MATTHAI 25:35 - Pathien Lekhabu Inthieng (BSI)

³⁵ ka phîng a ṭâmin nangnîn fâk ding in mi pêk a, ka dang a chârin dâwn ding in mi pêk a; mikhuol ka niin in mîn tlung tir a;

MATTHAI 25:35 ပူးပေါင်းရင်းမြစ်များ

1 LALHAI 17:11

Chun, la dinga a fe lai chu a hei ko a, bei khawm tlâwmte mi hung chawipêk ta, a ta.

JOB LEKHABU (THE BOOK OF JOB) 31:32

(Mikhuol chu kawtthlêra chun a riek naw a; Amiruokchu, mikhuol ta ding chun ka kawtkhâr chu ka hawng lem hlak).

THUVARHAI 14:21

A tuolbâwm hmusittu chun a suksuol a na, Mi pasie chunga lunginsietna nei ruok chu a hlim a nih.

THUVARHAI 14:31

Mi pasie nêksâwrtu chun ama Siemtu a hmusit a nih, Tlasam chunga lunginsietna nei ruok chun ama ân za a nih.

THUVARHAI 19:17

Mi pasie lunginsiettu chun Lalpa ân pûktir a na, A thil thaw ṭha chu ama chun pe nâwk a tih.

THUVARHAI 22:9

Mi tiktlâi chu malsâwmin um a tih, Mi pase kuomah a bei chu a pêk si a.

THUVARHAI 25:21

I hmêlma a phîng a ṭâm chun bei fâk ding pe la, Chun, a dang a châr chun, tui dâwn ding pe rawh;

EZEKIEL 18:16

mi tu chunga khawm lo suksuol ngai lo a, hninaa thutiem la ngai lo a, thawluinaa la sukse ngai lo a, amiruokchu, a bei chu tlasamhai kuoma pe a, saruok chu silfêna lo inkhum ta a,

EZEKIEL 18:7

tukhawm ân suksuoltir naw a, battu kuoma chun a hnina chu ân hmutir a, thawluinain tukhawm a suksiet naw a, mi phîngṭâmhai chu bei a lo pêk ta a, saruokhai chu silfên a lo inkhum ta a;

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i tluongtlungna hi sukseia a um theina dingin,” a ta.

MIKA 6:8

Aw mihriem, a ṭha chu ân entir ta che a nih; Lalpain a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 26:11

Pasiehai chu kumkhuoa in kuoma um an nih annâwm, kei ruok chu kumkhuoa in kuoma um ding ka ni nawh.

MARKA 14:7

Pasiehai chu kumkhuoa in kuoma um an na, in nuom phâ phâ anni chu in lunginsiet thei annâwm, kei ruok chu kumkhuoa in kuoma um ding ka ni nawh hi.

LUKA 11:41

Nisienlakhawm, a sûnga thil um chu mi rimsihai kuoma pêk dingin hmang ro; chuongchun, ngai ro, in ta dingin iengkim ân thieng tah a nih.

JOHAN 13:29

Ṭhenkhatin “Juda chun tangka ip a kawl leiin, Isûn ‘Ruoiṭhenaa ding thil ei mamawhai inchaw rawh,’ a ti amanih, ‘Pasiehai kuoma iengkhat pêk ding,’ a ti amanih,” an ti a nih.)

THILTHAWHAI 10:31

‘Korneli, i ṭawngṭaina kha hrietin a um tah, mi kuoma i thilpêkhai khawm kha Pathienin a hriet zing ie.

THILTHAWHAI 11:29

Chuongchun, inchûktirhai chun, an thei tâwk sengin, Judai rama unau umhai kuoma chun sawmdâwlna ding thawn an tum a.

THILTHAWHAI 16:15

Chun, ama le a sûnghaiin baptisma an chang zo chun, “Lalpa ring tak zeta in mi ruot chun, ka inah hung tlung ro,” tiin a mi ngên a mi ngên a, a mi chel ta a.

THILTHAWHAI 4:32

Chun, a ringtu mipuihai chu lungril hmunkhat le ngaituo hmunkhatin an um a; anni laia pakhat khawmin an sum nei, “Ka ta bîk a nih,” an ti nawh; thil po po an inṭâwm lem hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:13

Mi inthienghai tlâksamnaa chun sawmdâwl unla, mikhuolhai lâwm hlak mi ni ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:20

Chuleiin, i hmêlma a phîng a ṭâm chun fâk ding pe la, a dang a châr chun dâwn ding pe rawh; chuong anga i thaw chun a lu chunga meiling i sie khâwl nîng a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:23

Kei le kohranhai po po tlunginpa, Gaia chun chibai a bûk cheu. Khuoa sum enkawltu Erasta le, a unaupa Kuorta chun chibai an bûk cheu.

EPHESI 4:28

Inruhmang chun inru ta naw sien la, a tlasam kuoma pêk ding a nei theina dingin a kuta thil ṭha thawin inrim lem raw se.

1 TIMOTHE 5:10

thil ṭha thaw kawnga mi inpâka um tah, nauhai lo châwm tlei taa, mikhuolhai lo intlungtir taa, mi inthienghai ke lo sâwp taa; lunginzînghai lo sawmdâwl taa, thil ṭha tinrêng taimataka a lo thaw ta phawt chun.

PHILEMON 1:7

unaupa, nangma zâra mi inthienghai lungril a har ta leiin i hmangainaa chun ka hlimin ka thlamuong bêk bêk a nih.

HEBRAIHAI 13:16

Nisienlakhawm, thil sukṭhat le tiktlai hi theinghil naw ro; chuong ang inthawina chunga chun Pathien a lungni bêk bêk si a.

HEBRAIHAI 6:10

In sin thaw le a hming leia hmangaina in inlangtir, mi inthienghai rawng in ibâwl, tu chen khawma in ila bâwl rawp chu theinghil dingin Pathien chu mi fel naw a ni si naw a.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai lova insiem hi.