MATTHAI 25:34 - Pathien Lekhabu Inthieng (BSI)

³⁴ “Chu phâ chun, Laltak chun a changtienga mihai kuomah, ‘Ka Pa vochuomhai, hung unla, khawvêl siem tîra inthawka, in ta dinga ram buotsai chu chang ro;

MATTHAI 25:34 ပူးပေါင်းရင်းမြစ်များ

INPÂKNA HLABU 2:6

“Keima ngeiin ka tlâng inthieng Ziona chun, Ka lal siem chu kân ṭhungtir tah a nih” a ti a.

THUVARHAI 11:17

Mi zainêmtak chun a lungril ta ding ngeiin thil ṭha a thaw a, Mi rilo ruok chun ama tisa ngei a sukbuoi.

ISAI 33:22

Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

ISAI 6:5

Chu phingleh kei chun, “Hmûr tirdakum put mi ka na, hmûr tirdakum put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai Lalpa chu a hmu ta si a,” ka ti a.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

DANIEL 9:25

Chuleiin, hre la, hrethiem rawh, Jerusalem khuo bâwl ding le siem thar dinga thupêk hung suoka inthawk Messie, Lal Naupa chen chu hapta sari le, hapta sâwmruk pahni nîng a ta, a kawtthlêr le a banghai chu siem nîng a tih, hun buoithlâktaka khawm chun.

ZEPHANIA 3:15

Lalpa chun i chungthu rêlna chu a lâk hmang ta a, I hmêlma khawm chu a hnawt dawk tah a nih; Israel Lal, Lalpa ngei chu nangmaa chun a um a, Thil ṭha naw hril ṭi ta dêr naw ti nih.

MATTHAI 13:35

zâwlneiin, “Tekhithuin ka bau kâng ka ta, Leihnuoi insieng tîra inthawka thil inthup chu hril dawk ka tih,” tia a hril kha a hung tlung theina dingin.

MATTHAI 19:29

Chun, mi tukhawm inhai amanih, unauhai amanih, farnuhai amanih, pa amanih, nu amanih, nuhmei amanih, nauhai amanih, ramhai amanih, ka hming leia fesan taphawt chun, a let za hmûng an ta, kumkhuoa hringna chang bawk an tih.

MATTHAI 20:23

Ama chun an kuomah, “Ka no chu dâwn ngei in tih; nisienlakhawm, ka changtieng le ka vawitienga ṭhung ding thu chu keia pêk ding a ni naw a, ka Pa ibuotsaipêkhai ta ding ni lem a tih,” a ta.

MATTHAI 21:5

“ ‘En ta, i Lal chu thuhnuoirawltakin, Sabengtung chungah, sabengtungtê chunga ngeia chuongin, I kuomah a hung ding a nih,’ tiin, Zion naunu chu hril rawh,” ti hi.

MATTHAI 25:21

A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che, i pu lâwmnaah lût rawh,’ a ta.

MATTHAI 25:23

A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che; i pu lâwmnaah lût rawh,’ a ta.

MATTHAI 25:40

Chun, Laltak chun an kuomah, ‘Titakzetin ka hril cheu hi, hieng ka unau chîntakhai laia mi pakhat chunga in thaw chu, ka chunga thaw in nih,’ tîn la dawn a tih.”

MATTHAI 25:41

“Chu zoa chun a vawitienga mihai kuoma khawm chun, ‘ṭawngsephurhai, kumkhuo mei diebol le a tirkohai ta dinga an buotsaia chun mi fe hmangsan ro;

MATTHAI 27:37

“HI MIPA HI ISU JUDAHAI LAL A NIH,” tia ziek a lu chungah an bel a.

MATTHAI 3:2

“Sim ro, vân ram chu a hnai tah,” tiin.

MATTHAI 5:19

Chuongchun, tukhawm hieng thupêk laia pakhat, a chîntak khawm bawsea, chuonga thaw ve dinga mihai inchûktir taphawt chu, vân rama chun mi chîn tak tîng an tih; amiruokchu, tukhawm zâwma inchûktir taphawt chu, vân rama chun mi lien tîng an tih.

MARKA 10:17

Chun, fe dinga a suok laitakin mi pakhat a kuom tieng a hung tlân a, a hmaah a dingṭhaṭhuon a, a kuomah, “Inchûktirtu ṭha, kumkhuoa hringna ka nei theina dingin ieng am thâwng ka ta?” tiin ân dawn a.

MARKA 10:40

Nisienlakhawm, ka changtienga manih ka vawitienga manih, ṭhung ding thu chu keia pêk ding a ni naw a, an ibuotsaipêkhai ta ding ni lem a tih,” a ta.

LUKA 11:28

Ama ruok chun, “Anih, nisienlakhawm, Pathien thu hrea zâwmhai hi mi hamṭha an ni lem,” a ta.

LUKA 11:50

zâwlnei po po thisen, leilung insieng tîra inthawka kha tulai ruoltharhai chunga phuba lâk a ni theina dingin.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

LUKA 19:38

“Lalpa hminga hung chu inpâkin um raw se; vânah inremna inlêng sienla, achunghnungtaka khin ropuina um raw se,” tiin.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

JOHAN 12:13

tûm kauhai an chawi a, a tuok dingin an va suok a, “Hosanna, Lalpa hminga Israel Lal hung chu inpâkin um raw se,” tiin an khêk a.

