MATTHAI 24:39 - Pathien Lekhabu Inthieng (BSI)

³⁹ tui a hung lêt a, an rênga a lâk hmang vawng hmakhat chu iengkhawm an hriet naw a; Mihriem Naupa hung nâwkna chu chuong ang bawk chu nîng a tih.

MATTHAI 24:39 ပူးပေါင်းရင်းမြစ်များ

INṬANNA 7:23

Chuongchun, hnuoi chunga thil hringna nei tinrêng, mihriem dâm, ran dâm, thilhring bawkinvâk chi dâm, chunglêng vate dâm, hnuoia inthawka sukbohmangin an um ta a: Noa le a kuoma lawnga umhai chau chu hlain an um ta a.

THUVARHAI 23:35

“Annin an mi vuok a, suknatin ka um naw a, Annin an mi zêp a, ka hriet naw a, Iengtik âm ka har ding a na? la zawng nâwk rawp ka tih,” i ti ding am a nih?

THUVARHAI 24:12

“Ngai ta u, hi mi hi kan hriet nawh,” in ti chun, Lungrilhai ngaituo bûktu chun a ngaituo naw ding am a nih? I lungril vawng ṭhatu chun a hriet naw ding am a nih? Mi tin kuomah a sinthaw ang peiin a pêk ding a ni naw am a nih?

THUVARHAI 29:7

Mi fel chun mi pasie chungthu chu a hrietpui hlak a, Mi khawhlo chun hre dingin hrietthiemna a nei nawh.

ISAI 42:25

Chuleiin, a lunginsenna nasatna le inthawna ṭha chu an chungah a bunthlâk a; chuongchun, anni chu a raw vêl a, nisienlakhawm, an lungrilin an ngaituo si nawh.

MATTHAI 16:27

Mihriem Naupa hi a vântirkohai leh, a Pa ropuinaa inthuomin a hung ding a ni si a; chu pha chun mi tin an thilthaw ang peiin thung seng a tih.

MATTHAI 24:3

Chun, Oliv tlânga a ṭhung laiin inchûktirhai chu anni khâtin a kuomah an hung a. “Chuong chu iengtik am hung um a ta? I hung nâwkna le khawvêl tâwpna inchikna chu ieng am nîng a ta? mi hril rawh,” an ta.

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thilthawtheina le ropuina nasatak leh vân sûm chunga hung hmûng an tih.

MATTHAI 24:37

Chun, Noa damlai ang bawk khan Mihriem Naupa hung nâwkna chu nîng a tih.

MATTHAI 24:40

Chu phâ chun, loah mi pahni um an ta, pakhat chu fe hmangpuiin um a ta; pakhat chu mâksanin um a tih.

LUKA 19:44

i sûngah i nauhai le nang leh hnuoiah pei rak an ti che; i sûngah lung inthuo hrim hrim hla naw ni hai, an fang lai che i hriet naw leiin,” tiin.

JOHAN 3:20

Tûkhawm thil suksuol taphawt chun var an theida hlak, vara khawm an hung nawh, chuong naw chun, an thilthawhai inlang a tih.

THILTHAWHAI 13:41

‘Hmusittuhai en ta u, Makti unla, bohmang ro; In dam sûng hin thil kawng khat ka thaw hi, Chu thil chu miin hril hai sienla cheu khawm, Awi tawp naw ti niu,’ a ti kha,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

2 PETER 3:5

Hieng hi an theinghil tehlêm hlak si; Tienlai khan Pathien thuin vânhai inumtir a ni a, hnuoi khawm tuia inthawka tuihaia siemin a lo um a;

RORELTUHAI 20:34

Chun, Israel mihai laia thlang ṭhieu sîng khatin Gibea khuo chu an thaw a, an inthaw chu a nasa hle el a, nisienlakhawm, anni chun an chan a se ngei ding a nih ti an hriet nawh.