MATTHAI 2:22 - Pathien Lekhabu Inthieng (BSI)

²² Nisienlakhawm, Arkelaus a pa Herod aiawin ân lal ti a hrietin chutaka fe chu a ṭi ta a; chun, a manga hrila a um leiin Galili tieng a fe ta dai a.

MATTHAI 2:22 ပူးပေါင်းရင်းမြစ်များ

INPÂKNA HLABU 121:8

Lalpa chun i suok le i lût chu vêng a ti che, Tuta inthawka kumkhawtluongin.

INPÂKNA HLABU 48:14

Hi Pathien hi kumkhawtluonga ei Pathien a ni ding a ni si a, Thi chen khawma a mi ṭhuoitu ning a tih.

INPÂKNA HLABU 73:24

Nangin i remruotnain mi ṭhuoi i ta, Chu hnunga chun ropuinaa khin mi lâwm i tih.

ISAI 30:21

chun, changtienga kal in chawiin amanih, vawitienga kal in chawiin amanih, hnungtienga thu, in nain, “Hi hi lampui a nih, hitaka hin fe ro,” ti hre pei a tih.

MATTHAI 1:20

Nisienlakhawm, chuong thu chu a ngaituo laiin, ngai ta, a mangah Lalpa vântirko a kuomah a hung inlâr a, “Josef, nang David naupa, Mari chu nuhmeia nei ṭi naw rawh; a nau vawn chu Thlarau Inthienga inthawk a nih i sawnnaw.

MATTHAI 2:1

Chun, lal Herod inlal laia, Juda rama Bethlehemah Isu a hung piengin, ngai ta, khawsak tienga inthawkin mi varhai Jerusalemah an hung a,

MATTHAI 2:19

Nisienlakhawm, Herod chu a thi hnungin, ngai ta, Lalpa vântirko Aiguptaa chun Josef kuomah mangah ân lâr a,

MATTHAI 2:21

Chuongchun, a tho a, nautê le a nu chu a ṭhuoi a, Israel ramah a lût ta a.

MATTHAI 3:13

Chu lai chun a kuoma baptisma chang dingin Isu Galili rama inthawkin Jordan vadungah Johan kuomah a hung a.

LUKA 2:39

Chun, Lalpa dân ang peia thil po po an thaw zoin, Galili rama anni khuo Nazaretha chun an kîr nâwk ta a.

JOHAN 7:52

Anni chun a kuomah, “Nang khawm chu Galili mi i ni ve am a nih? Zawng la, Galili rama chun zâwlnei tukhawm an suok ngai nawh ti hrieng i tih,” an ta, an dawn a.

1 SAMUEL 16:2

Chun, Samuel chun, “Iengtin am fe thei ka ti leh? Saula chun a lo hriet chun mi sukhlum el a tih,” a ta. Chun, Lalpa chun, “Bâwngla ṭhuoi la, ‘Lalpa kuoma inthâwi dinga hung ka nih,’ ti el rawh.