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta si a.

JOHAN 19:15

Chun, anni chu an khêk a, “Sukbohmang rawh, sukbohmang rawh, krawsah hemde rawh,” an ta. Pilatin an kuomah, “In lal hi krawsah hemdêng ka ti maw?” a ta. Thiempu Lalhaiin, “Kaisar naw chu lal dang kan nei nawh,” an ta, an dawn a.

THILTHAWHAI 15:18

Khawvêl siem tîra inthawkin hieng thu inhriettir hlaktu Lalpa chun a tih,’ ti ziek ang khan.

THILTHAWHAI 3:26

Pathienin a Siehlaw chu a ruot a, in suolhai innghatsantir seng cheua mal sâwmpêk ding cheuin, nangni kuomah a hung tir hmasa tak a ni hi,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:17

Chun, nauhai ei ni chun rohluotuhai, Pathien rohluotu, Krista hluopuituhai ei nih; chuleiin, ama ei tuorpui ding a nih, a kuoma chawimawia ei um ve theina dingin.

1 KORINTH 15:50

Unauhai, “Tisa le thisen hin Pathien ram hluo thei naw ni a, hmawn thei hin hmawntheilo chu hluo chuong bawk naw ni” ti ka hril a ni hi.

1 KORINTH 2:9

“Mita hmu ngai naw le naa hriet ngai naw, Mihriem lungrila lût ngai naw, Pathienin ama hmangaituhai ta dinga A buotsai taphawt chu,” ti ziek ang lem khan.

1 KORINTH 6:9

Anleh, mi felnawhai chun Pathien ram hluo naw ni hai ti in hriet naw am a nih? Hlêmin um naw ro; indithmanghai amanih, milim betuhai amanih, uirehai amanih, mihurhai amanih, mawngkawhurhai amanih,

GALATI 5:21

thîkthusietna dâm, zu inruina dâm, zu hmun hlimna dâm, chuong anghai chu, chuong kawnga chun kha hmaa, “Chuong ang thil thawtuhai chun Pathien ram hluo naw ni hai,” tia ka hril lâwk cheu ang khan, ka hril nâwk cheu hi.

EPHESI 5:5

Indithmang le mi inthiengnaw le mi duâm hrim hrim chu, (mi duâm chu milim betu a nih), Krista le Pathien rama chun chan hrim an nei nawh ti in hriet hle si a.

1 THESSALONIKA 2:12

Ama ram le ropuinaa kolûttu cheu Pathien mi ni tlâka in um theina dingin.

2 TIMOTHE 2:12

Ei tuor chun, Ama leh ro rêl ei tih; Ama ei inphat chun, Ama khawmin mîn phat a tih;

2 TIMOTHE 4:8

Tuhin chu felna lallukhum chu ka ta dingin siein a um ta a, chu chu Lalpa, ngaituotu feltak chun chu nia chun mi pêng a tih; ka kuoma chau ni lovin, a hung inlang nâwkna ngaituhai po kuoma khawm.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

HEBRAIHAI 11:16

Nisienlakhawm, tuhin chu ram ṭha nâwkzuol châk an na, chu chu vâna um a nih. Chuongchun, Pathienin an Pathien tia um chu ân zak nawh, an ta dingin khuo chen a lo buotsaipêk ta si a.

HEBRAIHAI 4:3

Eini ring tahai hi chu châwlnaa chun ei lût zing a nih. “Ka lungsena kân khâm ang khan, Ka châwlnaa chun lût naw ni hai,” a ti ang khan, leilung insieng tira sinhai chu thaw zo ni ta sien khawm.

HEBRAIHAI 9:26

chuongchu ni naw sienla leilung insieng tira inthawk vawi tamtak a tuor ta ding a na; nisienlakhawm, tulai hun tâwpa hin inthâwina dinga inhmang fâwmin, suol sukbona dingin vawi khatah a hung inlang ta nghâl a nih.

JAKOB 2:5

Ka unau dittakhai, ngai ta u, Pathienin hi khawvêl thila pasiehai hi, ringnaa hausa ding le, ama hmangaituhai kuoma a tiem ram chu hluotu dingahai a ruot naw am a nih?

1 PETER 1:9

in ring san, in thlarau sandamna chu hmuin.

1 PETER 3:9

Suol suolin thung naw unla, halna halna vêkin thung naw ro; malsâwm hlau lem ro. Hi hi lei hin ko in ni si, malsâwmna chang dingin.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.

THUPUONGSUO 17:8

Sahrâng i hmu kha a um ta zet a, a um nâwk ta naw a; chun, vânsama inthawkin hung suok a ta, bohmangnaah fêng a tih. Chun, hnuoia umhai, leihnuoi insieng tîra Hringna Bua hming ziek nawhai chun, sahrâng chu an hmu phâleh, a um ta zeta, a um nâwk ta naw a, a hung nâwk ding chu mak la tîng an tih.

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.

THUPUONGSUO 5:10

Kan Pathien ta dingin khuoletui le, Thiempuahai i siem ta si a; Chun hnuoiah ro rêl an tih,” tiin.