MATTHAI 24:31 - Pathien Lekhabu Inthieng (BSI)

³¹ Chun, a vântirkohai chu tawtawrâwt ri nasatak leh tir suok a tih. Anni chun a ithlanghai chu kâwl kil lia inthawkin, vân tâwpa inthawka a tâwp khing tieng chenin lâwr khâwm an tih.

MATTHAI 24:31 ပူးပေါင်းရင်းမြစ်များ

INPÂKNA HLABU 22:27

Kâwlkawdawnga mi po po khawmin hre nâwk an ta, Lalpa tieng ngha tâng an tih: Hnam tina chi tin i hmaah kûn an tih.

INPÂKNA HLABU 67:7

Pathienin mal mi sâwm a ta, Kâwlkawdawnga mi po po khawmin ama ṭîng an tih.

INPÂKNA HLABU 81:3

Thla thara chun tawtawrâwt mût unla, Thla lir laia ei ruoiṭhe hun lai leh.

FESUOKNA 19:16

Ni thum ni chun zîngkâr a la ni laiin, vâninrûmhai, ṭêktlahai, tlâng chunga sûm sâmup le, tawtawrâwt ri inringtak el chu a um ta a; bûka mipui um po po chu an inthin ta a.

ISAI 11:12

Chun, hnam tin ta dingin inchikna târ suok a ta, Israel hnawt suoka umhai chu ṭhuoi khâwm a ta, Juda indarhai kâwl kil lia inthawkin ṭhuoi khâwm a tih.

ISAI 13:5

Annirawi, Lalpa le a lungninawna hriemhreihai chu, ram hlataka inthawk, kâwlkawdawng tâwp rêta inthawkin, ram po po hi sukse dingin an hung a ni chu.

ISAI 27:13

Chu nia chun tawtawrâwt lientak mût an ta; chuongchun, Assuria rama bohmang vâng vânghai le, Aigupta rama hnawtdawka umhai chu hung an ta; Jerusalem khuoa tlâng inthienga chun, Lalpa chu chibai bûk an tih.

ISAI 42:10

Tuisuorieta zu fehai le, a sûnga um po pohai le, thlierkârhai le, a chunga um po pohai, Lalpa chawimawiin hla thar sak unla, leihnuoi tâwpa inthawk khawma ama inpâkna hla sak ro.

ISAI 43:6

hmârtieng kuoma chun, ‘Inthla ro,’ tîng ka ta, simtieng kuoma chun, ‘Hrên zing naw ro,’ tîng ka tih; ka naupasalhai chu hlataka inthawkin hung ṭhuoi unla, ka naunuhmeihai chu leihnuoi tâwpa inthawkin hung ṭhuoi ro;

ISAI 45:22

Kâwlkawdawnga mi po pohai, keia tieng hung ngha unla, sandamin um ro; kei hi Pathien ka ni si a, a dang hrim hrim an um nawh.

ISAI 49:18

“Tang la, i mit inlên vêl la, en rawh; hieng po po hi an inkhâwm a, i kuomah an hung a ni hi. Ka hringna sâlin, ‘Nang chun chawimawina inbel angin hienghai hin inbelin, mo chu ân khit angin, hienghai hin inkhit ngei i tih’, Lalpain a tih.

ISAI 60:4

Tang la, i mit inlên vêl la, en rawh: an rêngin an inkhâwm a, i kuomah an hung a ni hi: i naupasalhai chu hlataka inthawkin hung an ta, i naunuhmeihai chu hung pawm an tih.

DANIEL 7:2

Daniel chun a hril a, “Zâna hin ka thil hmulâwkna chun, ngai ta, vân thli hai pali chu tuipui lien chunga an hrâng hi ka hmu a.

ZEKARIA 14:5

Chun, ka tlâng kâra ruomah chun tlânsieng in ta; tlâng kâra ruom chun Azel a tlung rak ding a ni si a: anih, Juda lal Uzzia inlal laia simkhawleihnuoi inhnînga in tlânsiet ang khan, tlânsieng in tih; chun, Lalpa ka Pathien chu hung a tih, a kuoma mi inthienghai po po leh.

ZEKARIA 2:6

“Hung ro, hung ro, hmâr rama inthawk dâm chun hung tlân suok ro, Lalpa chun a tih: vân kil liahai chena chun ka lo sukdar ta si cheu a, Lalpa chun a tih.

ZEKARIA 6:5

Vântirko chun a mi dawn a, ka kuomah, “Hieng hi vân thlarau pali, leihnuoi po po Lalpa hmaa ngîr hlaka, fe suok hlakhai chu an nih.”

