MATTHAI 24:36 - Pathien Lekhabu Inthieng (BSI)

³⁶ “Nisienlakhawm, chu ni le a phâ thu chu Pa chau naw chun, tukhawmin, vâna vântirkohai khawmin, Naupa khawmin an hriet nawh.

MATTHAI 24:36 ပူးပေါင်းရင်းမြစ်များ

ZEKARIA 14:7

amiruokchu, ni khat, Lalpa ihriet chu um a tih; sûn khawm ni naw ni a, zân khawm ni naw bawk a tih, amiruokchu, zântieng huna hin var chu hung um a tih.

MATTHAI 24:42

Chuongchun, ngaiven ro, ieng ni am in Lalpa a hung ding in hriet si naw a.

MATTHAI 24:44

Chuleiin, nangni khawm inring zingin um ro, in ring naw hunah Mihriem Naupa a hung din g a ni si a.

MATTHAI 25:13

Chuongchun, ngaiven ro, a ni le a hun chu in hriet si naw a.

MARKA 13:32

“Nisienlakhawm, chu ni le a dâr thu chu Pa chau naw chun tukhawmin, vâna vântirkohai khawmin, Naupa khawmin, an hriet nawh.

THILTHAWHAI 1:7

Chun, ama chun an kuomah, “Pain a hun le a ni ama thu thua um dinga a ruot chu nangni lo hriet ding a ni naw ie.

1 THESSALONIKA 5:2

Lalpa Ni chu zâna inru angin a hung tlung ding a nih ti nangni ngeiin chiengtakin in hriet si a.

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.

THUPUONGSUO 16:15

(Ngai ta, inru angin ka hung ding a nih; inringa a puon dierkei zing chu a hamṭha, chuong naw chun, saruokin lêng a ta, a zamaw hmu rawi an tih).

THUPUONGSUO 3:3

Chuongchun, i changta le i hriet ta kha hre zing rawh; chun, chu chu pawm la, sim rawh. în vêng naw chun inru angin hung ka ta, ieng hun âm ka hung phâwk ding che hre si naw ti ni a.