MATTHAI 20:26 - Pathien Lekhabu Inthieng (BSI)

²⁶ Nisienlakhawm, nangni laia chu chuong ang chu ni naw ni, tukhawm nangni laia mi lien ni nuom phawt chu in rawngbâwltuin a um ding a nih,

MATTHAI 20:26 ပူးပေါင်းရင်းမြစ်များ

EZEKIEL 24:13

I pawrchenaa chun hurna a um a; ka sukfai che a, sukfaia i um naw leiin, i pawrchenaa inthawkin sukfai ni ngai ta hrim hrim naw ti ni, ka lunginsenna hi i chunga ka suklungâwi hmakhat chun.

MATTHAI 20:27

tukhawm nangni laia a hmasatak ni nuom taphawt chu in siehlawin a um bawk ding a nih;

MATTHAI 25:44

Chu phâ chun, anni khawmin, ‘Lalpa, iengtik âm phîngṭâmin amanih, dangchârin amanih, mikhuolin amanih, intâng ina manih kan hmu che a, i rawng kan bâwlpêk naw che?’ tiin la dawn an tih.

MATTHAI 27:55

Chun, chutaka chun nuhmei tamtak, a rawngbâwlpêk pum peia Galili rama inthawka Isu hung zuitu- hai chu an um a; hlatakah an thlîr a;

MARKA 10:43

Nangni lai ruok chun chuong chu ni naw nih, tukhawm in laia mi lien ni nuom phawt chu in rawngbâwltuin a um lem ding a nih!

MARKA 10:45

Mihriem Naupa meu khawm rawngbâwlpêka um dinga hung a ni naw a, mi tamtak intlanna dinga a hringna pe ding lema hung a ni si a,” a ta.

MARKA 9:35

Chun, ama chu a ṭhung a, sâwm le pahnihai chu a ko a, an kuomah, “Tûkhawmin a hmasatak ni a nuom chun, mi po po nêka nuhnungin um a ta, mi po po rawngbâwltuin a um bawk ding a nih,” a ta.

LUKA 18:14

Ka hril cheu hi, a hmasa nêkin ama lem chu thiem changin a inah a fe thla ta lem a. Inngaihlu taphawt tlâwm an ta, inngaitlâwm taphawt chu chawimawiin um an tih,” a ta.

LUKA 22:26

Nisienlakhawm, nangni chu chuong ang chu ni naw ti niu; in laia ropui tak chu a chîn lem angin um sienla, ân lal tak chu rawngbâwltu angin um lem raw se.

JOHAN 18:36

Isûn, “Ka ram chu hi khawvêla mi hi a ni nawh; ka ram chu hi khawvêla mi hi ni sienla, ka rawihaiin thâwng an tih, Judahai laia pêka ka um nawna dingin; nisienlakhawm, ka ram chu hitaka mi hi a ni nawh,” a ta, a dawn a.

THILTHAWHAI 13:5

Chun, Salamis khuoa an um laiin, Juda inkhâwmna inahai Pathien thu an hril hlak; Johan khawm kha an rawng bâwl dingin an ṭhuoi ve a.

2 KORINTH 1:24

In ringna chungah inlalna ka nei ka ti naw a, in lâwmna ṭhangpuitu ka nih, ka ti lem a nih, ringnaa ngîr in ni si a.

2 TIMOTHE 1:18

(Chu nia chun Lalpa kuomah zângaina hmu dingin Lalpa chun ruot raw se) Ephesia rawng a bâwl nasat zie kha i hriet ta bawk a nih.

PHILEMON 1:13

ama chu Chanchin Ṭhaa kawl ka bunnaa hin nanga aia rawng a mi bâwlpêk theina dingin ka kuoma inumtir zing ka nuom hle a,

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

1 PETER 4:11

Mi tûkhawmin thu a hril chun Pathien thuhai angin hril raw se; mi tûkhawmin rawng a bâwl chun Pathienin hrâtna a pêk ang peiin bâwl raw se; chuongchun, Isu Krista leiin Pathien chu thil iengkimah chawimawiin um thei a tih, ropuina le rorêlna chu chatuona ama ta a ni si a. Amen.

1 PETER 5:3

in chanhai chungah insuklal bawk lovin, pâwlhai enkhi dingin insiem lemin inrawi ro.

THUPUONGSUO 17:6

Chun, chu nuhmei chu mi inthienghai thisen le Isu martarhai thisena inruiin ka hmu a. Ka hmu phingleh mak ka ti bêk bêk a.