MATTHAI 21:43 - Pathien Lekhabu Inthieng (BSI)

⁴³ “Chuleichun, ‘Pathien ram chu in kuoma inthawkin lâk hmang nîng a ta, ra insuo ding hnam kuomah pêk nîng a tih,’ ti ka hril cheu hi.

MATTHAI 21:43 ပူးပေါင်းရင်းမြစ်များ

FESUOKNA 19:6

Chun, ka ta dingin thiempuhai ram le hnam inthieng ni bawk in tih. Hieng thuhai hi a nih Israel mihai kuoma i hril ding chu,” a ti a.

ISAI 26:2

Hnam fel thutak zâwmtu chu a lût theina dingin kul kawtkhârhai chu hawng ro.

ISAI 28:2

Ngai ta, Lalpa chun mi hrât thilthawtheitak a nei a; ama chun riel nasatak tla dur dur, thlipui thil sukse rem rum ang le, tuilien nasatak lien zur zur ang elin, hnuoiah pei chawr a tih.

MATTHAI 12:28

Amiruokchu, kei Pathien Thlarau leia khawhrihai hnawt dawk hlak ka ni chun, Pathien ram in kuomah a hung tlung tah nîng a tih.

MATTHAI 21:41

Anni chun a kuomah, “Chuong mi suolhai chu rimsitakin sukbohmang a ta, grêp huon chu lo enkawltu dang, a lo pha po leh a rahai chu a kuomah pe pei dinghai kuomah thlohlaw dingin pêng a tih,” an ta.

MATTHAI 21:42

Isu chun an kuomah, “Pathien lekhaa, ‘In bâwltuhai lung dit naw kha, Chu ngei chu a kia lung ṭhangkai tak a hung ni tah. Chu chu Lalpa thaw a na, Ei mithmua hin a mak a nih,’ ti hi in tiem ngai naw am a nih?

MATTHAI 21:44

Chun, chu lung chunga tlu chu kawi dar a ta; a idel lem chu râwt nawi a tih” a ta.

JOHAN 3:3

Isûn a dawn a, a kuomah, “Titakzetin, titakzetin ka hril che hi mi tûkhawm an pieng thar naw chun, Pathien ram hmu thei naw ni hai,” a ta.

JOHAN 3:5

Isûn a dawn a, “Titakzetin, titakzetin ka hril che hi, mi tûkhawm tuia le Thlaraua an pieng naw chun Pathien ramah lût thei naw ni hai,

1 KORINTH 13:2

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.

1 PETER 2:9

Nisienlakhawm, inthima inthawka suok a, a var nasataka lût dinga kotu cheu ṭhatna chu in inentir theina dingin, nangni chu chi thlang, lal thiempuhai, hnam inthieng, Pathien mihai ngei in ni si a.