MATTHAI 23:12 - Pathien Lekhabu Inthieng (BSI)

¹² Tukhawm ân ngaihlu phawt chu tlâwm a ta, tukhawm ân ngaitlâwm phawt chu chawimawiin um a tih.

MATTHAI 23:12 ပူးပေါင်းရင်းမြစ်များ

JOB LEKHABU (THE BOOK OF JOB) 22:29

Pathienin mi chapo chu a sukhnuoi a, Mi inngaitlâwm ruok chu a sandam a.

INPÂKNA HLABU 138:6

Lalpa chu chunghnungtak a nia chu a mi inhnuoihai a ngaisak hlak. Mi chapohai ruok chu hlataka inthawkin a hriet hlak.

THUVARHAI 15:33

Lalpa ṭîna chu varna inchûktirna a nih; Chun, inzakaina hmaa chun inngaitlâwmna a fezie.

THUVARHAI 29:23

Mi chu a chapona chun ama chu sukhnuoi a ta, Lungrila inngaitlâwm ruok chun chawimawina hmûng a tih.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

MATTHAI 18:4

Chuongchun, tukhawm hi naupangte anga inngaitlâwm taphawt, ama chu vân rama chun ropuitak a tih.

MATTHAI 5:3

“Thlaraua pasiea inhriehai chu an hamṭha; vân ram an ta a ni si a.

LUKA 14:11

Inngaihlu taphawt chu tlâwm an ta; inngaitlâwm chu chawimawiin um an tih,” a ta.

LUKA 18:14

Ka hril cheu hi, a hmasa nêkin ama lem chu thiem changin a inah a fe thla ta lem a. Inngaihlu taphawt tlâwm an ta, inngaitlâwm taphawt chu chawimawiin um an tih,” a ta.

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.

1 PETER 5:6

Chuleiin, a huntaka chun a chawimawi theina ding cheuin, Pathien kut hrâttak hnuoia chun insukhnuoi unla,