MATTHAI 24:35 - Pathien Lekhabu Inthieng (BSI)

³⁵ Hnuoi le vân bo a ta, ka thu ruok chu bo naw ni.

MATTHAI 24:35 ပူးပေါင်းရင်းမြစ်များ

INPÂKNA HLABU 102:26

Chuonghai chu la bohmang a ta, nang ruok chu um zing i tih. Anih, chuong po pohai chu silfên angin la hlui a ta, Puon angin thleng i ta, hung danglam tâng a tih.

INPÂKNA HLABU 119:89

Aw Lalpa, kumkhawtluonga dingin, I thu chu vânah dettakin a um a;

INPÂKNA HLABU 19:7

Lalpa dân chu a ṭha famkim a, hringna a siemṭha hlak, Lalpa thu inhriettir chu ring a um a, mi mâwl a sukvar hlak.

INPÂKNA HLABU 89:34

Ka thuthlung chu bawse naw ning a, Ka hmûra thu suok chu sukdanglam bawk naw ning.

THUVARHAI 30:5

Pathien thu tin chu sukthiengin a um a, Ama ringtuhai ta ding chun ama chu phaw a nih.

ISAI 34:4

Vâna umhai po po khi sukboin um an ta, vân khi lekhabu zuol mi an zuol angin zuolin um a ta; a umhai po po khi grêp hruia inthawka a hna a vuoi a, a tla hlak ang le, theichang kûnga inthawka a hna vuoi a tla hlak ang hin vuoi zoin tla vawng an tih.

ISAI 40:8

Hlobet chu a vuoi a, a pâr chu a ṭuoi hlak: ei Pathien thu ruok hi chu chatuonin um zing a tih.”

ISAI 51:6

Vân tienga hai khin in mit hang inlên unla, hnuoi tienga leihnuoi chu en ro: vân khi meikhu angin lân zâm hmang a ta, leihnuoi hi silfên angin la hlui a tih, a sûnga umhai chu chuong ang bawk chun la thîng an tih; ka sandamna ruok hi chu kumkhuoin um a ta, ka felna khawm hi sukboin um naw ni.

ISAI 54:10

Tlâng lienhai chu fe hmang an ta, tlâng chînhai chu sawnin um bawk an tih; ka zainêmna ruok hi chu i kuoma inthawkin fe hmang naw ni a, ka remna thuthlung chu sawnin um bawk naw ni, Lalpa a lunginsiettu che chun a tih.

ISAI 55:11

chuong ang bawkin ka baua inthawka ka thu suok chu um a tih: iengkhawm thaw nei lovin ka kuomah hung kîr nâwk naw ni a, ka dit ang chu thaw lem a ta, thil thaw dinga ka tirnaa chun hlawtling bawk a tih.

DANIEL 4:28

Hieng thil po po hi lal Nebukadnezzar chunga chun a hung tlung ta a.

NAMBAR 23:19

Pathien chu khêl inhlip mihriem el a ni nawh, Inkîr hmang mihriem naupa a ni bawk naw a, A hril ta chu a thaw naw ding am a nih? A lo hril ta chu a sukpuitling naw ding am a nih?

MATTHAI 5:18

Titakzetin ka hril cheu hi, hnuoi le vân hi a bo hmakhat chun Dân thua sunhâng chite amanih, thaihâng chite amanih, pakhat khawm, bo naw tawp a tih, a rênga a tlung kim hmakhat chun.

MARKA 13:31

Hnuoi le vân bo a ta, ka thu ruok chu bo naw ni.

LUKA 21:33

Hnuoi le vân bohmang a ta, ka thu ruok chu bohmang naw ni.

TITA 1:2

Chatuona hringna beiseina chu Pathien khêl hril thei naw chun leilung insieng hmain a tiem a;

1 PETER 1:25

Lalpa thu ruok chu, Chatuonin a um zing a nih,” ti a ni si a. Chu chu a nih, Chanchin Ṭha thu an hril cheu kha.

THUPUONGSUO 20:11

Chun, lalṭhungpha lientak vârtak le a chunga ṭhung chu ka hmu a, a hmaa inthawk chun hnuoi le vân an tlân hmang a, an ta dingin hmun hrim a um ta naw a.

THUPUONGSUO 3:14

“Chun, Laodikeia tirko kuoma chun hieng hin ziek rawh: “Amen, thuhretu ringum le indiktak, Pathien thilsiem bul khan, hieng thu hi a hril a nih;

THUPUONGSUO 6:14

Vân chu lekhabu zuolmi zuola ân hmang angin, ân hmang ta a; tlâng le thlierkâr tinrêng chu an umnaa inthawkin sawnin an um ta a.