MATTHAI 2:8 - Pathien Lekhabu Inthieng (BSI)

⁸ Anni chu Bethlehemah ân fetir ta a, “Fe unla, nautê thu chu nguntakin indawn suok ro; chun kei khawmin ama chu chibai ka hung bûk ve theina dingin, in hmu phingleh mi hung hril nâwk ro,” a ta.

MATTHAI 2:8 ပူးပေါင်းရင်းမြစ်များ

2 SAMUEL 17:14

Chuongchun, Absalom le Israel mi po pohai chun, “Ark mi Husai remruot chu Ahithophel remruot nêk chun a ṭha lem,” an ti ta a. Lalpa chun Absalom chunga chun thil ṭha naw ân tlungtir theina dingin Lalpa chun Ahithophel remruot ṭhatak chu letthla dingin a lo ruot ta hrim a nih.

1 LALHAI 19:2

Chuongchun, Jezebel chun Elija kuomah, “khâng mihai laia mi pakhat hringna anga zîngah hieng tik phât hin i hringna ka siempêk ve naw che chun pathienhai chun an law law mi law el hai sienla, chu nêka nasa lem khawm a,” tiin mi a tir a.

THUVARHAI 21:30

Lalpa kal zâwnga thurâwn amanih, Hrietthiemna amanih, varna amani khawm a um nawh.

ṬAP HLA 3:37

Lalpain thu a pêk naw laia, a hril a, hung tlung el hlak chu tu am a na?

MATTHAI 2:1

Chun, lal Herod inlal laia, Juda rama Bethlehemah Isu a hung piengin, ngai ta, khawsak tienga inthawkin mi varhai Jerusalemah an hung a,

MATTHAI 2:7

Chu hnunga chun Herodin mi varhai chu arûkin a ko a, arasi inlang hun chu nguntakin anni ân dawn a.

MATTHAI 2:9

Chun, lal thu chu an hriet a, an fe ta a; chun, ngai ta, khawsak tienga arasi an hmu kha nautê umna chung zâwn a tlunga a ngîr hmakhat chu an hmaah a fe pei a.