MATTHAI 25:1 - Pathien Lekhabu Inthieng (BSI)

¹ “Chu pha chun, vân ram chu nunghâk inthieng sâwm, an khâwnvar chawia, mo neitu tuok dinga suokhai le chun, tekhi ni tâng a tih.

MATTHAI 25:1 ပူးပေါင်းရင်းမြစ်များ

INPÂKNA HLABU 45:14

Puon ṭhui mawi silin laltak kuomah ṭhuoi an ta, Ama zuitu nunghâk a ruolhai chu, I kuomah ṭhuoi an tih.

HLAHAI HLA 1:3

I hriekhai chun rim inhnikna tak a nei a; I hming chu hriek bun suok ang a nih; Chuleichun, nunghâkhaiin an hmangai che a nih.

HLAHAI HLA 5:16

A bausuok chu a thlum a, anih, dit a um pumhlûm el a nih; Hi hi ka hmangaitak chu a na, hi hi ka ruol chu a nih, Aw nangni Jerusalem naunuhai.

HLAHAI HLA 5:8

Aw Jerusalem naunuhai, ka ngên cheu, ka hmangaitak kha in hmu chun, Hmangainain ka na a nih, ti ama chu hril ro.

ISAI 54:5

Nangma siemtu chu i pasal a ni si a; a hming chu sipaihai Lalpa a nih; Israelhai Mi Inthieng chu nangma intlantu a ni bawk a nih; ama chu khawvêl po po Pathien tîng an tih.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

MATTHAI 13:24

Tekhithu dang an kuomah a hril nâwk a, “Vân ram chu, mi a loa chi ṭha thetu le chun hrilkhi a nih;

MATTHAI 13:31

Tekhithu dang an kuomah a hril nâwk a, “Vân ram chu anṭam chi mal khat mîn a lâk a, a loa a the ang chu a na;

MATTHAI 13:38

Lo chu khawvêl hi a na; chi ṭhahai chu Ram nauhai an na; bu tehlêmhai chu suol nauhai an nih.

MATTHAI 13:47

“Chun, vân ram chu lênkhang tuisuorieta dênga, chi tinrêng fûn khâwmna ang chu a ni nâwk bawk a.

MATTHAI 20:1

“Vân ram chu in neitupa, a grêp huona sinthawtuhai ruoi dinga zîngkâr inhmataka suok ang chu a ni si a.

MATTHAI 22:2

“Vân ram chu lal tu amanih, a naupa ta dinga inneina ruoiṭhena siem le chun tekhi a nih.

MATTHAI 25:7

Chu phingle chun nunghâk inthienghai chu an tho vawng a, an khâwnvarhai chu an siemrêl a.

MATTHAI 3:2

“Sim ro, vân ram chu a hnai tah,” tiin.

MATTHAI 5:16

Chuong ang bawkin in var chu mi mithmuah var raw se; chuongchun, in thilthaw ṭhathai hmûng an ta, in Pa vâna mi chawimawi thei an tih.

MATTHAI 9:15

Isûn an kuomah, “Mo ṭhuoituhai kuoma a pasal ding chu a um sûng phawt chun mo ṭhuoituhaiin an sûn thei am a nih? Nisienlakhawm, a pasal ding chu an kuoma inthawka ṭhuoi hmang nihai la tlung a ta, chu pha ruok chun la nghei an tih.

JOHAN 18:3

Chuongchun, Juda chun sipai pâwl leh, thiempu lalhai le Pharisaihai kuoma um manmihai leh a ṭhuoi a, khâwnvarhai, meiserhai, hriemhai chawiin chutaka chun an hung a.

JOHAN 3:29

Moneitu chu a pasal chu a nih; nisienlakhawm, pasal ṭhien ngîr puma a thu hretu chu, pasal râwl leiin a lâwm bêk bêk hlak; hi ka lâwmna a tlung tah a ni hi.

THILTHAWHAI 20:8

Chun, pindan chunghnung kan um khâwmnaa chun khâwnvar tamtak a um a.

1 KORINTH 11:2

Iengkima in mi hriet zing lei le, thurosiehai ka hung hril angtaka in la vawng tlat leiin kân pâk cheu a nih.

2 KORINTH 11:2

Pathien thîknain a nih in sawnnaw ka thîk cheu chu; Krista kuoma chun nunghâk inthieng anga ka pêk theina ding cheuin, pasal pakhat ka huol pêk si cheu a.

2 TIMOTHE 4:8

Tuhin chu felna lallukhum chu ka ta dingin siein a um ta a, chu chu Lalpa, ngaituotu feltak chun chu nia chun mi pêng a tih; ka kuoma chau ni lovin, a hung inlang nâwkna ngaituhai po kuoma khawm.

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

THUPUONGSUO 14:4

Chuonghai chu nuhmeia insukthiengnaw nawhai chu an nih; nunghâk inthieng ang an ni si a. Chuong chu Berâmte a fena taphawta zuituhai chu an nih. Chuong chu Berâmte le Pathien ta dinga ra hmasatak ni dinga mihriem laia inthawka intlan suok an nih.

THUPUONGSUO 19:7

Hlimtakin lâwm inla, ama chawimawi ei tiu, Berâmte nuhmei nei chu a hun ta si a; a mo khawm ânzo tah,” a ti ka hriet.

THUPUONGSUO 21:2

Chun, khaw inthieng Jerusalem thar chu, mo a pasal ela ân chei angin inzosa hieuin, Pathien kuoma vâna inthawka hung ṭum ka hmu bawk a.

THUPUONGSUO 21:9

Chun, berbu pasari, hremna nuhnungtak pasaria sip chawi, vântirko pasari laia pakhat chu a hung a; ama chun, “Hung ta, mo, Berâmte nuhmei chu inentir ka ti che,” tiin a mi biek a.

THUPUONGSUO 4:5

Lalṭhungphaa inthawk chun kâwlinlep dâm, rawl dâm, vâninrûm dâm a hung suok dur dur a. Chun, meiser pasari lalṭhungpha hmaa chun a chawk a, chuong chu Pathien thlarau pasari kha an nih.

THUPUONGSUO 8:10

Vântirko pathumna chun a hang mût a; chuongchun, arasi lientak, meiser anga chawk, vâna inthawkin a hung tla a, vadung hmun thuma ṭhea hmun khat le tuikhurhai chu a del ta a.