MATTHAI 20:34 - Pathien Lekhabu Inthieng (BSI)

³⁴ Chuongchun, Isûn a lunginsiet bêk bêk a, an mit a them a; chuongchun, an hmu thei nghâl ta a, ama chu an zui ta a.

MATTHAI 20:34 ပူးပေါင်းရင်းမြစ်များ

INPÂKNA HLABU 119:67

Sukrinuma ka um hma khan kân vâk hmang hlak a, Tu ruok hin chu i thu ka zâwm tah.

INPÂKNA HLABU 119:71

I thuruothai chu kân chûk thiem theina dinga, Sukrinuma ka lo um kha ka ta dingin a ṭha a nih.

INPÂKNA HLABU 145:8

Lalpa chu mi lunginsiet thei, lainatnaa sip, Lunginuoi, ngilneina nasatak nei a nih.

MATTHAI 14:14

Chuongchun, ama chu vapanga a suok chun, mipui nasatak a hmu a; a lunginsiet bêk bêk a, an damnawhai a sukdam a,

MATTHAI 15:32

Chun, Isûn a inchûktirhai chu a ko a, “Mipuihai hi tuhin ka kuomah ni thum an um ta a, fâk ding iengkhawm an nei naw leiin ka lungsiet bêk bêk a nih; bu ngheiin kân fetir nuom nawh ie, chuong naw chun lam kârah châu rawi an tih,” a ta.

MATTHAI 20:33

Anni chun a kuomah, “Lalpa, mit var kan nuom,” an ta.

MATTHAI 21:1

Chun, Jerusalem an tlung dinga Bethphage khuo, Oliv tlâng chu an tlung chun Isûn a închûktirhai pahni a tir a,

MATTHAI 8:15

Chuongchun, a kut chu a them pêk a, a khawsik chu a bo ta a, chun, a tho a, a rawng a bâwlpêk ta a.

MATTHAI 9:29

Ama chun an mit a them a, “In ring angin in chungah tlung raw se,” a ta.

MATTHAI 9:36

Chuongchun, mipuihai chu a hmuin, vêngtu nei naw berâmhai anga rinum le indara an um leiin, a lunginsiet ta bêk bêk el a.

MARKA 7:33

Chun, ama chun mipui laia chu, a khât chauin a tumin a ṭhuoi a, a kutpârhaiin a nakuo chu a khîkpêk a, chil a sâk a, a lei a them pêk a.

LUKA 18:43

Chun, kârlovin a hmu thei nghâl ta a, Pathien inpâk pum peiin ama chu a zui ta a; chun, mi po po chun, chu chu an hmu chun Pathien an inpâk a.

LUKA 22:51

Chun, Isûn a biek a, “Hi po hi ni raw se,” a ta, a nakâwr chu a them a, a sukdam ta a.

LUKA 7:13

Chun, Lalpa chun hmeithai chu a hmu phingleh a lunginsiet bêk bêk a, “Ṭap naw,” a ta.

THILTHAWHAI 26:18

An mit sukvar dingin an kuomah ka tir che hi, chuongchun, inthim chu var tieng nghatsan an ta, Setan thuneina chu Pathien tieng nghatsan an tih, suol ngaidamna an hmuna dingin le an mi ringna leia inthieng tahai kuomah ro chan an nei ve theina dingin,’ a ta.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

1 PETER 3:8

A tâwp taka chun, in rêngin lungril hmunkhatin um unla, inlainat tuo unla, unau angin inhmangai unla, lunginsietna nei unla, thuhnuoirawlin um ro.