ZEKARIA 9:10

Ephraima inthawkin tawlailîr chu sât thlâng ka ta, sakawr chu Jerusalema inthawkin; chun, indona thalngul chu sât thliek ni tâng a tih; chun, ama chun hnamhai kuoma chun inremna thu hril a ta; a ramawp chu tuipuia inthawka tuipui chen, Vadungpuia inthawka leihnuoi tâwp chen nîng a tih.

ZEKARIA 9:14

Lalpa chu anni chunga chun hmu nîng a ta, a thal chu kâwlinlep angin fe suok a tih; chun, Lalpa Pathien chun tawtawrâwt chu mût a ta, simtieng thlivir le chun fêng a tih.

MATTHAI 13:41

Mihriem Naupa hin a vântirkohai chu tir dawk a ta, a rama inthawka insuksuoltirtuhai le thil suksuoltuhai po po chu thlang dawk an ta,

MATTHAI 24:22

Chun, chuong nihai chu suktâwi ni naw sien chu mihriem hrim hrim damin suok naw ni hai; nisienlakhawm, thlanghai lei chun chuong nihai chu suktâwi nîng a tih.

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

MATTHAI 24:32

“Chuongchun, theichang kûnga hin chu tekhithu chu inchûk ro. A kâu a hung indâwn a, a hna a hung inder chun, nipui a ni ding a nih ti in hriet.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

MARKA 13:27

Chun, vântirko chu tir suok a ta, a thlanghai chu kâwl kil lia inthawkin, hnuoi tâwpa inthawka vân tawp chenin lâwr khawm a tih.

LUKA 24:47

ama hmingin simna thu le suol ngaidamna thu Jerusalema inthawkin hnam tin kuoma hril nîng a tih,’ tiin.

JOHAN 11:52

Chuhai chihai ai chau chun a ni nawh, Pathien nau khawvêla indarhai po po pâwl khata a ṭhuoi khâwmna dingin a ni bawk.)

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:18

Anleh, an nain an hriet naw am a nih? Hre e le! “An ri chu ram tinah ân thang a, An thu chu kâwlkawdawng chenin ân thang suok tah.”

1 KORINTH 15:52

nisienlakhawm, ei rêngin tawtawrâwt nuhnungtak inri pha chun sâwt nawtêa, mitkhap kâr lova sukdanglamin um vawng tâng ei tih; tawtawrâwt chu ân ri ding a ni si a; chuongchun, mithihai chu hmawntheilova keithoin um an ta, eini khawm sukdanglamin um tâng ei tih.

EPHESI 1:10

hunbi kim hunah: iengkim vâna thil umhai le hnuoia thil umhai khawm Kristaah, amaa ngei chun fâwkkhâwm dingin a nih.

DÂN PAHNINA 30:4

Nangni laia mi kâwlkawdawng chena hnawtdawk an um chun, Lalpa in Pathien chun chutaka inthawk chun ṭhuoi khâwm a ti cheu a, chutaka inthawk chun ṭhuoikîr nâwk a ti cheu.

DÂN PAHNINA 4:32

“In pieng hma, kha hma tieng kha hang ngaituo unla, leihnuoia Pathienin mihriem a siema inthawk vânkhuphnuoia hieng anga thil ropui hi a um hlakin, hriet khawm a ni hrim hlak am chu?

1 THESSALONIKA 4:16

Lalpa ngei chu khêkri leh, vântirko chunghnungtak râwl leh, Pathien tawtawrâwt ri leh, vâna inthawkin a hung ṭum ding a ni si a; chun, Kristaa thi tahai chu tho hmasâng an tih.

2 THESSALONIKA 2:1

Nisienlakhawm, unauhai, ei Lalpa Isu Krista hungna le a kuoma ei hang inkhâwmna ding thua chun,

HEBRAIHAI 12:19

tawtawrâwt inrîkna dâm, thu hril ri umna dâm kha, chu ri hretuhai chun thu dang hrim an kuoma hril ta lo dingin an ngên a,

THUPUONGSUO 1:20

ka kut changtienga arasi pasari um i hmuhai le, rângkachak khâwnvar siena pasarihai thurûk chu, Arasi pasari chu kohran pasarihai tirko an na, khâwnvar pasari chu kohran pasarihai chu an nih.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 7:1

Chu hnunga chun khawmuola le tuipuia le, thing hrim hrima chun thli hrim a hrâng nawna dingin, hnuoi thli pali chu chelin hnuoi kil lia ngîr vântirko pali ka hmu a.

THUPUONGSUO 8:2

Chun, vântirko pasari Pathien hmaa ngîr hlakhai chu ka hmu a; an kuomah tawtawrâwt pasari an pêk a.