MATTHAI 26:61 - Pathien Lekhabu Inthieng (BSI)

⁶¹ “Hi mipa hin, ‘Pathien biekin hi ṭhiek a, ni thum sûnga bâwl nâwk thei ka nih,’ a tih,” an ta.

MATTHAI 26:61 ပူးပေါင်းရင်းမြစ်များ

INṬANNA 19:9

Anni chun, “Inkieng el rawh ie,” an ti a. Anni bawk chun, “Hi mipa hrep hi hitaka um ding hin a hung inpêm lût a, rorêltua um a tum vei a! Tuhin chu anni chunga thaw nêk hmanin i chungah kan thaw ṭha naw nâwk zuol ding a nih,” an ti a. Chun, mi (Lota) chu an hung baw huk a, kawtkhâr chu sukse dingin an hung hnai a.

1 LALHAI 22:27

chun, lalin hieng ang hin a tih, ‘Hi mipa hi lung inah khum unla, lungmuongtaka ka hung nâwk hmakhat chun rinumna tui lo pe ro,’ tiin, ti ro,” a ta.

2 LALHAI 9:11

Chuongchun, kawt a hawng a, a tlân suok ta a. Chun, Jehu chu a pu upahai lai chun a hung suok a; pakhat chun a kuomah, “Ṭha tieng thu am a nih? Kha invêtpa kha i kuoma iengtiziea hung am a ni leh?” a ta. Chun, ama chun an kuomah, “In hriet mi a na, a thu hril khawm kha in hriet annâwm,” a ta.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

MATTHAI 12:24

Nisienlakhawm, Pharisaihaiin chu chu an hriet phingleh, “Hi mipa hin khawhri lal Beelzebub lei naw chun khawhrihai hnawt dawk naw ni,” an ta.

MATTHAI 26:62

Chuongchun, Thiempu Laltak chu a ngîr suok a, a kuomah, “Iengkhawmin i dawn naw maw? Hienghaiin an hêkna che hi iengtizie am a na?” a ta. Isu ruok chu a to zing a.

MATTHAI 26:71

Chun, tuol kawt bula chun a va suok phingleh nunghâk dangin ama chu a hmu a, chutaka umhai kuoma chun, “Hi mipa khawm hi Isu Nazareth mi kuoma um kha a ni hi,” a ta.

MATTHAI 27:40

“Nang Pathien biekin ṭhiek a, ni thuma bâwl nâwktu, insukdam rawh, Pathien Naupa i ni chun, krawsa kha hung ṭum ta la,” tiin.

MATTHAI 27:5

Chun, ama chun tangka chu hmun inthienga chun a pei lût a; a fe hmang a, a vân âwkhlum ta a.

MARKA 14:58

“Hi mipa hin, ‘Hi Pathien biekin kuta bâwl hi ṭhiek ka ta, ni thum sûng chauin biekin dang, kuta bâwl naw mi bâwl ka tih,’ a ti kan hriet,” an ta.

MARKA 15:29

Chun, mi fe vêl po chun an lu thinin, “A hei! nang Pathien biekin ṭhiek a, ni thum kâra bâwl nâwktu,

LUKA 23:2

Chun, “Hi mipa hin kan chihai a sukkhawhlo a, Kaisar kuomah sie chawi a khap bawk a, Krista, lal ân ti khawm kan hriet,” tiin an hêk a.

JOHAN 9:29

Pathienin Mosie a biek ti kan hriet, hi mipa hrep hi khâwlaia inthawka hung suok am a na, kan hriet hrep nawh,” an ta.

THILTHAWHAI 17:18

Chun, Epikuria mi le Stoik mi laia mi var tuhai amanih khawmin ama chu an hung sêl a, a ṭhenin, “Hi mipa bautam hin ieng am hril a tum a?” an ta. A ṭhenin, (Isu thu le thonâwkna thu a hril leiin,) “Ram dang pathienhai thu hriltu a ni âwm ie,” an ta.

THILTHAWHAI 18:13

“Hi mipa hrep hin Dân naw anga Pathien be dingin mi a thlêmthlûk hlak a nih,” an ta.

THILTHAWHAI 22:22

Chun, chu thu chen chun an ngai a, rawl inringtakin, “Mi hieng ang hrep hi, khawvêla inthawkin sukbohmang ro, hring tlâk khawm a ni nawh,” an ti ta a.