MATTHAI 26:18 - Pathien Lekhabu Inthieng (BSI)

¹⁸ Ama chun, “Khawpuiah tu amani kuomah fe unla, a kuomah, ‘Inchûktirtu chun, ka hun a hnai ta a; ka închûktirhai leh Fekân ruoi i inah ṭhêng kan tih, a tih,’ va ti ro,” a ta.

MATTHAI 26:18 ပူးပေါင်းရင်းမြစ်များ

MATTHAI 21:3

Tukhawmin in kuomah, iengkhawm an lo hril chun, ‘Lalpain a mamaw a nih,’ tîng in ta; chun, ama chun hung tîr nghâl el a tih,” a ta.

MATTHAI 23:10

‘ṭhuoituhai’ tia ko khawmin um naw ro; in ṭhuoitu chu pakhat chau a nih, Krista chu.

MATTHAI 23:8

“Nangni ruok chu, ‘Rabbi’, tia koin um naw ro; in inchûktirtu chu pakhat chau a nih; nangni po po chu unau in ni si a.

MATTHAI 26:19

Chun, Isûn an kuoma a ti ang chun inchûktirhai chun an thaw a, Fekân ruoi ding chu an buotsai ta a.

MATTHAI 26:2

“Ni hni chenah Fekân ruoi a hung um ding a nih ti in hriet a, Mihriem Naupa hi hemde dingin an inmantir ding a nih,” a ta.

MATTHAI 26:49

Chuongchun, Isu chu a va pan nghâl ta a. “Chibai, Rabbi,” tiin a fâwp ta ngâwi ngâwi a.

MARKA 5:35

A la ṭawng zing laiin inkhâwmna in hotu ina inthawkin mi an hung a, “I naunu a thi tah, iengdingin am inchûktirtu hi la suksâwl rawp i ta?” an ta.

LUKA 22:53

Pathien biekina in kuoma ni tin ka um laihai khan mi man tumin in mi ban si naw a; nisienlakhawm, tuhi nangni hun a nih, inthim thuneina leh,” a ta.

JOHAN 11:28

Chun, chu thu chu a hril zo phingleh a fe a, a zuorpuinu Mari chu arûkin a va ko a, “Inchûktirtu hitakah a um a, a ko che,” a ta.

JOHAN 12:23

Chun, Isûn a dawn a, an kuomah, “Mihriem Naupa chawimawia a um hun chu a tlung tah.

JOHAN 13:1

Chun, Fekân Ruoiṭhe hmain Isûn hi khawvêl hi suok sana, Pa kuoma a fe hun a tlung tah ti a hriet a. Amaa mi khawvêla um a hmangai hlakhai chu, a tâwp chen khawmin a hmangai zing a.

JOHAN 17:1

Chuong thu chu Isûn a hril a; chun vântieng nghain, “Pa, a hun a tlung tah; i Naupa chawimawi rawh, Naupa hin a chawimawina ding chein;

JOHAN 20:16

Isûn a kuomah, “Mari,” a ti a. Ama chu a ngha a, a kuomah, Hebrai ṭawngin, “Rabboni,” a ta; (chu chu Inchûktirtu tina a nih.)

JOHAN 7:30

Chuongchun, ama chu man an tum a, nisienlakhawm, a hun a la tlung naw leiin tukhawmin a chungah kut an thlâk si nawh.

JOHAN 7:6

Chun, Isûn an kuomah, “Ka hun a la tlung nawh; nangni hun ruok chu a tlung zing a nih.

JOHAN 7:8

Nangni ruoiṭhenaah hang fe ro, kei chu hi ruoiṭhea hin la fe hri naw ning, ka hun a la tlung naw leiin,” a ta.