MATTHAI 26:35 - Pathien Lekhabu Inthieng (BSI)

³⁵ Peterin a kuomah, “I thinaa chun thi ve ding ni lang khawm inphat naw tawp ka ti che,” a ta. Chuong ang bawk chun, inchûktirhai po po chun an ti ta seng a.

MATTHAI 26:35 ပူးပေါင်းရင်းမြစ်များ

FESUOKNA 19:8

Chun, mipui po po chun a ruolin an dawn a, “Lalpain a hril po pohai chu thâwng kan tih,” an ti a. Mosie chun mipui thuhai chu Lalpa kuoma chun ân tlun ta a.

THUVARHAI 28:14

Lalpa ṭi zing zinga um hlak mi chu a lâwm a, A lungril sukngartu ruok chu lungngainaah tla lût a tih.

THUVARHAI 29:23

Mi chu a chapona chun ama chu sukhnuoi a ta, Lungrila inngaitlâwm ruok chun chawimawina hmûng a tih.

MATTHAI 10:33

Nisienlakhawm, tukhawm mihai hmaa a mîn phat taphawt chu, ka Pa vâna mi hmaah inphat vêng ka tih.

JOHAN 13:37

Peterin a kuomah, “Lalpa, iengdingin am tu khawm hin zui thei nâwng ka ti che a? Nangma leiin ka hringna pêng ka tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:20

Anih, an ring nawna leiin suktliekin an um a, nang i ringna leiin i ngîr a nih.

1 KORINTH 10:12

Chuleiin, ngîra inngai in ni chun, in tlûk nawna dingin fimkhur ro.

PHILIPPI 2:12

Chuongchun, ka idittakhai, thu in zâwm rawp ang khan, ka um lai chau ni lovin, tûta ka um naw kâr hin nasa lem hmanin, ṭi le inthin pumin in sandamna thaw suok ro,

1 PETER 1:17

Chun, mi tin thlier bik nei lova, sinthaw ang peia ngaituo hlaktu chu Pa anga in lam chun hitaka in châm sûng po chu ṭi dêkin um ro.