ama chu lungril po poa, hrietna po poa, hrâtna po poa hmangai a, mâni inhmangai anga vênghai hmangai chu pumrawhmang ser pêk po po le inthawina po po nêkin a ṭha lem bêk bêk ti hi i hril dik ngawt el,” a ta.
Chun, ama chun, “ ‘Lalpa i Pathien chu i lungril po poin, i thlarau po poin, i hrâtna po poin, i lungvar po poin i hmangai ding a nih’; ‘Nangma în hmangai angin i vênghai khawm i hmangai ding a nih,’ ti hi,” a ta, a dawn a.
“Khai le, Israel mihai, nangnia inthawka Lalpa in Pathienin a phût chu ieng dang khawm a ni naw a, in ṭhatna dinga Lalpa in Pathien in ṭi a, a lampui po po chu hraw a, ama hmangai a, in lungril po po le in lungvar po poa Lalpa in Pathien rawng bâwl a,
In hring theina dinga Lalpa in Pathien chu in lungril po po le in lungvar po poa in hmangai theina dingin Lalpa in Pathienin in lungril le in thlahai lungril ser chu tanpêk a ti cheu a.