MATTHAI 22:4 - Pathien Lekhabu Inthieng (BSI)

⁴ Chun, ama chun, ‘Ka ifielhai kuoma khan, ngai ta u, ka ruoi chu kân zo tah; ka bâwngchalhai le ka ran châwm thauhai ka that a, iengkim inzo a ni tah, inneina ruoi fa dingin hung ta ro ti ro,’ tiin suok dang a tir nâwk a.

MATTHAI 22:4 ပူးပေါင်းရင်းမြစ်များ

NEHEMIA 9:17

an awi nuom naw a, anni laia i thilmak thawhai khawm chu an hriet nuom ta bawk naw a; an insukkâwmaw a, an helin an suok nina tienga lêt nâwk dingin hotu an ruot lem a; amiruokchu, nang chu ngaidam dinga inzosa zing Pathien, mi lunginsiet thei, lainatnaa sip, lung inuoi, zainêmna hau i na, anni chu i nghatsan chuong naw a.

INPÂKNA HLABU 86:5

Lalpa, nang chu i ṭha a, ngaidam i pei a, A kotuhai che phawt kuomah zainêmna i hau si a.

THUVARHAI 15:17

Bâwngchal châwm thau buthlêng chutaka intheidana umna nêkin. Thlaihna buthlêng chutaka hmangaina umna chu a ṭha lem.

HLAHAI HLA 5:1

Ka farnu, ka huona chun ka hung ie, ka mo, Ka riminhnik leh ka murra chu ka lâk khâwm a; Ka khuoizu le ka khuoithlâr chu ka fâk a; Ka bâwng nênetui leh ka uoin chu ka dâwn tah. Aw ruolhai, fa ta u, Dâwn unla, dâwn ṭeu ro aw hmangaitak.

MATTHAI 21:36

Chun, suok dang a hmasa pâwl nêka tam lem a tir nâwk a; annihai chunga khawm an hmaa mihai an thaw ang bawkin an lo thaw nâwk a.

MATTHAI 22:5

Nisienlakhawm, an lo ngaisak naw a, an fe hmang el ta a, pakhat chu loah a fe a, pakhat chu sumdâwngnaah,

MATTHAI 22:8

“Chun, a suokhai kuoma chun, ‘Inneina ruoi inzo a ni tah; fielhai ruok kha chu fa tlâk an ni nawh.

LUKA 14:17

chun, a fâk huna chun a mi fielhai kuomah, ‘Hung ta ro khai, tuhin iengkim inzo a ni tah,’ ti dingin a suok a tir a.

THILTHAWHAI 1:8

Nisienlakhawm, Thlarau Inthieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

THILTHAWHAI 13:46

Chun, Paula le Barnaba chun huoitakin an hril dawk a, “Pathien thu hi nangni kuoma hril hmasak hrim ding a nih; nisienlakhawm, in lo dang kîr a, chatuona hring tlâk lova in inruot ta hnung chu, hre ro, Jentailhai kuom tieng ngha vê tâng kan tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla lova, ei rênga aia petu chun, thil dang po po khawm a thlâwnin a mi pêk sa naw ding am a nih?