MATTHAI 26:39 - Pathien Lekhabu Inthieng (BSI)

³⁹ Chun, tlâwmtên hma tieng a va fe dep a, a bawkkhup a, “Aw Pa, a thei chun, hi no hin mi khêl hrâm raw se; nisienlakhawm, keima thu ni lovin, nangma thu thu ni lem raw se,” tiin a ṭawngṭai a.

MATTHAI 26:39 ပူးပေါင်းရင်းမြစ်များ

INṬANNA 17:3

Chun, Abram chu a bawkkhup a; chun, Pathienin ama chu a biek a,

2 SAMUEL 15:26

amiruokchu, ‘Nangmaah lâwmna hrim ka nei nawh,’ a ti chun, ngai ta, hieng el hi ka na, ṭha a ti ang angin ka chunga hin thaw el raw se,” a ta.

1 CHANCHIN SUINA 21:16

Chun, David chu a hung dâk suok a, Lalpa vântirko hnuoi le vân kâra ngîr chu a hang hmu ta a; a kâwlhnâm phawi sain, Jerusalem tienga bân pharin a hmu a. Chun, David le upahai chu saiip puon an sil a, an hmaia hnuoi sikin an bawk tâwl ta a.

ISAI 50:5

Lalpa Pathien chun ka na a mi sukhawngpêk a, kei chu ka hel naw a, ka ngha kîr bawk nawh.

ISAI 53:12

Chuleiin, ama chu mi lienhai chanvo ang sem vêng ka ta, ama chun râllâk sumhai chu mi hrâthai sem vêng a tih; a hringna chu thi khawp raka a bunthlâk a, bawsetuhai laia tiemsaa a um leiin; nisienlakhawm, mi tamtak suolna chu a phur a, bawsetuhai ta ding chun a ṭawngṭaipêk a.

EZEKIEL 1:28

Ruo sûr nia sûma sumrisâng inlang angin, a vêla varna inlang dân chu a um a. Hi hi Lalpa ropuina angpui inlang dân chu a nih. Chun, chu chu ka hmu phing chun, bawkkhupin ka tlu a, chun, mi pakhat râwl thu hung hrilin ka hriet a.

NAMBAR 14:5

Chuongchun, Mosie le Aron chu Israel mipui pungkhâwm po pohai hmaa chun an bawkkhup a.

NAMBAR 16:22

Chuongchun, anni chu an bawkkhup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an ti a.

MATTHAI 20:22

Isu ruok chun “In hni hi in hriet naw a nih, ka no dâwn ding chu in dâwn thei am a nih?” a ta, a dawn a. Annîn a kuomah, “Thei e,” an ta.

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

MATTHAI 26:42

Chun, vawi hninaah a va fe a, a ṭawngṭai nâwk a, “Aw Pa, ka dâwn lova hi no hin a mi khêl thei lul naw chun, nangma thu thu ni raw se,” a ta.

MARKA 13:22

Krista tehlêm le zâwlnei tehlêmhai an hung suok ding a ni si a; chuonghai chun inchikna le thilmak tak tak thâwng an tih, thei hai sienla, thlanghai rau khawm an hlêm theina dingin.

LUKA 17:16

chun, a ke bulah a bawkkhup a, a lâwmthu a hril a; chun, ama chu Samari mi a ni nghe nghe a.

JOHAN 11:41

Chuongchun, lung chu an dawm tâwl a. Chun, Isu a dâk a, “Pa, ka thu i ngai leiin i chungah ka lâwm ie.

JOHAN 14:31

nisienlakhawm, keiin Pa ka hmangai le, Pain thu a mi pêk ang peiin thil ka thaw ti khawvêlin an hrietna ding a ni hi. Tho ro, hitaka hi suok ei tiu.

JOHAN 18:11

Chuongchun, Isûn Peter kuomah, “Kâwlhnâm kha a bâwmah thun rawh; Pain no, kei a mi pêk hi ka dâwn naw ding am a nih?” a ta.

JOHAN 5:19

Chun, Isûn an kuomah, “Titakzetin, titakzetin ka hril cheu hi, Naupa hin a khâtin iengkhawm a thaw thei nawh, Pa thilthaw a hmu chau naw chu; thil a thaw ang taphawt chu Naupa khawmin a thaw ve hlak.

JOHAN 5:30

“Keia khâtin iengkhawm ka thaw thei nawh; naa ka hriet ang peiin ro ka rêl hlak; ka rorêl chu indiktak a nih, keia thu thuin um ka tum naw a, a mi tirtu thu thua um ka tum lem hlak leiin.

JOHAN 6:38

Mâni nuom zâwng thaw dinga vâna inthawka hung ka ni naw a, a mi tirtu dit zâwng thaw dinga hung ṭum ka ni lem.

THILTHAWHAI 10:25

Chun, Peter chu a lût ding lai takin Korneli chun a lo tuok a, a ke bulah a bawkkhup a, Pathien chibai bûk angin a bûk a.

PHILIPPI 2:8

Chun, mihriem anga hung umin ân ngaitlâwm a, thi khawp raka thu zâwmin a lo um ta a, krawsa thina ngei chu.

HEBRAIHAI 5:7

Ama chun hnuoi taksa a put lai nihaia khan thinaa inthawka ama sandam theitu kuoma khan nasataka khêkin, mitthli tla pumin ṭawngṭainahai le hninahai ân hlân a, inzâ taka ân pekna leiin ngaithlâkin a um a,

THUPUONGSUO 19:10

Chuongchun, Pathien chibai bûka bûk dingin a ke bulah ka bawkkhup a. Chun, ama chun ka kuomah, “Hienghin thaw naw raw khai, kei chu nangma le i unau, Isu inhriettirna thu pawmhai suok chanpui ka ni annâwm; Pathien chibai bûk lem rawh; Isu inhriettirna thu chu thu hrilna thlarau a ni si a,” a ta.