MATTHAI 23:39 - Pathien Lekhabu Inthieng (BSI)

³⁹ Ka hril cheu hi, ‘Lalpa hminga hung chu inpâkin um raw se,’ in ti hmakhat chun tuta hnung in mi hmu nâwk ta naw ding a nih,” a ta.

MATTHAI 23:39 ပူးပေါင်းရင်းမြစ်များ

INPÂKNA HLABU 118:26

Lalpa hminga hung chu a hamṭha ie, Lalpa ina inthawk hin mal kan sâwm cheu a ni hi.

HOSEA 3:4

Israel mipuihai chu ni tamtak laltak le mi lien le, inthawina le lungphun inser, thiempu zakuo amanih, milimhai amanih, nei lovin an um ding a ni si a.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

MATTHAI 21:9

Chun, mipui a hma tienga fe le a zuihai chun, “David naupa kuomah Hosanna! Lalpa hminga hung chu inpâkin um raw se! Achunghnungtaka khin, Hosanna!” tiin an khêk a.

LUKA 17:22

Chun, inchûktirhai kuoma chun, “Mihriem Naupa dam lai nihai ni khat bêk hi in hmu nuom nihai la um a tih; nisienlakhawm, hmu ta si naw ti niu.

JOHAN 14:19

Sâwt nawtê hnungah khawvêlin mi hmu nâwk ta naw ni, nisienlakhawm, nangni chun mi hmûng in tih; kei ka hring leiin nangni khawm hring in tih.

JOHAN 14:9

Isûn a kuomah, “Philip, hi chen rau hi in kuomah ka um a, chuong khawm chun in mi la hriet naw ta rawp maw? Tûkhawm a mi hmu chu Pa hmu a nih. ‘Pa chu mîn hmutir rawh,’ ieng ti tia ti am i na?

JOHAN 8:21

Chun, ama chun an kuomah, “Ka fe hmang ding a ni hi, nangnîn mi zawng in ta, in suol nei zingin thîng in tih; ka fena dingah hung thei naw ti niu,” a ti nâwk a.

JOHAN 8:24

Chuleiin, in kuomah, ‘In suol nei zingin thîng in tih,’ ka ti kha; ama chu ka nih ti in awi naw chun, in suol nei zingin thi mawl in tih,” a ta.

JOHAN 8:56

In thlatu Abraham kha ka ni hmu ding a ni leiin a hlim bêk bêk hlak; chun, a hmu ngei a, a lâwm hle a,” a ta, a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:25

Unauhai, hi thurûk hi in hriet naw ka nuom nghâl si naw a, chuong naw chun intivar in tih; Jentail famkimna a hung tlung hma chun Israel mi ṭhenkhat chungah ngawngna a hung tlung hri phawt a nih, ti hi.