MATTHAI 25:21 - Pathien Lekhabu Inthieng (BSI)

²¹ A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che, i pu lâwmnaah lût rawh,’ a ta.

MATTHAI 25:21 ပူးပေါင်းရင်းမြစ်များ

THUVARHAI 14:35

Siehlaw vartaka thawtu chunga chun lal ditsakna chu a um a, Ama sukzaktu chunga ruok chun a lunginsenna um a tih.

THUVARHAI 28:20

Mi ringum chun malsâwmnahai a hau a, Mi hausa dinga hmawsaruma thilthaw ruok chu hrem lo ni naw nih.

MATTHAI 24:45

“Suok ringum vartak, a puin a hun po leh an bu chan ding sem pêk dinga a sûnghai chunga hotua a siem chu tu tak am nîng a ta le?

MATTHAI 24:47

Titakzetin ka hril cheu hi, a inei po po chungah hotûn siem a tih.

MATTHAI 25:23

A pu chun a kuomah, ‘Suok ṭha le ringum, i thaw ṭha ie! tlâwmte chungah ring i um a, tamtak chungah inumtir ka ti che; i pu lâwmnaah lût rawh,’ a ta.

MATTHAI 25:46

Chun, chuonghai chu kumkhaw hremnaah fêng an ta, mi felhai ruok chu kumkhaw hringnaah fêng an tih,” a ta.

LUKA 12:44

Indiktakin ka hril cheu hi, a nei po po chunga hotuah siem a tih.

LUKA 16:10

Tukhawm tlâwmte chunga ringum chu tamtak chunga khawm ring a um hlak. Tukhawm, tlâwmte chunga ringum naw chu tamtak chunga khawm ring a um nawh.

JOHAN 12:26

Tûkhawmin ka rawng a bâwl chun mi zui raw se; ka umnaah ka rawng bâwltu khawm um a tih. Tûkhawmin ka rawng a bâwl chun ama chu Pain chawimawi a tih.

JOHAN 14:3

Chun, in ta dinga hmun ka hang siem chun hung kîr nâwk ka ta, ka kuomah lâng ka ti cheu; ka umnaah nangni khawm in um theina dingin.

JOHAN 17:24

Pa, nangin kei i mi pêkhai hi ka umnaah ka kuoma um dingin ka dit; nangin i mi pêk ka ropuina kha an hmuna dingin; leihnuoi insieng hma khawmin nangin i mi hmangai ta si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:29

Amiruokchu, ân lang el ni lova Juda mi ni chu Juda tak a nih; chun, sertan tak chu lungril tienga tan a nih, Lekha thu ela ni lovin, Thlarauah a nih; ama chun mihriem inpâk a hlaw naw a, Pathien inpâk a hlaw lem hlak.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

2 KORINTH 10:18

Mâni inhrilmawi chun inpâk a hlaw si naw a, Lalpain a hrilmawi chun inpâk a hlaw lem hlak.

2 KORINTH 5:9

Chuleiin, um inla um naw inla khawm, ama lâwm zâwng ni ei tum tlat hlak a nih.

PHILIPPI 1:23

Chamlakin a ngaina hre lovin ka um el a nih, fe suoka Krista kuoma um inhâwkna ka nei leiin, chu chu a ṭha lem bêk bêk si a.

1 TIMOTHE 3:13

Kohran rawngbâwl tieng sin thaw ṭha tahai chun, ngîrna ṭha tak le, Krista Isu ringna kawnga chun huoina nasatak an insiem hlak si a.

2 TIMOTHE 2:12

Ei tuor chun, Ama leh ro rêl ei tih; Ama ei inphat chun, Ama khawmin mîn phat a tih;

HEBRAIHAI 12:2

Isu ei ringna siemtu le sukfamkimtu tieng chu en zingin; ama chun a hmaa hlimna um lei chun muolphona chu ngainêpin, kraws chu a tuor a, Pathien lalṭhungpha changtieng khin a hang ṭhung ta a.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 21:7

Hnetu taphawt chun chuong chu hluong an tih, kei an Pathien nîng ka ta, anni chu ka nauhai nîng an tih.

THUPUONGSUO 3:21

A hnetu taphawt chu ka lalṭhungphaah ka kuomah inṭhungtir ka tih; kei khawmin ka hne a, ka pa kuomah lalṭhungphaa ka ṭhung ang khan.

THUPUONGSUO 7:17

Berâmte, lalṭhungpha laia um chu an vêngtu nîng a ta, hringna tuikhurahai ṭhuoi a tih; chun, Pathienin an mita inthawk mitthli po po hrufai tâng a tih,” a ta.