7

Judahai chun a kuomah, “Kan dân kawng khat a um, chu dân ang peiin Pathien Naua ân siem leiin, a thi ding a nih,” an ta, an dawn a.

JOHAN 19:9

a inah a lût nâwk a, Isu kuomah, “Khâwtienga mi am I ni a?” a ta. Nisienlakhawm, Isûn a dawn nawh.

JOHAN 20:31

Nisienlakhawm, hieng hi, Isu chu, Krista, Pathien Naupa a nih ti in ringna ding le, in ring a, a hminga hringna in neina dinga ziek a nih.

JOHAN 6:69

Nang Pathien mi inthieng chu i nih ti kan awi ta a, hriet khawm kan hriet ie,” a ta, a dawn a.

JOHAN 8:25

Chun, anni chun a kuomah, “Tû am i ni leh?” an ti a. Isûn an kuomah, “A tira inthawkin in kuomah ka hril hlak kha.

2 KORINTH 1:19

Pathien Naupa Isu Krista, a thu kei le Silvan le Timothein kan ihril kha, “A nih” le “A ni nawh,” a ni ve ve si naw a; amaa chun, “A nih,” ti a um lem a nih.

1 PETER 2:23

Mi hala a um laiin a hal ve thung naw a, a tuor laiin a vau naw a, feltaka ngaituo hlaktu kuoma chun ân pêk lem a nih.

1 SAMUEL 14:24

Chun, chu ni chun Israel mihai chu an lunginzîng a; nisienlakhawm, Saula chun, “Ka hmêlmahai chunga phuba ka lâk a, khuo a hung inhnu hmaa tukhawma bu a fâk chun ṭawngsephurin um raw se,” tiin mipui chu a vau a. Chuongchun, tukhawma bu chu intem khawm an intem dêr naw a.

1 SAMUEL 14:26

Chun, mipuiin ramhnuoi an va tlung chun khuoizu dâm a lo luong a, nisienlakhawm, tukhawma an liek nawh, mipuihai chun inkhâmna chu an ṭi a nih.

1 SAMUEL 14:28

Chuongchun, mipui laia mi pakhat chun a lo dawn a, “I pa chun mipuihai hi, ‘Vawisûna bu fa taphawt chu ṭawngsephurin um raw se,’ tiin a mi vau tlat a, mipuihai khawm an chau hle hrim a,” a ta.