MATTHAI 26:41 - Pathien Lekhabu Inthieng (BSI)

⁴¹ Thlêmnaa in lût nawna dingin inring zingin ṭawngṭai ro; thlarau chun chu a pei a, taksa ruok chu a hrât naw a nih,” a ta.

MATTHAI 26:41 ပူးပေါင်းရင်းမြစ်များ

INPÂKNA HLABU 119:1

Kawnglama mi ṭha famkimhai chu an hamṭha ie, Lalpa dân hrawtuhai chu.

INPÂKNA HLABU 119:115

Nangni thil ṭha naw thawtuhai, mi mâksan ro, Ka Pathien thilpêkhai ka vawng ṭhat theina dingin.

INPÂKNA HLABU 119:117

Mi kei la, chuongchun, him ka ta, I thuruothai chu ka pawisa rawp ding a nih.

INPÂKNA HLABU 119:32

I thupêk lampuia chun tlân ka ta, Ka lungril hi i suklien pha chun.

MATTHAI 24:42

Chuongchun, ngaiven ro, ieng ni am in Lalpa a hung ding in hriet si naw a.

MATTHAI 25:13

Chuongchun, ngaiven ro, a ni le a hun chu in hriet si naw a.

MATTHAI 26:38

Chun, an kuomah, “Ka lungril a lungngai bêk bêk a; thina khawp rau a nih. Hitaka hin um unla mi vêngpui ro,” a ta.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

MARKA 14:38

Thlêmnaa in lût nawna dingin inring zingin ṭawngṭai ro. Thlarau chun chu a pei a, taksa ruok chu a hrât naw a nih,” a ta.

LUKA 11:4

Kan suolhai mi ngaidam la, Keini khawmin kan chunga thil suksuoltuhai kan ngaidam hlak angin. Thlêmnaa chun mi ṭhuoi lût naw rawh,’ tiin,” a ta.

LUKA 21:36

Chuongchun, chuong thil hung tlung dinghai po po chu pumpel tlâk le Mihriem Naupa hmaa ngîr tlâka ruot in ni theina dingin, ieng lai khawmin ṭawngṭai pumin ngaiven ro,” a ta.

LUKA 22:40

Chun, a hmun chu a va tlung chun an kuomah, “Thlêmnaa in lût nawna dingin ṭawngṭai ro,” a ta.

LUKA 22:46

chun, an kuomah, “Iengdinga in in am? Thlêmnaa in lût nâwna dingin tho unla, ṭawngṭai ro,” a ta.

LUKA 8:13

Chun, pielthlêng chunga mi chu hieng hi an nih; an hriet phingleh thu chu lâwmtaka pawmhai hi; nisienlakhawm, zung hrim an nei nawh, sâwt nawtê chau an awi a, thlêma an um phaleh an bânsan nâwk hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:3

Tisa leiin Dân chu a hrât naw a, a thaw thei ruol naw chu Pathienin ama Naupa ngei tisa suol ang putin suol thawina dinga hung tirin, tisaa suolna um chu thiemnaw ân changtir tah a nih,

1 KORINTH 10:13

Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.

1 KORINTH 16:13

Invêng unla, ringnaa chun ngîr det unla, insukhuoi unla, hrâttakin um ro,

1 KORINTH 9:27

Boruok chau hnek lovin kei le kei kân hnek a, ka taksa ka hnek rak rak a, suokah ka siem hlak; chuong naw chun, mi danghai kuoma tlâng ka însampui hnung khawmin ieng amanih tiin kei ngei khawm hi peithlâkin um rawi ka tih.

GALATI 5:24

Chun, Krista Isu mihai chun tisa chu a suol ngaituona le a châknahai pumin an hemde tah.

EPHESI 6:18

ieng huna khawm Thlaraua ṭawngṭaiin, chu kawnga chun mi inthieng po pohai ta dingin ṭhahnemngai tak le hni tlatin ngaiven ro:

1 PETER 4:7

Nisienlakhawm, thil po po tâwpna chu a hnai ta a, chuleiin, in ṭawngṭai theina dingin lungril feltak putin fimkhur ro.

1 PETER 5:8

Ngaiven unla, fimkhur ro; in khingpui Diebol chu sakeibaknei inrûm hlak angin a fâk thei ding zawngin ân vêl ruoi hlak a nih.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

THUPUONGSUO 16:15

(Ngai ta, inru angin ka hung ding a nih; inringa a puon dierkei zing chu a hamṭha, chuong naw chun, saruokin lêng a ta, a zamaw hmu rawi an tih).

THUPUONGSUO 3:10

Ka selna thu i pawm lei khan, hnuoia umhai fie dinga khawvêl po po chunga fiena hun hung tlung dinga inthawk chun, kei khawmin humhim ka ti che.