MATTHAI 21:5 - Pathien Lekhabu Inthieng (BSI)

⁵ “ ‘En ta, i Lal chu thuhnuoirawltakin, Sabengtung chungah, sabengtungtê chunga ngeia chuongin, I kuomah a hung ding a nih,’ tiin, Zion naunu chu hril rawh,” ti hi.

MATTHAI 21:5 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

2 SAMUEL 16:2

Chun, lal chun Ziba kuoma chun, “Hieng hi iengtizie am a ni a?” a ta. Ziba chun, “Sabengtunghai hi lal sûnghai chuongna ding nîng a ta, bei le nipui theihai hi tlangvâlhai fâk ding nîng a ta; uoin hi chu thlalêra châu taphawthai dâwn ding nîng a tih,” a ta.

1 LALHAI 1:33

Chun, lal chun an kuomah, “In lalpa siehlawhai hi ṭhuoi unla, chun, ka naupa Solomon hi keima sabengtung lien chia ngei inchuongtir unla, Gihonah ṭhuoi thla ro,

1 LALHAI 10:26

Chun, Solomon chun tawlailîrhai le sakawr chung chuong mihai a ko khâwm ṭeu a, tawlailîr sâng khat le za li le sakawr chung chuong mi sîng khat le sâng hni a nei a, chuonghai chu tawlailîr siena khuohaia, Jerusalem khuoa lal umnaa dâm chun ân umtir a.

INPÂKNA HLABU 9:14

Nangma inpâkna po po chu kân hriettir theina dingin; Zion naunu kawtkhârahai chun, I mi sandamnaa hin hlim ka tih.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui si a,” tiin.

ISAI 40:9

Aw Zion kuoma chanchin ṭha hriltu, tlâng insângtaka hin hang fe rawh, aw Jerusalem kuoma chanchin ṭha hriltu, inringtakin i râwl insuo rawh; insuo rawh, ṭi naw rawh; Juda khuohai kuoma chun, “En ta u, in Pathien hi!

ISAI 62:11

Ngai ta u, Lalpain leihnuoi tâwp chenin hieng ang hin ân hriettir a nih, “Zion naunu kuomah hieng ang hin hril ro, ‘En ta, nangma sandamna a hung tlung ding a ni hi; en ta, a lâwmman chu a kuomah a um hi, a thungna chu a hmaah a um bawk a.

EZEKIEL 34:24

Chun, kei Lalpa hi in Pathien nîng ka ta, ka siehlaw David chu anni laia lal nîng a tih; hi hi kei Lalpain ka hril ta a nih.

EZEKIEL 37:24

Chun, ka siehlaw David chu an chunga lal nîng a ta, chuongchun, berampu pakhat nei an ta, ka rorêlhai khawm chu hrâwng an ta, ka thu- ruothai chu pawmin thaw bawk an tih.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

MIKA 5:2

Nisienlakhawm, nang Bethlehem Ephratha, Juda rama sâng tamtakhai laiah chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

NAMBAR 24:19

Jakoba inthawkin tu amanih inlal a ta, Khuoa a la um sunhai chu sukbohmang a tih,’ a tih,” a ta.

MATTHAI 11:29

Ka rîngkawl bât unla, ka kuomah inchûk ro; thuhnuoirawl le lungrila inngaitlâwmtak ka ni hi; chuongchun, in thlarau ta dingin châwlna hmûng in tih.

MATTHAI 2:2

“Judahai lal hung pieng chu khâwlai am a um a? A arasi khawsak tieng kan hmu a, ama chibai bûk dingin kan hung a nih,” an ta.

MATTHAI 2:6

‘Chun, nang Juda rama Bethlehem, Juda khawpuihai laiah i chîn tak naw tawp; I sûnga inthawkin awptu a hung suok ding a ni si a, Ka mi Israelhai vêngtu ding chu,’ ti hi,” an ta.

MATTHAI 21:6

Chuongchun, inchûktirhai chu an va fe a, Isûn an kuoma thu a pêk ang ngeiin an thaw a,

LUKA 24:27

Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

2 KORINTH 10:1

Chun, kei Paula, nangni laia in mithmua thuhnuoirawltaka um a, nangni laia umnaw phingleh nangni tieng zuom si hlak ngei hin, Krista zaidamna le nunnêmnain ka ngên cheu.

DÂN PAHNINA 17:16

Amiruokchu, sakawr a hau ding a ni nawh, sakawr a hau theina dingin Aigupta mihai le chun inthuruol ding a ni bawk nawh. Lalpa chun, ‘Tuta chen chu, chu tienga chun in kîr nâwk ding a ni ta nawh,’ a ti tlat si a.

RORELTUHAI 12:14

Ama chun naupasal sâwmli le tupa sâwmthum, sabengtungte sâwmsari chunga chuong hlak mi a nei a; ama chun Israelhai chungah kum riet ro a rêl.

RORELTUHAI 5:10

Nangni sabengtung vâr chunga chuonghai, Nangni puondâp sataka ṭhunghai, Nangni lampuia inlawnhai,chuong thu chu puong ro.