MATTHAI 20:21 - Pathien Lekhabu Inthieng (BSI)

²¹ Chun, ama chun a kuomah, “Ieng am i dit a?” a ta. Ama chun a kuomah, “Hieng ka naupahai pahni hi i ramah i changtiengah pakhat, i vawitiengah pakhat an ṭhung theina dingin thu pe ta la,” a ta.

MATTHAI 20:21 ပူးပေါင်းရင်းမြစ်များ

1 LALHAI 2:19

Chuongchun, Bathseba chu Adonija va bepêk dingin lal Solomon kuoma chun a fe ta a. Chun, lal chu ama lo lâwm dingin a tho a, a hmaa chun a kûn a, a lalṭhungphaa chun a ṭhung a, chun, lal nu ta ding chun ṭhungpha ân sietir a; a changtienga chun a ṭhung ta a.

1 LALHAI 3:5

Chun, Gibeon khuoa chun zânah Lalpa chu Solomon kuomah a mangah a hung inlâr a; chun, Pathienin, “Hni ta, ieng am a na ka pêk ding che?” a ta.

ESTHER 5:3

Chun, lal chun a kuomah, “Ieng am i dit a, lalnu Esther, ieng am a na i hni chu? Ram chenve rau khawm ni sien i kuoma pêk nîng a tih,” a ta.

INPÂKNA HLABU 110:1

Lalpa chun ka Lalpa kuomah, “I hmêlmahai i ke innghatnaa ka siem hmakhat chu, Ka changtieng ṭhung rawh,” a ti a.

INPÂKNA HLABU 45:9

I nuhmei ṭhahai laia chun lalhai naunuhai an ṭhang ve a, I changtieng chun Ophir rângkachaka incheiin lalnu chu a ngîr a.

JEREMIA 45:5

Chun, nang chun i ta dingin thil ropuihai chu i zawng a ni maw? Zawng naw rawh, ngai ta, mihriem po po chungah thil ṭhanaw ka hung intlungtir ding a ni si a, Lalpa chun a tih; chun, i hringna ruok chu i fena tieng tiengah sanhim ka ti che,” tiin.

MATTHAI 18:1

Chu lai tak chun inchûktirhai chu Isu kuomah an hung a, “Vân ramah tu am ropuitak a ta?” an ta.

MATTHAI 19:28

Isûn an kuomah, “Titakzetin ka hril cheu hi, siemtharnaa chun, Mihriem Naupa a ropuina ṭhungphaah a ṭhung phaleh nangni a mi zuituhai rawi hi, Israel hnam sâwm le hnam hnihai chu ngaituoin, lalṭhungpha sâwm le pahniah la ṭhung vêng in tih.

MATTHAI 20:22

Isu ruok chun “In hni hi in hriet naw a nih, ka no dâwn ding chu in dâwn thei am a nih?” a ta, a dawn a. Annîn a kuomah, “Thei e,” an ta.

MATTHAI 20:32

Chun, Isu a ngîr a, anni a ko a, “In chungah ieng ang am ka thaw in nuom a?” a ta.

MARKA 10:51

Chun, Isûn ama chu a lo biek a, “I chungah ieng ang am ka thaw i nuom a?” a ta. Chun, mitdel chun a kuomah, “Rabboni, hmu thei ka nuom,” a ta.

MARKA 16:19

Chuongchun, Lal Isu chu an kuoma thu a hril zo chun vâna zuk ṭhuoiin a um ta a, Pathien changtieng a hang ṭhung ta a.

MARKA 6:22

Herodi naunu ngei chu a hung lût a, a lâm a, Herod le a thlaithlêng awtpuituhai chu a suklâwm ta a; chuongchun, lal chun naupangnu kuoma chun, “I dit dit mi hni rawh, pêng ka ti che,” a ta.

LUKA 18:41

chun, a kâwl a hung tlung chun, “I chungah ieng ang am ka thaw i nuom a?” a ta, a lo indawn a. Chun, ama chun, “Lalpa, hmu thei ka nuom,” a ta.

LUKA 19:11

Chun, chuong thuhai chu an ngâi laiin, Jerusalem a hnai ta leiin le Pathien ram hung inlang nghâl ding nia an ring leiin tekhithu a hril sa a.

LUKA 22:24

Chun, anni laia tû tak am ropui taka ngai ding ti thuah insêlna a suok a.

JOHAN 15:7

Nangni keimaa in um zing a, ka thu nangnia a um zing chun, in dit dit hni ro, in ta dingin thawin um pei a tih.

THILTHAWHAI 1:6

Chun, anni chun an hung inkhâwmin a kuomah, “Lalpa, tuhin am a ni Israelhai kuoma ram i pêk nâwk ding?” an ta, an indawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:10

Unauhai hmangai kawnga chun inhmangai takin inlainat tuo seng ro; chawimawi kawnga chun inditsak tuo seng ro;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:34

Tuin am thiemnaw inchangtir a ti leh? A thi chu Isu Krista chu a ni si a, anih, mithi laia inthawka tho nâwk ta lem a, Pathien changtienga uma a mi hrilpêktu bawk kha a nih.

KOLOSSA 3:1

Chuongchun, Krista kuomah keithoin in um ve ta chun, chung tieng, Pathien changtienga ṭhung Krista umnaa thil umhai chu zawng ro;