MATTHAI 20:2 - Pathien Lekhabu Inthieng (BSI)

² Chun, ama chun, sinthawtuhai le chun ni khata duli hlaw dinga an inrem phingleh, huona chun a tir tâwl ta a.

MATTHAI 20:2 ပူးပေါင်းရင်းမြစ်များ

1 LALHAI 18:12

Ka mâksan phing che hin Lalpa thlarauin ka hriet nawnaah la hmang sîng a ti che a, chuongchun, Ahab chu ka va hril a, a hung hmu thei si naw che chun a mi that el ding i sawnnaw; nisienlakhawm, i siehlaw hin ka tleirawla inthawk tah Lalpa chu ka ṭi hlak si a.

2 CHANCHIN SUINA 34:3

Naupang a la ni laiin, a rorêl a kum rietnaa inthawk chun a thlatu David Pathien chu a zawng ṭan a; chun, kum sâwmpahninaa chun Juda ram le Jerusalem chu Asera dâm, milim a kera kerhai dâm, milim a sunga sunghai dâm le bâwlhmun po poa inthawk chun a sukthieng ṭan ta a.

THUHRILTU 12:1

I vânglai nihaia chun nangma Siemtu che chu hre zing la, kumhai a hung hnai a, ni ṭha nawhai a hung tlung hma le;

MATTHAI 18:28

Nisienlakhawm, chu suok chu a va fe suok a, a suok chanpui laia pakhat, a duli za battu a va hmu a; a man a, ‘I bat kha mi pe rawh,’ tiin a rîng a rêk a.

MATTHAI 20:1

“Vân ram chu in neitupa, a grêp huona sinthawtuhai ruoi dinga zîngkâr inhmataka suok ang chu a ni si a.

MATTHAI 20:13

Ama ruok chun anni laia mi pakhat kuomah, ‘Ruola, i chungah iengkhawm ka suksuol lêm; duli hlaw dingin ei inrem naw am a nih?

MATTHAI 20:3

Chun, vairik lai vêlin a va suok a, mi dang dâwr hmuna ngîr mei meihai a hmu a;

MATTHAI 20:9

Chun, zântienga a iruoihai chu an hung chun duli an hmu seng a.

MATTHAI 22:19

Sie tangka chu mîn entir ro,” a ta. Chun, a kuomah duli an hung lâk a.

MATTHAI 9:37

Chuongchun, a inchûktirhai kuoma chun, “Bu sîk ding a tam hle si a; nisienlakhawm, a sinthawtuhai an tlâwm.

MARKA 12:15

Ama ruok chun an vervêkziehai chu hre zingin, an kuomah, “Iengdinga in mi fie am a na? Duli hung la tu, lo en ka tih,” a ta.

LUKA 1:15

Lalpa ngaiin mi lien nîng a ta, uoin le zu hrim hrim dâwn naw ni a; a nu phing sûnga inthawkin Thlarau Inthiengin hung sip a tih,

LUKA 10:35

Chun, a zînga chun duli pahni a kei dawk a, khuolbûk vêngtu kuomah a pêk a, ‘Lo enkawl la, hi bâka i sêng po chu ka hung kîr nâwk pha hung thung ka ti che,” a ta.

LUKA 20:24

“Duli mîn entir ro,” a ta. “Tû lim le tu hming am a na a chuong hi?” a ta. Anni chun, “Kaisar,” an ta.

2 TIMOTHE 3:15

Krista Isua ringna um lei chun sandamna hmu khawpa sukvar thei che Lekha Inthienghai chu i naupang laia inthawka hre tah i ni kha.

THUPUONGSUO 6:6

Chun, thilhring palihai laia inthawk chun râwl âwmtak hin, “Duliin bupui tekhâwng khat, duliin buṭei tekhâwng thum, hriek le uoiin ruok chu sukse naw,” a ti ka hriet a.

1 SAMUEL 2:18

Samuel chu naupang ni sien khawm, puonzai inhmi zakawsîng hâkin Lalpa hmaah rawng a bâwl a.

1 SAMUEL 2:26

Chun, naupang Samuel chu ân ṭhanglien deu deu a, Pathien le mihriemhai dit zâwngin a um ta a.

1 SAMUEL 3:1

Chun, naupang Samuel chun Eli hmaa chun Lalpa rawng a bâwl a. Chuong lai chun Lalpa thu chu a hlu hle el a, ân langa inlârnahai a um naw a.

1 SAMUEL 3:21

Chun, Lalpa chu Siloa chun ân lâr nâwk a; Lalpa chu thuin Samuel kuoma chun Siloa chun ân lâr a ni si a.