MATTHAI 26:53 - Pathien Lekhabu Inthieng (BSI)

⁵³ Tukhawm hin vântirko sâng ruk hmun sâwm le hmun hni nêka tam lem mi hung tirpêk dingin ka Pa kuomah ngên thei naw dingin in mi ring am a nih?

MATTHAI 26:53 ပူးပေါင်းရင်းမြစ်များ

2 LALHAI 6:17

Chun, Elisa chu a ṭawngṭai a, “Lalpa, a hmu theina dingin, a mit hung sukvarpêk ta khai,” a ta. Chun, Lalpa chun chu tlangvâl mit chu a hung sukvarpêk a, chuongchun, a hmu ve ta a; chun, ngai ta, Elisa vêla chun tlâng chu mei tawlailîr le sakawrin a sip mup el a.

DANIEL 7:10

Chun, tuihnâr ṭiumtak a hung suok a, A hma bula inthawk chun a hung suok a, Sâng sânga sângin a rawng an bâwl a, Sang sâwm sâwma vawi sâng sâwm a hmaa chun an ngîr a; Rorêlna chu ṭan a ni tah a, Lekhabuhai chu hawngin a um ta a.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 4:11

Chu hnunga chun diebol chun a zâmsan ta a. Chun, ngai ta, vântirkohai hungin a rawng an bâwlpêk ta a.

MARKA 5:15

Chun, Isu kuom an hung tlung a, khawhri iman, Legion iman kha, puon sila, lungril ngai puta ṭhung an hmu a, chuongchun, an ṭi ta a.

MARKA 5:9

Chun, Isu chun, “I hming ieng am a na?” tîn ân dawn a. Ama chun a kuomah, “Ka hming chu Legion a nih, tamtak kan ni si a,” a ta.

LUKA 8:30

Chun, Isûn, “I hming ieng am a na?” tiin ân dawn a. Ama chun, “Legion,” a ta, (a sûnga khawhri tamtak an lût leiin).

JOHAN 10:18

Tûkhawmin mi lâkpêk naw ni hai, keima thu thuin ka pêk lem ding a nih; pe thei ka nih, la nâwk thei khawm ka nih. Hi thupêk hi ka Pa kuoma inthawka ka hmu a nih,” a ta.

JOHAN 18:36

Isûn, “Ka ram chu hi khawvêla mi hi a ni nawh; ka ram chu hi khawvêla mi hi ni sienla, ka rawihaiin thâwng an tih, Judahai laia pêka ka um nawna dingin; nisienlakhawm, ka ram chu hitaka mi hi a ni nawh,” a ta, a dawn a.

2 THESSALONIKA 1:7

nangni rinum tuortuhai chu, Lalpa Isu a vântirko hrâttakhai leh meichawk laia a hung inlang pha, keini le hin min châwltir le;

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung: