MATTHAI 21:21 - Pathien Lekhabu Inthieng (BSI)

²¹ Chun, Isûn an kuomah, “Titakzetin ka hril cheu hi, ringna in nei a, in ringhla naw chun, theichang chunga thaw ang chau hi thaw naw ti niu a, hi tlâng kuoma khawm hin, ‘Lo insawn la tuisuorietah lo inpei rawh,’ in ti chun, in ti ang chun lo um a tih.

MATTHAI 21:21 ပူးပေါင်းရင်းမြစ်များ

MATTHAI 14:29

Ama chun, “Hung ta la,” a ta. Peter chu lawnga inthawk chun a ṭum a, Isu kuom tieng panin tui chunga chun kein a fe ta a.

MATTHAI 17:20

Ama chun an kuomah, “In ringna tlâwm leiin. Titakzetin ka hril cheu hi, anṭam mu mal khat ang ringna in nei chun, hi tlâng kuoma hin, ‘Hitaka inthawkin saw taka sawn vân sawn rawh,’ tîng in ta, insawn el a tih; in ta dingin thaw thei naw hrim hrim iengkhawm um naw ni.

MATTHAI 21:20

Chun, a kuomah, “Kumkhawtluongin lo ra ta dêr naw rawh,” a ta. Chun, theichang chu a thêm nghâl el ta a. Chun, inchûktirhai chun chu chu an hmuin, “Iengtiziea theichang hi a thêm nghâl el am a na?” tiin mak an ti hle a.

MATTHAI 8:12

ram nauhai ruok chu tuol inthima chun hnawt dawkin um an ta; chutaka chun ṭap le harâwt chu um a tih,” a ta.

1 KORINTH 13:2

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.

JAKOB 1:6

Nisienlakhawm, ringhla hlek lovin, ringna neiin hni raw se, ringhlatu chu tuisuoriet fâwn thli imût lêng le vawr ang a ni si a.