MATTHAI 21:35 - Pathien Lekhabu Inthieng (BSI)

³⁵ Chun, lo enkawltuhai chun a suokhai chu an lo man a, pakhat an vuok a, pakhat an sukhlum a, pakhat lungin an dêng a.

MATTHAI 21:35 ပူးပေါင်းရင်းမြစ်များ

1 LALHAI 18:13

Jezebelin Lalpa zâwlneihai a râwt rak laia ka thil thaw, Lalpa zâwlneihai laia mi za, sâwmnga pâwla pûka ka thuphmang a, bei le tuia ka châwmzie kha ka pu hi an hril naw che nîng a ti maw?

1 LALHAI 18:4

Jezebelin Lalpa zâwlneihai a râwt rak lai khan Obadia chun zâwlnei za a ṭhuoi a, pûkah sâwmnga peiin a thuphmang a, bei le tuiin a châwm hlak a nih.)

1 LALHAI 19:10

Ama chun, “Lalpa sipaihai Pathien ta ding hin ṭhahnem ka ngai êm êm hlak a, Israel thlahai hlak chun i thuthlung an nghatsan a, i maichâmhai an sukchim a, i zâwlneihai kâwlhnâmin an sâthlum si a; a la um chu kei bak hi ka na, ka hringna mi lâkpêk an tum a nih,” a ta.

1 LALHAI 19:2

Chuongchun, Jezebel chun Elija kuomah, “khâng mihai laia mi pakhat hringna anga zîngah hieng tik phât hin i hringna ka siempêk ve naw che chun pathienhai chun an law law mi law el hai sienla, chu nêka nasa lem khawm a,” tiin mi a tir a.

1 LALHAI 22:24

Chuongchun, Kenaan naupa Zedekia chun a hung hnai a, Mikaia bienga chun a hung ben a, “Lalpa thlarau chun i kuoma thu hril dingin khawtieng am a mi mâksan leh?” a ta.

2 CHANCHIN SUINA 16:10

Chun, Asa chu zâwlnei chunga chun a lunginsen a, lung ina chun ama chu a khum ta a; hi thil lei hin ama chunga chun a lunginsen si a. Chun, Asa chun chuong lai chun mi ṭhenkhathai chu a lo nêksawr hle bawk a.

NEHEMIA 9:26

Nisienlakhawm, an hung kâwmaw a, i chungah an hel a, i Dân chu an hnungsawn dai a, nangma tieng innghattir nâwk tumtu i zâwlneihai chu an that a, lungsenumtak tak thilhai an thaw a.

JEREMIA 2:30

A thlâwn elin in thlahai chu ka lo vuok ta a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 26:8

Chun, Lalpain hril dinga thu a pêk po po mipuihai po po kuoma Jeremia chun a hril zo chun, thiempuhai le, zâwlneihai le mipui po po chun ama chu an man a, “I thi ngei ngei ding a nih.

JEREMIA 37:15

Chun, rorêltuhai chu Jeremia chunga chun an lunginsen a, ama chu an vuok a, lekhaziektu Jonathan ina chun an khum ta a; chu chu lung inah an siem ta si a.

MATTHAI 21:34

Chun, a ra lo a hun ding chun, a ra lo dingin lo enkawltuhai kuomah a suokhai a tir a.

MATTHAI 21:36

Chun, suok dang a hmasa pâwl nêka tam lem a tir nâwk a; annihai chunga khawm an hmaa mihai an thaw ang bawkin an lo thaw nâwk a.

MATTHAI 5:12

“Lâwm unla, nasatakin hlim ro; vânah in lâwmman a um râwn si a; chuong ang bawkin in hmaa zâwlnei umhai khawm an suknawmna hlak kha.

THILTHAWHAI 7:52

In thlatuhaiin zâwlnei lai an suknawmnat naw tu am an um a? Mi feltak hung ding thu hril lâwktuhai kha an sukhlum a; tuhin nangni ama inmantirtu le sukhlumtuhai in hung ni tah.

THUPUONGSUO 6:9

Chun, inchikna pangana chu a hang sût phingleh, maichâm hnuoia Pathien thu lei le an pawm inhriettirna thu leia thathai thlarau chu ka hmu a;